TUSUN KE 30
Udah aku berandau enggau sharita. Ninga jaku sharita munyi nya ati aku berasai enda nyamai. Laban ngelamatu sharita nadai kala munyi nya maya bejaku ba talipaun enggau bemesej. Pagi siti kami sebuat tumu nurun ke rumah sida sharita. Kira pejalai setengah jam ari menua kami. Enda lama kami datai ba rumah sida sharita.
Maya kami datai dialu ke tuai rumah sida sharita. Kami pan lalu duduk ba ruai betunga enggau bala ke bisi pansut keruai. Udah nganti sida serumah datai magang keruai.dia tuai rumah sida sharita lalu nanya pejalai kami.
Yaaa. Nyadi tu dinga kita bala mayuh. Aku ka betanya ke penatai bala kita. Nama pejalai kita bala menyadi bala ayak ibuk semua ke bisi datai ditu.nama tuju pejalai kita datai kitu. Pia koaku madie tuai rumah.
Aki aku nyaut jaku tuai rumah sida sharita.
Erhemmmm...Au Dom tuai rumah. Aku tak jampat nyaut jaku nuan Dom Tuai rumah. Manah ga nuan tuai rumah nanya ke pejalai kami. Baka penatai kami sebuat tu Dom tuai rumah nganjung tincin tanda semaya ucu sharita enggau ucu aku John tu. Laban seduai iya tu lama ga udah bepangan tang bedau netap ke janji seduai iya ngelamatu. Nya saritu ucu aku John netap ke semaya seduai ka jadi diri melaki bini. Nya meh tuju penatai kami sebuat datai kitu..
Au terima kasih tuai ti pemegai adat. Nyadi diatu aku nanya nn apai endu kini jaku nuan. Legi nanya endu sharita enggau madie John.
Apai sharita bejaku. Au nyadi bakatu Dom John enggau bala mayuh ngambi ke terang dinga kita. Ti nuan john agi ulih indai dik nupi anang nanya anak aku sharita nuan. Anang gagit ka jadi enggau anak aku ti nuan nadai rumah batu bekerita hilux. Lalu pia meh ga ti nuan enda teberi ke tua indai sharita rm5000 sebulan anang ngiruh diri jadi enggau endu sharita. Ti ukai laki keja ke tasik.
Ninga jaku apai sharita munyi nya. Aku lalu malik mua sharita. Jantung aku asai ka runtuh. Ai mata ku labuh. Tubuh aku semua lemik.chukup pemalu aku diberi orang jaku munyi nya. Ati aku beraie ninga jaku apai sharita munyi nya.
Sambung ba tusun ke 31
YOU ARE READING
Ensera John Enggau Anak Jagu
Mystery / Thrillercherita John Enggau Anak Jagu be' pun ari umur aku sebelas taun...sekumbang apai kami Jovi udah ningal ke kami semadi, pengidup kami nangka ya penusah....maya nya aku agi besekula ari taun 5...laban ke agi mit nie pemaie orang gawa, ngiga blanja ken...
