Ensera John Enggau Anak Jagu

Ensera John Enggau Anak Jagu 2

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_21_01_2021
#jam_1.00_malam

Tampung tusun Ke 2

Semanjai ai sungai Rajang ari alai aku nyala aku bekayuh sampai datai ba penyangkai rumah panjai kami.

Aku bejampat, nanchang ke tali perau, Aku pan lalu enkecit ngagai perau ngumpul ikan kedalam beledi.. Udah ikan abis digumpul aku, aku lalu mai beledi enggau segayuh aku sekali niki katas..

Datai aku dirumah..gaga amat ati indai tiri aku meda ikan ngemayuh nya ulih aku nyala selemai nya.. Indai tiri aku lalu betanya dini alai aku nyala.. Aku terus nyaut indai tiri aku.. Eahh..nadai nya jauh alai aku nyala indai... Ba endur sida ke selalu bgiga ke tuyung pasang..

Pia kuaku nyaut indai tiri aku, kebenung milih ikan ulih aku nyala..udah nya aku terus mandi, enda mih aku madah ba indai tiri,aku bisi bemain enggau anak jagu lalu bisi meda Jagu besai siku ba endur aku ke nyala tadi.

Udah aku mandi tadi, aku duduk ba bangku ngirup ai kupi ke udah digaga indai tiri aku.. Maya aku ke duduk dia, aku agi berasai amat geli ati begagai enggau anak jagu tadi. Bakani enda Jelu nya tau lalu ka jinak bemain enggau aku..Hiran ga asai ati aku meda anak Jagu nya tadi..

Udah aku ngirup kupi, aku meda indai tiri aku baru udah tembu milih ikan..myadi keduak ikan dibela indai tiri aku kelauk..keduak deka dijual indai tiri aku ngagai rumah panjai..

Indai tiri aku lalu ngambi plastik kena nyimpan ikan ka dijual iya.. Tinggal indai tiri aku bejual.. Aku tinggal ngibun Adik aku ya ke agi mit.. Enda lama indai bejual katas...ikan ke dibai indai aku kerumah panjai tadi pan udah ambis dijual..

Datai indai tiri aku bejual tadi.. Dia indai tiri aku lalu terus ke dapur baru laban deka manduk ikan ke udah dibela tadi.. Kami duai adikku.. Sama bela gali ati diri... Nganti indai kami duai ngangau makai..

Hari enyau ka jauh lemai..mata majak ga kekulap deka pejam ninduk kediri..laban ti udah lelak bemain enggau anak Jagu tadi.. Baru ka pejam mata ka tinduk.. Sekali ninga indai tiri aku ngangau makai malam..

Aku pan lalu angkat mai adikku kemit sama bela ke dapur. Datai ba dapur meda utai udah disedia ke indai kami duai.. Dia kami tiga sama bela makai.. Aku pan lalu nyebut ba indai...meda lauk ikan enyau nyenyamai...

***Indai*** mayuh lauk panduk indai malam tu.. Dini bulih subung tu indai..nyamai mat keladi tu lama enda makai nya.. Ikan tu pan nyamai dipanduk kunyit.. Semua lauk kitai tiga lemai tu nadai endur mantah..semua nyamai magang..

Ninga aku muji lauk indai... Dia indai tiri aku lalu nyaut jaku aku tadi...
**Jaku indai**Watt..!!!...Keladi nyadi tadi ambi aku ba kebun tisi rumah dia... Meda nadai lauk tadi ngambi subung kebaruh..nya kepanduk aku, guring gulai belacan. Ngiga nyawa.. Enda nemu Watt..!! Bulih ikan ngemayuh nya..ya selama tu ikan ulih Wat..nadai menuku.. Baru iya meda Watt.. Bulih amat ikan enggau Udang enyau bebesai.. Nasib amat Wat!!..bisi bulih udang..lama enda makai udang bebesai..
Ya ke dijual tadi semua ya harga rm60, pama mih Watt kena kitai meli berau..

Ninga indai tiri aku munyi nya dinu ga atiku ninga sebana indai. Aku lalu nyaut jaku indai aku tadi...

***Saut Aku**Indai..!! Udah tu indai anang irau ati agi..pagila aku nyala bulih baru..bisi kedempa kitai tiga.. Aku nemu dini nalan endur ikan mayuh..ngelamatu aku enda nemu..majak mih aku nyala dia belama laban enggai jauh.. Takut mih..enggai bula..

Ninga aku nyebut takut..dia indai tiri aku lalu ketawa.. Kasih amat pia ku indai tiri aku nyebut.. Enti Niang Apai nuan agi idup nangka pengaga ati iya meda nuan Watt!! Pia ko indai tiri aku.. Belaie ga ai mata ku ninga indai tiri aku nyebut Niang Apai kami..

Aku pan lalu enda memunyi lalu nyuap penyuap asi ba pinggai..udah ambis asi aku lalu masuk jari..meda aku jampat amat makai..indai tiri aku lalu nanya... Jampat amat nuan makai watt..pia ku indai tiri aku.. Aku madah ba indai laban ka tinduk..ngantuk mata ku aku nyebut ba indai tiri aku..

Aku pan lalu angkat pulai ke bilik besai mai adik ku gali baru.. Kami duai adik pan sama bela gali baru.. Adik agi kekasak gali.. Aku agi pepeli mata gali, ngenang indai tiri ke udah nyebut Niang Apai Kami.. Nyabak aku kediri ba bilik besai ngenang diri nadai apai indai ba dunya.. Semina ngait ke ati ba indai tiri.. Taja ukai anak amat iya.. Tang pementas indai tiri kami nang nadai endur mantah..

Enyau kepuas aku sesikuk nyabak kediri..peda aku indai tiri aku datai ari dapur.. Meda pia aku lalu bejampat ngendas ai mata ku ke udah bekau nyabak ngenang apai...laban enggai ketemu indai tiri aku nyabak.. Aku pan terus mejam ke mata ngambi indai tiri aku,enda nemu ke nyabak..lalu pejam mih mata aku, nyentuk ke aku terus tinduk.

Semalam malam nya ketinduk, sekali nadai mih aku angkat kemik..semadi ninga manuk engkukuk pagi endur aku angkat ... Angkat pagi aku terus beberus ngeli nuchi mua aja.. Nyenguk aku ke ujung bilik..peda aku ai sungai kami nangka pengelankang...

Meda ai lankang aku,aku lalu ngambi jala enggau sengayuh.. Aku pan lalu nurun ke baruh terus muka tali perau.. Aku pan lalu bekejang lalu ngayuh ke perau kami empu tunga mua ke ili...kira bisi setengah jam endur aku bekayuh.. Aku pan datai ba alai aku kenyala kemarik..

Datai deh dia aku lalu ngambi jala, terus dipasuk ke aku tali jala ba lengan aku mua ari kiba.. Jala pan terus ditibar ke aku.. Ditarit aku jala..baru ka tiga iku ikan ulih sekali nibar..Tibar aku baru bedau ga bakanya..tiga kali aku nibar..sepi aku jala tak berunyut asai.. Sekali ditarit aku.. Peda aku ikan enyau bebesai ulih jala..

Mdda ikan ngemayuh nya sekali nibar..aku nibar ke jala baru...benong aku ka narit jala..peda aku anak jagu ba tisi perau aku ke benung ka narit jala.. Cesshh... Aku ke tekenyit laban nya..ngacau aku ka nyala nuan tu jagu..pia ku aku bejaku enggau anak jagu nya..

Majak ga anak Jagu nya nundi Aku..diunsai iya ai ngena iku iya nya..meda peda aku terus tejun ke ai sungai lalu nangkap anak Jagu nya... Iya pan lalu dikau ke aku ke tebing.. Bebunyi mih iya gaga kediri begagai enggau aku. Sepagi pagi nya mih tua anak Jagu begagai enggau pangan diri.. Enda berasai ai pan baru mudik bungai tanda ai ka pasang..

Meda ai ka pasang aku ngeleka ke anak jagu nya ba sungai.. Aku pan bejaku mai iya pulai.. Anak jagu nya enda memunyi..semina merening meda mua aku aja..pulai tua pagi ila tua bemain baru..ku aku bejaku enggau anak Jagu.. Udah bejaku enggau iya..aku terus tejun kaie nuju perau aku ba tisi batang kayu siti. Aku lalu angkat ke perau..peda aku anak jagu agi merening aku ke ka ngayuh ke perau...

Laban tembuk ke bemain enggau Anak jagu aku enda entu bulih ikan.. Datai ba rumah aku nadai madah ke indai tiri aku.,udah mandi makai aku belajar,..Agi suba ukai bisi api elektrik baka diatu, alah enda api kelita kena aku belajar maya nya suba

udah belajar aku tinduk..pagi pukul 5 udah nurun skula laban ke ngena xpress agi suba..udah apai ku parai nadai orang agi nganjung aku Sekula..Agi apai ku idup ngena motosikal nganjung ngambi aku maya aku agi ba bangku skula.

Datai ba pasar sibu aku ngena bas tambang agi 30 puluhsen ngagai skula sk.perbandaran no 2..Datai ba skula pukul 6.30 kadang aku datai pukul 6.50.. Anak orang laban bisi apai indai nganjung tumu meh datai..

Datai ba skula takut asai ati ka tama kelas laban nangi kena buli bala nembiak sama kelas..ti maya bisi activiti aku selalu aja dikemelik ke sida iya..Tang laban ati bangat keran ka skula, aku maksa diri sabar aja..Biar aku nyabak enda meh aku madah ke bala cikgu agi laban takut dibukut sida baru.

Meda aku ngena baju carik berang alu dicarik ke sida iya, kasut aku ti bisi carik mimit alu di gunting sida iya, Enggau sabak sabak meh tudah aku beskula..Cikgu meda aku nyabak sigi ka nenemu, tang aku madah nadai orang ngacau aku..

Aku mina madah ba cikgu ngenang apai aku..Ti aku madah sida ngacau aku pulai aku sigi di anti sida iya..Jam maya pulai sekula kami pulai..nadai kala tumu aku pulai sekula, abis bala nembiak pulai

Baru aku pulai nangi dibuli bala nembiak pulai sekula..udah ga nganti bas..ngena xpress ga udah nya, datai ba rumah pukul 3 lemai meh...udah makai alu meh aku megai jala..Sekali aku nibar ke jala nadai ikan, 2/3 kali aku nibar ke jala.. udang ikan sigi bisi ba jala.. Tibar baru,peda ikan udang nyampau nya baru,

kepuas udah nya peda bisi anak jagu ayan tisi aku, kadang² aku enda kiruh enggau iya laban rindu meda ikan nyau pernuh jala..Nama aku nyau enggai nibar agi..tua iya begagai..sampai di empalung ke aku iya..Jera dik ko aku bejaku ke dalam ati. Alu besai meh nyawa iya meruwek

Sambung ba tusun ke 3