Ensera John Enggau Anak Jagu

Ensera John Enggau Anak Jagu(15)

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_10_01_2021
#jam_1.00_malam

Tampung ka 15

"Laban mata agi ka tinduk semadi nyawa deka nyuap asi. Nyengkau sekali aja aku ngetu dulu makai malam nya. Indai tiri enggau sharita agi beulam ka daun jabang rebus. Aku enyau angkat fulu enda seduai iya belaban ka daun ubi.

Aku mupuk baru ngagai bilik besai duduk nganti ka enda lama laban baru udah badu makai. Aku enggai lalu gali laban ka agi ninga jaku urang ka tuai. Udah makai anang lalu gali enggai ka leka asi tama ka tulang.

Bedau entu penat iga burit ka duduk, datai ga indai tiri ari dapur baru udah tembu makai. Tinggal sharita kediri ba dapur din ngadu ka utai bebasu ka pinggai mangkuk.

Udah tembu bebela nama indah baru sharita nitih ka bilik besai betunga dia magang mih kami tiga. Pemuas ka berandau indai tiri lalu nanya kami duai sharita.

(Indai tiri)

"Endaii dom" enyau seredah utai tanya aku ba seduai endun ka pan enda betanya meda seduai udah begulai.

" kati seduai jadi..? Lama seduai udah begulai..?

(Aku)

"Indai.! Ka pan enda madah ka nuan indai enggai nyadi ga. Nyadi bakatu iya indai, baka tua sharita tu agi bepangan amat tua iya udah begulai tang ari ati tua iya empu laban ati sama keran ka pangan diri.

Kami duai iya ila jadi..sigi jadi tang empai diatu indai nganti kami duai sama bela udah gawa ila badu berunding jadi.

Diaru bedau laban agi belajar nya bedau ngatur diri. Tang nuan indai anang irau ati tua iya dama udah temu apai indai iya. Tu empai lama datai ari menua iya mih kenduai baru kitu dibai iya.

(Indai tiri)

"Nadai ngawa ti pia dom enti bala iya udah nemu enggai ka dudi ari disalah ka urang..aku ti endun enggai enda madah terus terang ba nuan endun.

Pendiau kami merinsa rumah semuti enda nyadi sangkar babi,udah udah nadai niang apai sida iya pengidup kami cukup merinsa tudah dom enggau adik iya agi mit.Amat seduai madi agi bisi niang kakak iya idup tang udah bisi ruang bilik enggai nyadi deka nyalah ka iya enda meri belanja.

Laban akak sida iya udah bisi ruang bilik kediri empu. Dom tu mih ke tulang belakang tua adik iya endun. Iya siku anak lelaki dikarap ka bala kami sebilik. Nya aku enggai enda madah ba nuan dulu endun enggai ka apai indai nuan ngutuk pemerinsa kami dudi ari.

Kami enda milih mensia asal urang deka nampil kami merinsa. Pengaya enggau duit ringgit pemisi urang kami sigi enda ngiga laban kami enda kala meda duit bepuluh ribu..ukai ngerasi aku endun minta aku ke nuan laban tu utai ka amat.

Ninga jaku indai tiri munyi nya tua sharita bepalik ka pangan diri. Aku nemu sharita malu ninga jaku indai tiri aku munyi, iya pan nyaut

(Sharita)

"Indai" jampat aku dinga nuan nyaut jaku nuan nya indai. Aku deka ka john ukai deka ka reta enggau pengaya. Duit nadai mih aku ngiga indai. Cukup ba kami duai ati sama bela setangkai,pengerindu udah sama bela bebungai ati udah bela keran ka pangan diri.

Diatu tua john sama ba bangku sekula agi nyambung pelajar ka deka tua iya. Ila udah tua iya gawa nemu tua iya deka ngira kita ka apai indai. Pasal nguai aku ngalah ka diri, kira aku mih nguai tama gai bilik kita. Laban aku nemu kita bakani.

Nyema apai indai aku nagang enda ngasuh kami duai john jadi sanggup aku nitih ka john asal tua john jadi.enggai mih aku enda jadi.

(Indai tiri)