Ensera John Enggau Anak Jagu

Khesah John Enggau Anak Jagu

Tusun ke 26

Udah aku madah ke sida iya, sida pan alu mupuk mai bangkai niang Jaguar. Sinu aku meda bangkai niang Jaguar sereta sida mupuk aku muka mata ku begadai gadai alu angkat peda aku sida bala rayat Jaguar udah nadai ba nanga sungai. Aku pan alu ngendas ai mata ku ba kuyuk. Bala mayuh ngumbai aku bisi penemu muru bala jagu ke benong berintai ba nanga sungai. Aku enda memunyi ngetat ke ati agi ka nyabak ngenang jaguar udah nadai ba menua agi...Datai aku ila sapa meh orang dikangau ke aku agi, jaguar udah nadai agi. Aku duduk ngerimbai sharita..sharita meda mua aku tak tusah ati. Sharita megai lengan aku alu bejaku.

Sayang, nama nuan tak tusah ati peda aku demalam. Nya tadi sayang nyabak ba luan xpress meda ba jagu..nama kaitan nuan enggau bala jagu sayang.

Dah la..anang mayuh utai tanya. Aku nyaut sharita. Sharita pan alu badu agi bejaku. Ninga aku munyi nya. Kira bisi setengah jam lebih kami datai ba pasar sibu. Tua sharita lalu angkat. Ati ku seruran ngenang Jaguar. Ti baka mensia sigi enda aku pulai enggai aku enda enggau orang nyengaie bangkao jaguar tang mar meh jaguar ukai baka kitai mensia. Pandak jaku mina ati beraie ngenang iya anak jagu begulai ari mit bebakih beambu madie enggau aku nie enda ati aku tusah tinggal ke jaguar. Nyamai agi bekaban enggau jelu ari bekaban enggau anak mensia pia ko ati aku bejaku ke diri. Ari ke begulai enggau anak mensia bejaie aku kulu kili laban kami orang merinsa nadai apai indai nupi. Di ketawa ke sida meda pengidup kami semadik merinsa pia ko aku bejaku dalam ati.

Aku enggau sharita alu nepan teksi ke airport. Datai ba aieport kami duai lalu ngecik tiket bilun dulu. Udah ngecik tiket bilun dulu kami duai sharita duduk enda lama nganti jam ke chukup ka nepan bilun ari sibu ke kuching. Lama diri ga kami duai ke duduk diak. Tua sharita lalu angkat ngagai pandang bilun. Kami duai sharita lalu berangkat. Sinu ga ku meda mua sharita. Aku pan berandau enggau sharita.

Sambung tusun ke 27