Ensera John Enggau Anak Jagu

Khesah John Enggau Anak Jagu(14)

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_10_01_2021
#jam_1.00_malam

(Indai tiri)

"Diatu urang meda baka gari utai,baka sampah ba mata sida meda pemerinsa kitai anak. Enti nuan ila udah gawa peda urang ka manah enggau kitai sebilik.

Diatu kapa enda sida ketawa ka bala kitai sebilik seagi kitai agi dapat enda aku minta nyanda beras enggau lauk ba sida iya.

Semadi aku agi ngenang aki kenidi nuan bai aku agi mai kita diau menua tu. Ditu kitai merinsa dom enti pulai ka menua indai nuan sama menua aku mih. Indai kita enggau aku diri petunggal diri menyadi kami tu.

Datai ditu laban ka jadi enggau niang apai kita tua niang mak kita ka ditu. Dupah urang diau menua tu aku enggai nemu adat urang rumah panjai tu jai.

Kelalu deka ka reta ngasuh enggai meda kitai. Nyentuk kita bala anak madi sida iya rnggai meda nibuh tua umang urang dudi sida enggai meda.

Mimit nadai beampun aku enggau urang ditu,sida aja manah. Meda bisi meda utai mimit alu ka lawa. Uji datai menua aku enti aku tu merinsa. Pelaba ka aku angka merinsa agi sida ari aku.

Anang deka memacham sida batang nemu mih bekalih,enda belama batang nun aja. Agi panjai jalai pengidup kitai mensia tu dom.

Mayuh anak sida iya rambau nuan dia dom,ila kitai sebilik meda bala anak sida iya. Diatu kitai sebilik jenuh diri tat ka ati pedis, sabàr enggau penguji. Anang idup kitai nipu urang nya siti pesan aku ba kita semadi.

Belajar bebendar seduai umang,akak seduai udah gawa bisi ruang bilik kediri empu anang arap ka iya agi kitai. Ari akak kita meri duit ka belanja sambut anang mayuh jaku ba diri menyadi.

"Agi regas aku tu dom anang irau sekali ka tua umang enda makai. Bulih sen sepuluh dua nya kena meli berau.ngiga paku tubu sebelah nya, mih lauk kenduai ditu.

Anang peduli ka jaku urang ukai sida meri kitai makai. Aki nuan datas din baru tau dipending nuan jaku laban iya nulung nuan ngasuh nuan sekula baru. Giga baka aki enggau ini nuan nya nadai mih.

Lebih agi iya senang ari bala aya,bala ibu nuan enda mih sumbung. Urang baka aki nuan nya tau ka chuntu nuan dom, tulung urang ka merinsa anang enggai meda urang merinsa.kingat ka jaku aku.

(Aku)

"Nya mih indai.." sida kelalu enggau kitai. Jaku nadai bepampul agi enti sida nganu. Mama enda penyalah kitai sebilik ba sida iya. Agi bedau niang apai suba baka tak manah sida iya,udah niang parai sida jai amat.

'Irau ati aku din ku nuan indai," sinu ngenang seduai umang nadai urang enggau. Kasih ka seduai nadai urang nulung nasit ga bisi aki nulung meri seduai belanja. Arap ka bala aya sida ibu baka antu meda kitai.

Mupuk mih kitai indai.. begadai gadai kitai mansang ka diri. Nemu petara meda kitai ila anang nangi pengidup kitai tu merinsa belama. Anang ngumbai petara tinduk enda ngemata ka pengidup kitai.

"Eahh..! Kapa ngenang nya ka katas kin aku ngabas aki enggau ini katas enda lama.

Aku pan lalu angkat lalu mai sharita ngagai aki kin. Sharita madah ka diri enda enggau aku. Ka diri mih aku ngagai aki katas. Datai ba ruai aki aku lalu nuju mua pintu aki ka enda ditutup seduai iya ini. Ari bilik besai aku ngangau ka aki.

Nadai ga nyawa seduai ini nyaut aku, datai ba antara pangking enggau bilik dapur aki. Aku ngagau ka aki enggau ini. Dinga nyawa aki nyaut jauh amat.

(Aku)

"Aki..! Ooo aki ni seduai ini, aki.

(Aki)

"Uoii..! Tu ditu lalu kitu kih."

Aku bejalai ba bilik aki enyau makin panjai ka agi.

(Aku)

"Apuuu..haya pemanjai bilik nuan diatu aki. Agi suba nangka dapur besai nyin aja, diatu nyu bisi dapur baru ditu. Amat panjai bilik nuan diatu nih pengelama aku udah lama enda pulai ka menua.

(Aki)

"Naaa.. nya mih anang lama enda pulai uchu. Uji maya chuti pulai ka menua. Nya aya nuan madah nuan nyu bemalam ba buding enda enggau sida aya nuan ba rumah dia.

Nama nuan diatu udah bisi pangan pia uchu enda enggau sida aya nuan. Madah pia ya ti udah bisi urang, bai pulai ka rumah pia ya. Enggai ka iya enda nemu kaban belayan ari kitai.

Madah ka sida aya nuan,enti udah bisi pangan enggai ka nuan sereta bala indai nuan disalah ka nuan.

(Aku)

"Hi..bisi mih aki, pangan aku bisi enggau aku kitu.  3 malam ba rumah iya dedin,udah nya pulai kitu baru datai demalam tua iya. Bai aku iya kitu tadi enggai, malu ku iya.

(Aki

Sigi baka laban bedau teleba bala ari kitai, enti udah teleba ila nemu iya. Nya mih uchu gamal anang ngiga asal adat budi basa iya manah enggau kitai begulai. Pengaya enggau pengaraja urang anang malik asal deka nampil kitai urang merinsa udah manah.

Enti nitih ka ati aku uchu bedau aku ngasuh nuan ngiga tawing dulu, sekula dulu dipaju.ka nuan udah bisi pengawa entap ku ati mih baru ngiga urang ka tawing. Tang diatu nuan udah bisi tawing anang mih nuan mantul besekula.

Pajak ka pelajar nuan,aku ka nuan baka sida aya nuan besekula datai menua luar din. Diatu peda nuan sida aya nuan enda senang peda nuan. Nya utai dititih ka nuan, udah manah sida deka nyaup aku  nyekula ka nuan. Nya anang memain besekula.enggai ka kitai diketawa ka urang sekula enda abis.

Ransing ka ati nuan uchu kasih ka indai tiri enggau madi nuan.sanggup seduai iya merinsa bai ka ngasuh nuan nyambung sekula. Diberi aku belanja seduai iya. Madah ka aku galau kirum ka dom ku iya.

Beri aku duit nadai ka nerima duit ari tua ini nuan. Semadi amat mih maya seduai iya nadai beras baru ka nyambut duit afi ini nuan.. nya utai kingat ka nuan uchu ngenang indai nuan merinsa ba menua.

Sida aya bala inuk nuan ukai nuan enda nemu. Puas aku udah negur sida iya tang sida iya besaup enggau laki ngelaban aku. Aku naggang sida enda ngasuh sida jaie enggau indai tiri nuan.

Aya nuan "Ban" baka nya mih, baka ka tenda tuai mih ya bendar agi ngulu ka bala madi iya bukai anang deka ngelara sida bukai.

Laban sida ideka ngambi tanah ungkup niang apai nuan nya ngasuh sida bakanya. Enti bedau niang aki enggau ini nuan enggai meda kita figaga sida bakanya.

Sida bala aya enggau ibu nuan enda umbas danu seduai iya. Kenya mih pama udah parai urang ka tuai ba tubuh anak bemusuh berebut ka reta. Nya mih bansa kitai iban enda mansang dih.

Uji peda bansa cina enggau laut laban deka betulung enggai meda bala ipar enggau bala menyadi tusah nya urang masa senang. Kitai iban pedis uchu meda sida deka nulung sama bansa.

Aku enda bebunyi ninga aki nusoi hal bala ba rumah panjai ditu. Laban aku udah ningal aya aku meri aku jaku. Dikingat ka aku sampai mati jaku jaie sida. Deka aku bedendam enggau sida iya jangka petara enggai meda kitai.

Tang ba aku sampai mati aku enggai ngambu sida aya enggau ibu,anak sida aku enggai ngambu menyadi.Anang apai indai sida udah jaie ba tubuh anak sida lebih agi laban nitih ka perangai apai indai. Nyamai aku diau diri meda ulah sida.

Eahh..! Enda berasai ari enyau lemai, aku madah ba aki deka pulai dulu,ila bejalai baru ku aku madah ba aki. Aku mupuk angkat bejalai pulai.datai aku ba rumah diri terus aku nuduk ka diri ba bilik besai.

Indai tiri enggau sharita gawa mela utai ba dapur. Aku duduk berunding ka jaku aki tadi.sinu atiku ngenang bala indai tiri. Iga ga petara enda meda pemerinsa kami tu. Uji tak tulung kami ka merinsa tu nih anang ngasuh kami tu merinsa belama.

Pia aku duduk nyuntai berunding ka diri,pia aku  gali belipat kaki berunding ka pengidup diri. Kepuas berunding kediri enda berasai mata aku lelap.

Sekira bisi sejam kini endur aku udah ngelelap ka mata,dinga aku nyawa indai tiri ngagau mai makai.  Agi dua kali ngagau bedau ka angkat ketiga kali ngagau nya baru angkat. Nya pan semadi nyawa indai tiri enyau besai ngagau ka nama aku. Nya batu angkat ka dapur makai.

Sambung tusun 15