Ensera John Enggau Anak Jagu

Cherita John Enggau Anak Jagu 11

#Bujang_Berani_Kempang
#Ensera_John_Enggau_Anak_Jagu

#Dikarang_John_Jovi
#Diseruri_John_Jovi
#Tarik_28_12_2020
#7.30_mlm

#Jerita_John_Enggau_Anak_Jagu

Tusun ka 11

Kenduai sharita sama bela tinduk ba bilik besai( ruang tamu), aku laban ka udah lelak nepan bas enggau van ngagai menua sida sharita enda berasai mata lalu lelap terus.

Malam enda berasai endur agi ka tinduk laban ka udah lelak. Ari nu deka kerebak tawas. Aku angkat terus bebaie ka kain tula deka mandi.

Malu asai ati laban  baru datai ka menua urang, tumu dani ari sida sharita sebilik. Laban  takut dianu dipejaie urang nya alai aku tumu angkat ari sida sebilik.

Nangi ka dibai apai sharita gawa.nya alai tumu dani. Mata agi mih deka tinduk tat ka aja kitai ba menua urang nadai nemu diri kitai diperatie ke entua.

Tang nadai ga sida mai gawa enggai ga bula. Enti maya ka kebun aku deka enggau seduai laki bini enggai mai. Sekumbang udah datai ba rumah sida berasai enda nyamai amat laban nadai pengawa lalu digaga.

Sekumbang  dua malam tua sharita ba menua sida iya, makai tinduk aja pengawa.Aku mai sharita pulai ke menua aku. Meda apai indai urang nu lelenggau ka bala indai tiri enggau adik dimenua.

Ninga aku mai pulai sharita alu deka madah ba apai enggau indai iya ka benung duduk ba dapur ngirup kupi enggau makai asi guring.kenduai sharita sama bela duduk enggau apai indai sharita ka benung betunga dia.

Sharita lalu madah ba apai indai iya kenduai deka pulai ke menua aku laban deka ngabas bala aku tinggal ba menua. Apai enggau indai sharita nadai jaku ninga kami duai ka pulai. Ni ku kenduai pia ku jaku apai sharita.

Ninga apai sharita munyi nya, aku berasai gaga amat ati laban sida apai sharita nadai mayuh jaku enggau tua sharita ka deka pulai ka menua. Sharita lalu madah kediri pulai sari nya ngena bas pukul 2 lemai.

Indai sharita alu ngasuh berapi dulu sebedau ka pulai ngintu diri dulu pia ku indai sharita madah ka anak iya sharita.

Sharita terus nangal ka ngambi peruk asi ka nangal ka asi dulu. Baru sharita ngambi lauk dalam peti ais ka direndam dulu sebedau ka manduk.

Aku agi betunga enggau apai sharita ba dapur agi meda iya ngaga jala. Aku lalu betanya ba iya pasal jala.

🐸🐸🐸(John🐸🐸🐸

" Aya.."  kati nemu nuan pasal mata jala turun tujuh. Ukai niki tujuh..nurun.

🐸🐸🐸(Apai sharita)

Nadai aku nemu mata jala nurun tujun. Enti ya nurun enggai ngerembai jala, kucup. Enti mata jala tujuh niki nya baru jala ngerembau manah.

Nama kita menua bakanya ngaga jala pia..?

== Aku enda bebunyi ninga apai sharita munyi nya. Mina aku nyaut iya enda nemu aja. Aku ka betanya laban deka nemu reti jala. Agi mit suba aku digaga  ka niang apai kami jala laban iya meda aku udu deka enggau urang nyala.

Mata jala aku digaga niang apau kami turun tujuh mata, enda lebu enti danjung abis nadai sekilo bisi mih lauk sekali laban suba agi mayuh ikan nadai urang nemu ngeracun baka urang diatu.

Pengelama aku udah nunga apai sharita ngaga jala, palik aku ka dinding peda aku kulit jagu dilekat ka sida ba dinding dapur. Meda kulit jagu ba dinding aku terus betanya ba apai sharita.

🐸🐸🐸(John)🐸🐸🐸🐸

"Aya.!..."Enyau seredah aku aya" dini kita bulih kulit jagu nyin manah amai.

🐸🐸🐸(Apai sharita)🐸🐸🐸

"Eahh!!!.... jagu ditembak sida niang aki sharita kelia. Jagu nya kelia makai menyadi sida iya kenu ku jerita niang aki sharita. Nya sida ngupah urang nemu ngagau ka jagu nasit bisi urang temu sida iya ngagau munuh jagu nya.

Udah jagu ulih semua kaban belayan dikangau ka urang sama bela ngintu jagu nya. Nyadi kulit suba dambi niang aki sida sharita. Suba kulit nya dibilik din nu enggai meda nya nya dengkah ba dapur ditu. Ka dibuai aku nya alu enda-enda aaa...

🐸🐸🐸( John)🐸🐸🐸

"Anang muai aya"... beri gai aku sayau ka kulit nya. Ila aku ngadu manah baru iya..

🐸🐸🐸(Apai sharita)🐸🐸🐸

"Eahhh".. anang memain nuan igat, utai nya enda ulih enggau bemain aa. Enti kita nadai dendam enggau jagu enda ulih ngembuan kulit jagu nya. Laban sida iya bemunsuh enggau kita enti kita nadai urang dikacau sida.

🐸🐸🐸(John)🐸🐸🐸

"He..." kebendar ya aku aya deka ngadu ngaga kulit jagu nya manah baru. Nadai sida nganu dih besampi aja kitai bisi meda sida iya. Anang sekali kitai bejaie sida iya mensia baka kitai mih aya.

🐸🐸🐸(Apai sharita)🐸🐸🐸

Enti nuan ka ambi mih igat, lebih ari nya ni ku nuan mih, nuan ka ngibun nya. Jaga manah mih ulih nuan igat.

===Ninga apai sharita ka meri aku kulit jagu ba tisi dinding sida iya, gaga amai asai ati aku diberi iya kulit jagu nya. Aku terus angkat ngambi kulit jagu nya.  Sebedau aku ka ngambi megai kulit jagu nya aku besampi dulu.

"Anang nganu aku nuan  menyadi belang...' aku tu John anak buah nuan menyadi angkat belang datai kitu ka ngambi sarung nuan ka udah lama dikerekai anak mensia ba tisi dinding. Angkat nuan tu aku mau megai nuan.

Udah aku besampi dipegai aku kulit jagu sepi aku asai tubuh aku asai ka bisi urang megai, ati aku lalu nemu sapa urang enggau aku diatu. Bejampat aku ngambi kulit jagu ka dikait ba dinding dapur, udah nya dilipat aku terus laban aku nangi ka utai bisi nyadi legi enti lama aku megai kulit jagu nya.

Aku lalu mai kulit jagu nya ka bilik pangking sharita nepuk ba kantung gari. Udah disimpan aku bejaku besampi baru enda ngasuh iya mayuh macham agi. Aku pansut baru ka dapur duduk ba endur ka tadi.

Prngalama udah berandau enggau apai sida sharita,enda berasai lauk disumai sharita semua udah mansau magang. Jam udah pukul 11 pagi sharita terus berenah makai.laban bala sama bisi ba dapur magang nadai ulih ngangau lagi alu duduk ba bangku sama bela makai.

Agi ka mih asai nyawa ka makai tang aku nangan diri laban nangi ka diri kelalu kenyang merinsa ga aku legi laban nya.

Betampung ba tusun ke 12