Ensera John Enggau Anak Jagu

Ensera John Enggau Anak Jagu 4

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_21_01_2021
#jam_1.00_malam

Tampung tusun ke 4

Gerinjeng tisik,tubuh nyau belumut belakang nyau bekurai pemesai belakang jagu makai indai tuai nya tadi.. Meda utai bakanya, sida 4 sama takut lalu bekayuh mih mulai ke diri.. Penegal tulang sida ke indu mih ngayuh ke perau numbas ya pemesai... Laban ke nadai ngetu bekayuh,

Sida enyau ka datai ba penyangkai. Rumah panjai sida iya... Ai sungai deras, nadai berasai,ditanjak sida tubuh 4.. Laban ati kelalu takut,sereta baban,meda jelu jagu ngemesai nya.. Enda lama udah nya sida 4 pan Datai ba penyangkai di rumah kami... Sama bela sida 4 lalu gegesah bepantai ke kereban diri empu.. Indai tiri aku nanchang ke tali perau sida 4 tadi...udah nya sida 4 sama sama niki katas bepadah ba kami serumah.

Madah ke indai tuai ke enggau sida 4 nengkuyung udah di empa jagu..ninga rita sida 4 nya tadi..kami serumah pan lalu begau ninga kisah sida ke ngiga tekuyung diempa jagu...Ninga sida munyi nya aku lalu belanda ke bilik ngambi jala enggau sengayuh.. Ka betemu enggau jagu...

Laban dalam ati aku nadai orang bukai jagu ke makai indai tuai nya tentu indai jagu ke selalu ngemata ke anak iya bemain enggau aku...Aku pan lalu nurun nadai madah ke sida Indai aku...lalu bekayuh meh aku ngili ai..datai alai endur aku selalu betemu enggau anak jagu..

Aku lalu nibar ke jala...tibar..tibar ku jala bisi 3 kali...aku bulih ikan mayuh..laban aku udah teleba nemu seduai iya datai..ikan nyau pernuh jala sekali aku nibar...Enda lama udah nya datai anak jagu nisi gandung perau aku...Baka selama iya mansang ngagai aku...

Enda lama udah meda anak jagu nisi perau aku... Kira bisi setengah jam Bala kami serumah enggau rumah bukai mansa aku.. Aku pan bejampat ngangkat ke anak jagu ke dalam perau..ngelelai ke anak jagu dalam perau...

Aku bejaku enggau anak jagu enda ngasuh ia ragak..Anak jagu pan enda munyi agi.. Ninga aku ngerara iya enda ngasuh iya bebunyi nebah nyawa ngeragak nya...

Bala kami serumah giga indai tuai nya bisi 10 buah perau..Aku berandau enggau anak jagu nya ngasuh madah ke indai iya betemu enggau aku...Aku lalu muai anak jagu nya ke ai baru..anak jagu nya lalu nyemerai ngiga indai iya...

Kendong ke nganti anak jagu nya ke datai baru bepadah ke indai iya.. Aku lalu ngaga diri nibar ke jala enggai ke temu kami serumah aku bekaban enggau jagu.. Bisi 4/5 kali nibar ke jala, Enda lama udah nya anak jagu enggau indai iya datai nisi gandung perau aku...

Meda seduai menyanak sama bela udah bisi datai ngagai aku.
Aku pan lalu terjun kaie..laban aku enggai ke bala nemu seduai menyanak bisi enggau aku dia. Aku berandau enggau indai jagu...

Aku pan lalu bejaku enggau indai Belang..Ooo indai Belang.ti nuan bisi makai mensia..uji padah ke nuan bukti nuan udah makai mensia.. Enti nuan indai Belang nadai makai mensia nama utai tanda nuan enda makai mensia... Indai Belang surut dulu baka ke ka nganu aku.. Dia iya lalu madah ke tanda iya udah makai mensia..iya meri Aku Baju dikena indai tuai ke engkuyung tadi. Meda indai Belang mantai ke tanda iya udah makai indai tuai nya... Dia aku lalu bejaku.

Dinga dik indai bungsu jagu, indai Belang.. .Enda kasih dik ke Belang nadai indai..uji dik merati ke aku nadai indai apai..enda ke aku merinsa nadai ngiga pemakai ke aku...Bakanya Belang nadai dik....

Sapa bisi ngacau makai indai tuai ke enggau sida indai aku tadi, indai Belang..pia ku aku bjaku enggau indai belang.. Indai Belang enda nyaut aku.. Mata iya aja ke tajam merening aku.. Tang aku enda takut ke indai Belang, laban aku nemu iya enda nganu aku.

Padah mih ke aku indai Belang..
Kami mensia sigi bebalas enti kami di pakai kita bala jagu..kitai tu sama ngiga makai anang bekacau ke pangan diri..Baka nya gak kita.. Bungsu jagu..sebedau kami serumah munuh dik..lari seduai Belang ari tu..

Ti penatai seduai menyanak ka nulong aku..uji padah ba dalam mimpi aku..Nama tuju seduai datai ka nolong aku...

Belang anak jagu malok aku ngena iko iya..Iku iya kena pala aku..nyepi diri pedis aku pan lalu nampar Belang...Tampar² aku iya..aku nyambak merap Belang..kebendar ya Belang enggai besara enggau aku..

Aku baru enggau Belang.... Belang....aku nadai pengingat beri gai dik madik... Tanda pengingat aku bekaban enggau dik...Tali rantai perau tu aja meh, ke pengingat tua... Aku nanchang ba rekong dik Belang...

Nya ke tanda tua bekaban...Aku meda kami serumah nyo makin semak.,aku alu ngasuh seduai indai iya lari jampat jauh ari menua kami ditu..seduai iya mindai pan lalu nyelam..aku niki ke perau..benong aku narit jala aku, anak jagu pansut baru.. Malik gai aku baru,aku bejaku baru ngasuh iya lari jampat.. Belang lalu tengelam nitih ke indai iya lari.

Kami serumah enggau bala bukai semak aku dia..Dom..bisi meda jagu dik Dom..pia ko laki indai tuai ke dempa indai Belang....Nadai ayak.aku mina meda baju tekait ba jala aku diatu..Baju arena nama Dom..tu deh ayak..pia ku aku nyaut laki indai tuai nya..

Meda baju dibantai ke aku nya tadi,Dia apai Tuai nya lalu bejaku madah ke aku..
## jaku apai tuai nya munyi tu.##
(Dom)... Manah nuan (Dom) pulai jampat.. Tu tanda baya enda jauh ari nuan ditu (Dom). Anang tak berani kediri nuan deka nyala ditu.. Ninga ayak laki indai Tuai kedempa Indai Jagu.. Aku lalu nyaut jaku ayak nya.

###Saut Aku## Ayak..Kapa enda iya ka makai aku ayak..ti Jagu ka makai aku..

Eaaahhhh...gamal dik Dom..ka bejaku munyi nya, tubuh ka besai tunjuk nadai mese empa baya.. Ibuk nuan besai agi ari nuan nadai umbas dempa baya... Tu nuan ka minta diri empa baya..paloi.. Terjun kaie sekali nuan nih..awak kih baya makai dik..

Ninga jaku laki indai tuai munyi nya.. Dia Aku badu nyaut jaku iya agi..lalu ditarit aku jala ke perau... Aku pan mupuk begadai..gadai ngayuh ke perau..

Sambung ba tusun ke 5