Ensera John Enggau Anak Jagu

Ensera John Enggau Anak Jagu (16)

#Bujang_Berani_Kempang
#Ensera_John_Enggau_Anak_Jagu

#Ensera_John_Enggau_Anak_Jagu
#Dikarang_John_Jovi
#Diseruri_John_Jovi
#Tarik_21_01_2021
#jam_1.00_malam

Aku merasan ati berani udah ninga jaku indai. Begadai gadai aku mansang nuju batu endur bunsu belalang tinduk. Nya aku meda tanduk iya cecuwit dua cabang atas pala belalang.

Amat enda tinggi tang numbas ya ga ditiki laban ka nadai utai kena niki katas baru. Datai datas batu bedebar asai ati nangi ka ular belalang nya dani lalu terus mantuk nyebur aku.

Jari begetar mansang ngambi tanduk belalang,dipegai aku tanduk belalang benung deka ngeruyak lalu bedau ka ningkil dulu tanduk belalang nya tecabut maya dipegai aku. Aku terus nyintak duku ilang lalu negi ka tanduk belalang enggau duku ilang terus manjung tiga kali.

Aku nitih ka jaku indai tadi sebedau indai ngasuh aku mansang ngagai ular belalang tadi. Udah manjung tiga kali aku terus nguing engkecit ka tanah belanda ngagai bala sida indai. Indai lalu naban ka aku enggau jampat.

Laban enggai ka bunsu belalang meda sida iya mai aku lari. Aku bepegai teguh ba indai sida ka belanda ukai main pengelaju. Engjecit kulu, engkecit kili takut nepan nangi ka diri tepelanting ka bukai ari tubuh indai.

Kira dini ari jam 3.30 pagi aku datai ba rumah danjung sida indai datai dirumah terus. Indai lalu ningal ka pesan sebedau iya deka pulai.

(Indai)

"Wat..! Sebedau aku deka ngejang ka diri diatu aku ka madah ka nuan. Duku ilang ka diberi aku ka nuan enggau tanduk belalang anang nempaya ka iya ngapa taruh nuan manah,

Duku ilang enti nuan bisi penusah tau ambi nuan duku nya lalu terus digusak nuan wat ngambi gerunung ba duku nya bebunyi. Maya nya bebunyi aku nemu nuan bisi penusah dimenua.

Lalu tu siti agi selampai aku beri aku ngagai nuan baru. Dinga nuan wat..selampai tu dikena nuan maya nuan pedera rengak tau ditanchang ka nuan ba punggung nuan.enti bisi utai jaie, utai danjung urang.

Dia nuan ngasai utai ka nyelaie bisi datai ba tubuh nuan. Lalu selampai nya ulih nganjung utai nya ngagai urang ka ngepu .seagi selampai nya dipegai nuan nadai siku urang ulih nganjung utai ngagai bilik nuan. Selampai tu bai nuan kulu kili wat, anang ningal ka iya. Iya nyaga tubuh nuan.

"Bahh..! Mupuk dulu aku wat. Nyaga diri enggau manah. Indai tiri nuan nya tua iya agi diri menyadi. Aki kita agi diri menyadi, asal menua kitai aru paku. Din menua asal kitai. Ditu menua niang apai nuan. Bakatu mih gaya kita nadai tua apai nuan.ninga jaku urang belama..

Sabar anak..dudi ari nadai urang deka ketawa ka kita sebilik udah nuan bulih pengawa ila. Belajar enggau bebendar

"Mupuk dulu aku"

*******************************

Belala ati agi ka begulai enggau indai malam bangat pandak amat. Semadi deka mulai ka diri niki ka bilik dapur sinu ngenang diri nadai indai diri enyau nyadi jelu.

Urang bisi indai, aku nadai. Udah ga indai nadai,nadai ga apai. Cukup merinsa asai nadai apai enggau indai. Semua utai dikereja diketawa ka urang magang.

Tama aku ka bilik terus ngengkah ka tanduk belalang enggau duku ilang ba atas mija. Aku dulu mandi sebedau deka pulai ka pangking ka ngali ka diri enda lama.

Udah mandi aku mai tanduk belalang, duku enggau selampai diberi indai tama ka pangking. Aku terus gali semua utai nya dengkah ka aku ba tisi aku ka gali. Laban mata lalu enda tinduk, aku lalu lelap sampai enda nemu ari enyau udah siang.

Indai tiri aku nanya sharita nama pengawa aku laun dani tinduk.sida nadai nemu nama pengawa aku malam tadi laban sida udah berandau indai tiri enggau sharita terus tinduk.