Ensera John Enggau Anak Jagu

Cherita John Enggau Anak Jagu 7

Tusun ke 7

(Aki)

Uchu John,..!! nuan anang enggai nyambung sekula nuan,aku deka nyekula ke nuan kasih meda nuan uchu. pemutus sijil nuan mega chukup manah amai.diatu uchu enti kitai nadai pemandai pedis ngiga pengawa tang enti kitai bisi pemandai ukai kitai ngiga kereja. kereja ngiga kitai

Agi pemandai nangka pom 5 baka kediatu uchu nadai guna.kompeni enggai nguna orang pom 5 agi.kereja ngapa semadi orang nerima. Aku sinu meda kita mindai,kita semadi nya alai aku uchu sanggup nulung nuan.

ila ukai aku senang enti nuan udah gawa bekereja perintah,nuan senang enggau kita sebilik senang dudi ari ila. peda nuan bala aya enggau ibu nuan uchu nadai enda makai gaji.semua bepangkat tinggi magang orang bebasa ke sida iya. Nya utai di ambi nuan ke teladan.

Ngambi ila pengidup nuan senang baka bala aya enggau ibu nuan idup dipebasa ke orang belama ya uchu.Aku enda ngira duit deka nyekul ke nuan ucu janji dudi ari nuan meli ke aku lunggun enggau lubang nya aja pinta aku ba nuan.utai bukai kira bala ayak nuan aja uchu.madah aja nama utai kedeka diambi nuan uchu luyer dutur ka ni ke kedeka ati nuan.

Ninga aki bejaku munyi nya aku takut deka mantah jaku aki madah ke diri enggai besekula agi.takut aku chukup takut dianu aki enti aku mantah jaku iya. turut keaku aja mih jaku aki aku keran amai deka ngasuh aku nyambung sekula baru. Aku berasai malu amai ati laban iya nyoo jauh agi, amat iya tanah Aki tang iya menyadi niang ini aku suba.

Aki lalu kol ngagai bala anak iya betanya ba bala anak iya ba menua jauh ngasuh nyekula ke aku.bala anak Aki aku semua besetuju, semadi amat aku nyanggup ka beskula baru. Sida Aki enggau sida sebilik sigi ka nulung aku. Tang aku ke bedau nyebut diri ka laban aku ngenang diri merinsa

Sida ulih mayar semua ba sekula aku. Bakani baka belanja aku sari sari, dia aku baka ke lembau dasuh Aki sekula baru. Berunding ke diri nadai penatai duit. Tang meh bala sida aki aku enda ngasuh irau ati ba senentang belanja. Semua sida magang deka melanja aku. Laban ke sinu kasih ke aku.

Aki ngasuh aku sekula ba kuching ka ku enda nitih ke jaku aki..aku takut danu seduai iya inik..titih ke aku aja meh jaku seduai iya inik laban enggai ningal ke menua, bala kami sebilik

2 hari sebedau aku ka nurun ke kuching,aku mai jala ke selalu kena ku nyala, sinu asai ati aku nurun ngenang diri deka ningal kemenua diri.bekayuh aku nayung ke sengayuh ngeli ai enda lama aku datai ba alai aku selalu nyala belama

Datai ba endur aku selalu nibar kejala. aku lalu ngambi tali jala terus ditanchang ke aku ba ujung lengan aku mua ari kanan,tibar ke aku 2/3 kali aku nibar ke jala, peda ikan mayuh.amat ba dalam jala, tibar aku baru nangka pemayuh ikan enyau betusuk ikan penuh dalam jala. ati aku lalu nemu, Belang bisi datai semak aku ke nyala, enda lama sepi aku perau aku asai ke bisi kena tungul kayu.udah nya perahu aku lalu terangkat luan perau di sungkak ke Belang katas.

Majak ga tudah aku nibar ke jala laban deka ngulih ke ikan enggau undang,enda aku peduli ke Belang bisi datai nyenguk aku, udah nya belang mansut ke diri ba tisi gandung perau aku. meda aku enda peduli ke iya belang lalu nyan ke tubuh diri, aku tekenyit meda iya ngemesai nya meda utai ngemesai nya aku lalu deka lari deka ngayuh keperau pulai

Meda jagu ngemesai nya.laban lama enda betemu enggau pangan diri.aku aku enda ngelala belang agi.Tubuh iya burak beresi baka jagu tupi diperesi orang belama.Belang meda aku takut ke iya dia dih belang mantai ke main iya enggau aku maya agi mit suba.

Aku lalu ingat ke main tua iya agi kelia. udah aku nemu nya belang aku pan gaga ati meda belang datai ngundang aku. Belannng..!!! pia ku aku nyebut nama belang ari perau.

Aku pan lalu bejaku enggau Belang, "Belang..!! anang nundi aku bakanya nuan belang enti nuan enggai dipaluk aku. ninga aku munyi nya tak pansut belang ari alam ai lalu ngilik ke perau aku pan terus labuh kaie, nyepi diri bisi pedis aku ngambi sengayuh maluk Belang enggau sengayuh

Nyaaa...neyyyy... lapa nuan dih agi ka nuan dih beduan aku belang. Peda aku belang enyau ka mesai tong dram laban lama enda betemu kami duai cukup gaga ati begagai enggau pangan diri. Sekali aku tepeda ke tali rantai belang nyoo enda cukup agi. agi..tali belang ditukar aku baru ngena tali rantai perau ke baru dibeli aki aku empai lama.

Udah aku nukar tali rantai Belang. Belang meratie meda mua aku baka ke tusah ati..Belang nyipat pasir gai aku..Aku terus bejaku madah belang Belang..!! Enda lama da agi aku jauh ari nuan.,jauh mih ga ari bala Ibu enggau adik ku, Aki ku ngasuh aki nyambung pelajar aku ba di kuching kin.

lang, Sapa meh ngiga belanja ke bala ku ti aku nadai di menua. udah ga pengidup kami sebilik tusah amat udah seduai indai nuan nadai enggau aku nangka penusah aku belang ngiga utai ke dijual ibu aku kena ngiga belanja. gawa aku ba belah pasar gaji ukai nya cukup kena kami sebilik.

Nasit bisi aki menyadi niang ini aku nulung kami sebilik, akak aku ukai nya bisi ngirum belanja agi. Anak iya umbas ya ditupi akak. Enda berasai aimata ku labuh bejerita ba belang kisah kami sebilik.Aku gali atas pala belang, aku lalu mesan belang.

Belang..nuan tinggal dimenua ditu anang ngacau nundi orang nuan. semua sida iya bala kaban aku magang enti nyema sida bisi puni silap jaku anang meh nuan nganu lalu makai orang lang,enti orang mati dibunuh nuan. nuan mati mih bunuh orang.

Anang sekali kali nuan ngacau orang tinggal aku jauh di menua orang. enti nuan bisi tepeda ke sida ibu enggau adik aku enggau orang begiga ke utai empa. Datai nuan nulung sefuai iya enti nyema bisi orang bukai bisi deka ngacau.anang enda nuan nulung seduai iya. Bakani aku enngau indai nuan suba. Bakanya meh nuan enggau bala aku tua udah beambu diri menyadi peda tela sida dimenua.

Dinga aku bejaku munyi nya belang lalu meruwek, nyawa ngemesai nya aku ke tekenyit ninga nyawa belang besai amat, angkat aku terus bukut belang.nyaa neyy lapa dik dh pia koaku bejaku nganu belang laban aku tekenyit ninga nyawa Belang ke meruwek.

Sambung ba tusun ke 8
Dikarang John Jovi