الجزء الثالث من سلسله اروح عاشقه (معاً في الحب والقتال)

1

بسم الله الرحمن الرحيم
لا تدع القراءه تلهيك عن الصلاه
الفصل الاول
______________________________________
كان حمزه يقوم ببعض التمارين الرياضيه حتى يتمكن من الذهاب فى النوم فمنذ ان رحلت روزا وهو لايستطيع التوقف عن التفكير فيما فعلت برحيلها عنه فيضطر الى ممارسه التمارين الرياضيه القاسيه حتى يشعر بالارهاق والتعب ويذهب فى نوم عميق ..كان حمزه يركض على الجهاز الخاص بالركض وهو يفكر أن روزا قد اختفت منذ اكثر من ستة أشهر ولا يعلم اين هى ..أخرجه من شروده صوت هاتفه المحمود فوجد أن محمود هو المتصل فأجاب عليه
حمزه: الو ...ايوه يا محمود عامل ايه
محمود: الحمد لله انت عامل ايه بقالنا اكتر من شهر مشفناكش
حمزه: معلش عندي شوية مشاغل كدا ...هاه انت وماما وكل اللي عندك عاملين ايه
محمود: كويسين الحمد لله مش هتيجى عيد ميلاد ايمن
حمزه: يا الله دا انا كنت ناسي خالص هو بكره صح
محمود: ايوه بكره اوعى متجيش انت عارف ايمن بيحبك اد ايه
حمزه: لا متقلقش هأجى أن شاء الله
محمود: قولى صحيح عرفت اى حاجه عن روزا
تنهد حمزه بأحباط وهبط من فوق الجهاز وهو يقول
حمزه: لسه والله يا محمود ...مش لاقي ليها اى اثر
محمود: متقلقش أن شاء الله هتلاقيها...قولى صحيح مفيش اخبار عن شيرين
حمزه: لا لسه البت دى شكلها مش سهله ابدا … دى لغاية دلوقتى مبانتش فى اى حته
محمود: ربنا يستر انا مش عارف ده كان مستخبى لينا فين
حمزه: متقلقش كله هيبقى تمام ...سلملى بقى على كل اللى عندك لغايه اما اجى عيد الميلاد
محمود: ماشى يا حمزه يوصل أن شاء الله..مع السلامه
حمزه: الله يسلمك
اغلق حمزه الهاتف واتجه إلى المرحاض لينعم بحمام دافىء يريح عضلاته المتشنجه
______________________________________
كان محمود يدلف الى داخل الغرفه عندما لاحظ رغده التى تجلس على الفراش ترتدى ثوب باللون الأحمر يصل لمنتصف الفخذ وتقوم بتقليم اظافرها بينما تدندن إحدى اغانى محمد منير فأبتسم وقال
محمود: سيدى يا سيدى على الروقان
ابتسمت رغده ووقفت واتجهت إليه لتحتضنه وهى تقول بسعاده
رغده: حمد الله على السلامه يا حبيبي… اتأخرت كدا ليه
محمود: وهو يحتضنها: معلش يا قلبى كان عندى شويه اوراق لازم إخلصها
رغده: مش لو كنت سيبتنى انزل الشغل ذى الاول  كان زمانى بساعدك دلوقتى
محمود: وهو يقبلها: لسه بدرى انتى لسه عروسه هتبقى تنزلى بعدين
رغده: هههههه عروسة ايه يا حبيبى احنا كام شهر ونكمل سنه متجوزين
محمود:بخبث: حرام عليكى احنا متجوزناش غير من ست شهور  بس اللى قبل كدا كله كانت خطوبه
نظرت له رغده بخجل فأبتسم لها وانحنى ليقبلها مره اخرى وهو يقول
محمود: خلاص ايه رأيك تروحي معايا الشغل  من بكره
رغده:بسعاده: ياريت يا حبيبي والله
محمود: بأبتسامه: انا حجزت لينا فى مطعم وعازمك النهارده على العشا بره ..ايه رأيك بقى
رغده: بأبتسامه: وانا اقدر اعترض يعنى
محمود: وهو يقبل وجنتها: لا طبعا …
رغده: يبقى خلاص اروح بقى علشان اجهز
محمود: بأبتسامه: روحى يا قلبى وانا كمان هغير
ابتسمت رغده له واتجهت مسرعه الى المرحاض بينما تنهد محمود بسعاده واتجه إلى ملابسه ليقوم بتغييرها
______________________________________
كان فؤاد يجلس فى مكتبه يتحدث فى الهاتف مع هاله ويقول
فؤاد: ايوه يا هاله عامله ايه النهارده
هاله: الحمد لله يا بابا حضرتك عامل ايه
فؤاد: انا كويس الحمد لله يا بنتى معلش مقدرتش اجيلك الفتره اللى فاتت دى كان عندى ظروف فى الشغل
هاله: ولا يهمك يا بابا انا عارفه ظروف حضرتك ...انا بس كنت عايزه اطمن على حضرتك
فؤاد: ربنا يكرمك يا بنتى انا كويس طول ما انتم كويسين
هاله: ربنا يخليك ليا يا بابا ...انا هقفل بقى حضرتك عايز منى اى حاجه
فؤاد: تسلمى يا بنتى وانا أن شاء الله هعدى عليكى النهارده
هاله: ماشى يا بابا ...تيجى بالسلامه أن شاء الله...مع السلامه
فؤاد: مع السلامه يا بنتى
اغلق فؤاد الهاتف وتنهد وهو يفكر فى حياته وما يحدث فيها
______________________________________
كان حمزه يجلس فى مكتبه عندما دلف محمد إلى داخل الغرفه وهو يقول
محمد: يلا يا حمزه جاتلنا اخباريه ضرورى بمكان شيرين
حمزه: وهو يقف: بجد يلا بينا ..مش لازم تهرب مننا ..لازم نقبض عليها
محمد: أن شاء الله هنقبض عليها
حمزه: ايوه كدا علشان لما اروح النهارده بالليل عيد ميلاد ايمن يبقى معايا خبر حلو اقوله لمحمود
محمد: ان شاء الله ..بقولك ايه  هو اللى انا سمعته ده حقيقى ..هو انت هتسيب الاداره
حمزه: ايوه يا محمد ...انا هسيب الاداره واروح اداره تانيه
محمد: ليه يا حمزه..هو فيه حاجه حصلت هنا ولا ايه
حمزه: بتنهيده: لا ابدا انا كل الحكايه انى محتاج ابعد شويه عن كل حاجه
محمد: خلاص خد أجازه ..بلاش تتنقل انا مصدقت بقيت انا وانت فى اداره واحده
سار حمزه بجواره وهو يقول
حمزه: مش عارف والله يا محمد ...على العموم هشوف كدا واللى فيه الخير يقدمه ربنا
______________________________________
كانت روزا تجلس على فراشها ويبدوا على وجهها التوتر وهى تقول
روزا :بس ازاى حصل الكلام ده ….ده معناه أن معانا واحد خاين ..
المتصل: للأسف الاخبار اللى وصلتنى بتأكد كدا ..المهم دلوقتى تفضلى مختفيه
روزا: انا هعمل كدا فعلا ..بس لازم نعرف مين الخائن بأسرع وقت
المتصل: أن شاء الله...انا هقفل دلوقتى وهكلمك تانى قريب تمام
روزا: تمام مع السلامه
اغلقت روزا الهاتف وهى تفكر فى ما علمته للتو واخذت   تفكر في من  بأمكانه أن يقوم بكشف حقيقة ما حدث ومن هو الخائن
______________________________________
كان حمزه يجلس فى الشرفه الخاصه بشقته فمنذ أن عاد من الحفل الخاص  بأيمن وهو يفكر في شيرين التى لم يتمكن من القبض عليها فقد فرت هاربه قبل وصولهم ثم أخذ يفكر فى  حديث محمد ويحاول أن يصل إلى قرار ..تنهد حمزه بتفكير فهو يعلم جيدا مدى عشقه لعمله ويعلم أنه لا يستطيع ترك وظيفته أو تغيير طريقة عمله فقد اعتاد عليه ...اغمض حمزه عينيه بتفكير وهو يحدث نفسه أنه يجب أن يستمر فى عمله كما هو ويجب أن يحاول نسيان روزا وكل ما حدث معها ...تنهد حمزه بأحباط وهو يفكر فى قلبه الذى وقع فى حب فتاه مجهولة لا يعلم عنها اى شىء
______________________________________