الجزء الثالث من سلسله اروح عاشقه (معاً في الحب والقتال)

2

بسم الله الرحمن الرحيم
لا تدع القراءه تلهيك عن الصلاه
الفصل الثانى
❄❄❄❄❄❄❄❄❄❄❄❄
فى الصباح
كانت روزا تجلس امام النافذه شارده فى ما حدث فى الشهور الاخيره وتحاول أن تتبين من هو الخائن الذى قام بالوشايه بها عندما شعرت بكف يوضع على كتفها فنظرت مسرعه لصاحب الكف ثم ابتسمت وقالت
روزا: حمد الله على السلامه يا بابا ..جيت امتى
فؤاد: وهو يجلس: الله يسلمك يا بنتى انا دخلت من شويه بس انتى كان شكلك سرحانه
روزا: ابدا انا بس كنت بفكر فى موضوع تبع الشغل
فؤاد: بقلق: هو حصل حاجه ولا ايه ..اوعى تقولى هتسافرى تانى يا هاله
روزا((هاله)): لا يا بابا متقلقش كل الحكايه أن واحد زميلى لسه مكلمنى وقالى ان فيه حد وصل لعزيز وعرف انى ضابط فى امن الدوله
فؤاد: وهو يجلس بجوارها: دا معناه انك بقيتى فى خطر ...طيب معرفتش مين عمل كدا
هاله: للأسف لا ...المهم دلوقتى أنهم يتأكدوا من الخبر اللى وصلهم لان لو فعلا عزيز عرف الحقيقه يبقى اكيد دلوقتى المافيا بتدور عليا فى كل حته
فؤاد: بهلع: انا قولت بلاش المهمه دى علشان عارف انها خطر عليكى
هاله:بتنهيده: حضرتك عارف انا بحب شغلى اد ايه وكمان انا فى المهمه دى من سنين ولولا الهجوم اللى حصل علينا كان زمانى قبضت على الرأس الكبيره بتاعت المافيا اللى هنا فى مصر
فؤاد: وهو يربت على كتفها: خلاص مش مهم اى حاجه حصلت المهم انك تختفى خالص علشان ميعرفوش انتى فين
هاله: متقلقش يا بابا ربنا يستر
نظر فؤاد إلى هاله بقلق ثم رفع كفه وربت على رأسها بحنان وهو يدعوا الله أن تظل سالمه من كل سوء
❄❄❄❄
فتح محمود عينيه ونظر إلى رغده الغافيه على صدره بينما ترتسم على وجهها ابتسامه هادئه فأبتسم بسعاده واقترب بفمه من رأسها وقبلها على مقدمة شعرها فتململت فى أحضانه وهى تستيقظ فقال لها
محمود :  صباح الورد يا قلبى عامله ايه النهارده
رغده: بأبتسامه: صباح الفل يا حبيبي..انا الحمد لله انت عامل ايه
محمود: انا طول ما انتى فى حضنى وانا ذى الفل ...ثم نظر اليها بخبث وهو يقول ...ايه رأيك نأخد اجازه من الشغل النهارده
ابتسمت رغده بخجل بينما تحاول الابتعاد عن ذراعيه وهى تقول
رغده : لا يا حبيبي..احنا عندنا شغل ..بطل دلع ويلا بينا نقوم
محمود: بأبتسامه: بقى كدا ...ماشى ماشى ...قومى يلا انا هخليكى تشتغلى لغايه لما تقولى حقى برقبتى
وقفت رغده وهى تقول بدلال
رغده: مهما تقوم انا مش هصدق انك تقدر تزعلنى عارف ليه ..علشان انا عارفه انك بتحبنى ومهونش عليك
محمود: وهو يضع كفه على قلبه وينظر إليها بحب : ايوه طبعا انتى قلبى وروحى وعينى متهونيش عليا ابدا يا حبيبتي
ابتسمت رغده له وارسلت إليه قبله فى الهواء وركضت بسعاده إلى المرحاض وهى تراه يقفز من الفراش حتى يستطيع الوصول إليها ولكنها اغلقت باب المرحاض قبل أن يستطيع ووقفت خلفه ترتسم على وجهها ابتسامة سعاده
❄❄❄❄
كان ادم يقوم بدراسة بعض الاوراق الخاصه بالشركه عندما دلف حمزه الى داخل المكتب وهو يقول
حمزه: ازيك يا ادم عامل ايه
ادم: انا الحمد لله انت عامل ايه يا حمزه
حمزه: انا كويس ...بس عندى اخبار احتمال تكون كويسه
ادم: اخبار ايه ديه
حمزه: البت اللى اسمها شيرين هربت مننا
ادم: هربت ازاى ...طيب معرفتش هى ممكن تكون راحت فين
حمزه: لا للأسف معرفناش بس على العموم اوصافها مع كل عناصر الشرطه اكيد هنقدر نقبض عليها
ادم: المهم انكم تقبضوا عليها قبل ما تحاول تعمل اى حاجه تانيه احنا ما صدقنا أن محمود ورغده حياتهم بقت هاديه
حمزه: متقلقش ..كله هيبقى تحت السيطره ..المهم دلوقتى انا كنت جايلك علشان اخد رأيك فى حاجه كدا
ادم: بأنتباه: حاجة ايه قول
حمزه: وهو يجلس: انا كنت عايز اتنقل من الاداره اللى انا فيها لاداره تانيه يكون شغلها اقل
نظر ادم إليه قليلا ثم تنهد وقال
ادم: بيتهيقلى  مش هترتاح فيها لانك اتعودت على الشغل الجامد..واعتقد انك بتحب شغلك
حمزه: ايوه طبعا ..انا بس كنت بفكر لو غيرت طبيعة شغلى ممكن ابطل افكر فى المهمه الاخيره
ادم: بالعكس طول ما انت فاضى هتفضل تفكر حتى لو سافرت بره مصر كلها ...متخليش اى حاجه تأثر عليه بالطريقه دى مهما كانت
تنهد حمزه بتفكير وهو يستمع لحديث ادم واغمض عينيه  وهو يفكر أن ادم محق فيما يقول
❄❄❄❄
كانت شيرين تتحرك بغضب فى أنحاء الغرفه وهى تتحدث فى الهاتف بغضب وتقول
شيرين؛ يعنى ايه الكلام ده ..هو انا هفضل محبوسه هنا ولا ايه
المتصل: انا قولتلك اللى فيها لو حاولتى  تعملى اى حاجه البوليسي هيقبض عليكى
شيرين: اموت واعرف عرفوا مكانى ازاى ...دا انا كنت خلاص هنفذ الخطه اللى انا رسمتها علشان انهى بيها عيلة الدميرى كلها
المتصل: مهما كانت خطتك لازم تهدى دلوقتى خالص ..هما مستنيين اى حركه منك علشان يعرفوا مكانك الجديد وانتى حره  اعملى اللى انتى عايزاه ..بس خلى بالك اللى بيقع محدش فينا بيبص عليه حتى
شيرين: بتوتر: يعنى ايه الكلام ده هتستغنوا عنى ولا ايه
المتصل: والله انتى اللى بأيديكى كل حاجه ...المهم دلوقتى انك متديهمش فرصه يقبضوا عليكى فاهمه
شيرين: بتأفف: حاضر خلاص عرفت ...اقفل انت دلوقتى ..مع السلامه
اغلقت شيرين الهاتف وهو تجذب شعرها بغضب وتتوعد لمحمود ورغده بالانتقام
❄❄❄❄
بعد مرور شهران
دلف حمزه الى داخل الاداره وهو يشعر بتحركات غير عاديه ولكن لم يعطيها اى اهتمام واتجه إلى مكتبه ولكن ما أن دلف الى داخل المكتب حتى علم سبب تلك التحركات فمدير الاداره ينتظره فى مكتبه فتحرك مسرعا الى الداخل وهو يقول
حمزه: رأفت باشا اهلا بحضرتك نورت المكتب
رأفت: اهلا بيك يا حمزه ..تعالى اقعد انا عايزك فى موضوع كدا
حمزه: وهو يجلس: اؤمرنى حضرتك
رأفت: طبعا انت اكيد مستغرب ليه انا جيت ليك المكتب بدل ما استدعيك تجيلى
حمزه: بصراحه ايوه ...بس طبعا حضرتك تنورنى فى اى وقت
رأفت:بجديه: بص يا حمزه انت من اكفأ الظباط اللى انا عرفتهم وعلشان كدا اخدت ترقيات كتير قبل اى حد من صحابك ودا اللى يخليني اثق فيك ثقه عمياء على الرغم من أنك من كان شهرين كنت عايز تتنقل من الاداره بتاعتنا
حمزه: فعلا يا فندم بس انا بعد ما قعدت مع نفسى شويه لقيت انى مقدرش ابعد عن الشغل هنا لان كل حياتى فيه ..ولو عملت كدا هبقى عامل ذى السمك لما يطلع من الميه
رأفت: بأبتسامه: تفكير سليم ...نيجى بقى المهم ...انا عارف طبعا انك بقيت عقيد من فتره مش كبيره وان المسؤوليات كترت عليك بس انا عندى مهمه فى غاية الخطورة والاهميه ومينفعش اسلمها لاى  حد ..علشان كدا جيت ليك ..انا عايزك انت تمسك المهمه دى وانا واثق انك أن شاء الله هتكون على قدر المسؤوليه
نظر له حمزه بأهتمام وهو يقول
حمزه: تمام ...اقدر اعرف ايه هى المهمه دى
رأفت: ايوه طبعا...انت مطلوب منك تأمين وحماية ضابط فى امن الدوله للأسف انكشف ادام المافيا وهما شاكين أن فيه خاين بينهم بس مش عارفين هو مين ..فمهمتك هتكون حمايتها لغاية لما يتم القبض على الخائن ده او القبض على المافيا الموجوده هنا
حمزه: بتسأل: حضرتك بتقول حمايتها ...هى بنت
رأفت : ايوه هى اسمها هاله ..ودا الملف بتاعها فيه كل المعلومات عنها تقدر تقرأه بعد ما اخرج
حمزه:بتحفز: تحت امر حضرتك ..وانا مستعد ابدأ من النهارده
رأفت: ياريت ..بس اهم حاجه عندى السريه التامه ..فاهم طبعا
حمزه: طبعا يا فندم متقلقش
بعد لحظات خرج رأفت من الغرفه بينما تنهد حمزه فأخيرا سيقوم بمهمه اخرى تبعد تفكيره عن روزا المختفيه..جلس على المكتب وقام بفتح الملف لتتوقف كافة افكاره وعينيه تنظر بصدمه للصوره الموجوده بداخل الملف
حمزه: بصدمه: مش معقول …..روزا
❄❄❄❄❄❄❄❄❄❄❄❄❄❄❄❄❄❄❄❄❄❄