Ensera John Enggau Anak Jagu

Gherita John Enggau Anak Jagu( ke12)

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_03_01_2021
#7.30_mlm

Tampung ba tusun 12

Belala kami sebuat berandau maya ka udah badu makai enda berasai jam udah pukul 12.30 tengahari. Tua sharita sama bela ka beradu ka diri deka mupuk pulai ka menua aku.

Udah tembu beradu besimpan ka barang, tua sharita nganti van sida serumah nurun kepasar. Nadai entu lama amat tua iya nganti van datai. Tua sharita tama ka dalam van, van lalu mupuk bejalai nuju ka pasar.

Laban jalai enda berapa manah, duduk dalam van nu beteguyap guyap beterentak. Amat tak enggai asai ya asai nya pemedis nepan van jalai jaie. Tang laban tegal deka ngundang apai indai indu ngasuh ati ka enda peduli ka pemerinsa.

Nu puas asai pengelama nepan van baru datai ba pasar serikei. Datai ba teminal bas serikei nepan bas baru ngena bas ari serikei ka sibu.Ni ka enda lelak asai datai ba menua nepan bas ngelama nya, bedau nepan van agi udah ga jauh menua.

Ari tengahari nepan van sambung enggau bas bejalai selemai lemai nyentuk datai ka malam pukul 8.30 malam baru datai ba sibu kami. Datai dia nganti urang ka ngambi ari rumah panjai bisi sejam.

Pukul 11 malam baru datai ba menua aku kenduai sharita. Datai malam nya lalu makai,udah tembuk makai lalu terus mandi kami duai sharita. Sharita laban enda kala ka menua kami takut mandi ka belakang ujung bilik dapur kami laban petang nadai api ba ujung dapur.

Udah tembu mandi kenduai sharita, pulai lalu begari jampat mata nu ngantu deka tinduk. Tua sharita sama bela tinduk ari pukul 1.0o dini ari. sampai pukul sepuluh pagi baru dani.

Lelak amat asai isi enyau asai udah kena palu (paluk) udah ga buntau amat, dini mata enda ka amat tinduk. Laban ba bilik diri mih deka tinduk maya nya. Enti ba bilik urang enggai tinduk dani laun laban nangi diri di kerandau ka urang.

Dani aku pagi nya terus bepuru mua enggau betuchi beberus ngeli.udah beberus ngeli aku duduk ba bangku mija makai betunga enggau indai tiri aku ba dapur.

Tua indai tiri aku berandau bekenang ka tua sharita pulai ari rumah sida84 iya laun mupuk ka diri.sharita baru angkat ari peninduk madah kediri pedis isi. Sakit asai pia ku sharita madah ka tua indai tiri aku. Indai tiri aku nganu aku nama kedambi deka pulai laun.

🐸🐸🐸(Indai tiri aku)🐸🐸🐸

" Nama kedambi nuan dom enda pulai tumu mai tudah endun pulai. Nya laun ari menua dini enda laun datai ba menua kitai ditu. Udah ga endun enda kala ka menua kitai kiru datai ditu enyau dini ari. Udah ga besemun dini ari ka enda lalu sakit endun bakanya..

Nuan dom baka enda nemu menua jauh pasar. Baik menua udah datai jalai enti bedau baka kelia bedau bisi jalai datai enda pagila mih seduai endun.

🐸🐸🐸(Aku)🐸🐸🐸

"Ba iya indai laban kami din tadi tembu ka berandau enggau bala enda berasai meda jam nu tengahari. Nya enyau berumban ari nyin tadi enggai ka enda ampit van kitai kitu.

Bedau dasuh bala pulai sari kemari laban ukai menua kitai enda nyamai amat asai sepi aku. Meda ai menua sida din asai ka nurun nyala aku, enda dasuh apai enggau indai iya mindah ga. Bakani ka nyamai asai nya semua utai enda ulih enggau sida gawa.

Laban aku enggai enda gawa enda nyamai amat sepi ku indai. Nya aku berumban ngemai pangan aku pulai kitu. Teguk amat aku deka nyala.

🐸🐸🐸(Indai Tiri)🐸🐸🐸

"Endaii..." kenya kitai deka bebini enggai ningal ka menua diri. Sigi enda nyamai mula kitai ba menua urang dom. Nuan ga meda aku tu nguai ka apai nuan nadai mih nyamai mula

"Dom..!! Diatu aku ka ngajar nuan anak...idup ba dunya tu urang paling penting ba pengidup kitai apai indai kedua bala menyadi kitai tang udah limpas ari apai indai enggau bala madi nuan dom.

Maya nuan udah berumah tangga urang penting ba idup nuan ya nya bini enggau anak nuan sereta bala entua nuan. Nama nuan udah bisi bini tanggung jawap nuan besai anak. Ari nya kitai anang enda belajar neleba ka diri enggau bala entua ipar nuan. Udah bebini jaga manah rumahtangga nuan.

Enggai ka ila kami disebut urang kumbai enda ngajar nuan anak. Kingat ka nuan jaku ajar aku. Amat mih aku tu ukai indai ngemansut ka nuan dom tang seduai menyadi udah asai anak ada aku.

Ari nya mih kitai anang enda neleba ka diri ba menua urang, ni nemu ila nuan nguai ka urang ila,enti nuan enda nguai nadai ngawa..

🐸🐸🐸(Aku) 🐸🐸🐸

"Eammm..." enda aku deka nguai ka urang indai. kita tu keja ila nu diau dipasar.nadai enggau apai indai tauka bala entua kitai enti pengawa jauh. Semak pan rumah pama kami udah gawa. Ngira deka ngidup ka diri, nadai kitai tu tau begulai jemah ila nama udah bisi anak.

🐸🐸🐸(Indai Tiri)🐸🐸🐸

"Ya sigi pia".. nya mih enggai enda belajar neleba ka diri ba menua urang begulai sejalai enggau urang ngambi pengawa kitai enda timpang anak. Adat basa kitai begulai enggau urang anang kurang.

Jaku enggau tikas perangai begulai enggau urang anang kelalu, ibun manah ka perangai kitai. Urang dulu mungkal kita sabar enggau kering ati. Bisi maya petara nunga ka mua ba kitai dia penyaie urang dibalas petara ba sida ka jaie.

Aku dom nyamai madah ba nuan dulu, ba pasal indu nyadi ka bini nuan jemah ila. Aku enda milih menantu. Tusah senang aku enda ngira asal apai indai indu sanggup nerima nuan ka menantu deka betampil enggau kitai urang merinsa.

Nya mih aku dom ngajar nuan, anang enda belajar bebendar. Muji aki nuan udah manah deka nulung nuan ngemansut belanja kena nuan sekula. Laban iya meda nuan ni utai ku iya deka magang dasuh.

Tu kendung ka nuan udah datai ka menua nyengguk aki nuan katas legi enyau enda dapat iya dia. Kasih ka aki enggau ini nuan kasih ka seduai selalu amat betenggap ka nuan dom. Bai bini nuan katas nemuai gai aki enggau ini nuan..

"Dinga nuan dom..! Sebedau nuan ka agai aki nuan katas, panchit dulu rumput dom nu repa keliling rumah kitai lama udah enda dipanchit.

"Nyamai ga udah.." ninga aku madah enda nyama nadai pengawa ba sida sharita. Indai tiri aku lalu ngasuh manchit rumput. Jaku ajar indai tiri aku dikingat ka aku belama. Seleka jaku indai tiri kami aku nadai nyaut laban aku nemu pementas indai tiri kami nang cukup mentas.

Nama pengawa disebut indai tiri kami semampai dititih ka aku magang. Sekali nadai kala enggai dasuh indai tiri.

Udah aku berandau enggau indai tiri,malik aku ka setur meda pemanchit rumput. Aku lalu angkat bejalai ngagai setur ngambi pemanchit deka manchit rumput

Aku mai pemanchit enggau butul racun rumput ka jelatung laban deka ngisi ka tong pemanchit ai. Lama asai enda ngema tung pemanchit lain amat asai. Pemesai endur rumah kami sebilik bedau ka kin agi endur indai tiri kami betanam lauk iban ke bisi semua diracun magang. Enam tung pemanchit baru cukup manchit semua kelingek rumah kami aja.

Ka tujuh tung baru kena aku manchit tengah laman ba mua rumah kami nya baru tembu. Udah tembu semua dipanchit aku pulai lalu terus mandi kai lama udah enda mandi ba sungai.

Betampung ba tusun 13