#النظرة_الاولى
#طيبة الربيعي
___\البارت الثاني\___
يومين تلاثة وابدي اعوضكم كلش اعتذر عالتأخيرات الدتصير
ومثل مردتو حيكون اكو خواطر بالقصة من كتاباتي
ماعرف اذا حلوات او لا هل شي انتو تقررو😘
قرائة ممتعة عيوناتي وتصبحون على خير
__________________________
هو بقة يباوعلي يمكن باستغراب او يمكن مثل نظرتي الة ماعرف.. بس بعد عينة علة حيدر الي بدورة چان خازرني.. ماما دغتني
ام شاهيناز: شبيچ ماما يلة
صحيت: ها
ام حيدر: شبيچ خالة ناسية شي؟؟
مشيت: لا لا بس عبالي نسيت فوني اذكرت بجنطتي
ام حيدر: شلونك خالة ذو الفقار
اسمة ذو الفقار.. وحدة الاسم يرهب ويموع الگلب😍
ذو الفقار: الحمدالله خالة بخير انتي شلونچ صحتچ شلونهة
يمة من سمعت صوتة الخشن.. ردت اوگع من رجفة گلبي وكل خلايا بجسمي
ام حيدر: الحمدلله عيوني امك شلونهة الاهل شخبارهم، خل تعذرني صارلي هواية ممخابرتهة مشغولة وية الجهال
ذو الفقار: معذورة خالة توصلچ سلامهة
ام حيدر: الله يسلمهة انشاءالله، اخذو راحتكم يلة عيوني نروح
ام شاهيناز: يلة'طيبة_الربيعي'
مشو واني مابدي امشي واعوفة.. معقولة مراح تجمعني بي الصدفة مرة ثانية؟ اخذنة تكسي ورحنة.. لكن طول وقت الطلعة اني سارحة بخيالي الي وداني وياه لعالم وردي.. يحچون وياية واني جوابي ميتعدة الأي او اللاء..
لحد ما بسمة باوعتلي منزعجة.. البقية ملتهين يشترون ملابس
بسمة: ترة مينرادلهة كول هل صفنة، شكلة عادي واصلاً محلو
انتبهتلهة تحچي وياية: شنو
بسمة: صفنتي عالولد عبالك اول مرة تشوفين شاب شبيچ شاهيناز وفوگاهة صديق حيدر تدرين شگد عيب؟ حاسة علة نفسچ شنو سويتي؟
شاهيناز: شكو انتي شبيچ، يا ولد هذا
مدريت عيوني هلگد فاضحتني ومگدرت اسيطر علة مشاعري واكتمهن بداخلي
بسمة: داحچي علة صديق حيدر الي واگف وياه بالباب من طلعتي وشفتي
شاهيناز: شعلية بي
ماكو اي عذر او حجة اخلص نفسي بيهة.. عبالك عقلي توقف عن التفكير.. شنو يسمو هذا!!
بسمة: اي مبين شعليچ بي
شاهيناز: سكتي لتحچين هيچ لا احد يسمع ويصدگ
بسمة: وهو عساس محد انتبه، الله اليعلم من نرجع حيدر شلون راح يرزلچ
شاهيناز: دروحي هسه اني شسويت عادي ميصير اباوع؟ لازم اكو شي بنظرتي يعني؟
بسمة: لان نظرتچ مچانت عادية'طيبة_الربيعي'
اجتي ماما: شبيچن مو اصيحچن صارلي ساعة، شاهيناز شو بالچ مو يمنة
گمت: شبيكم علية منتبهت حرام مانتبه
گامت بسمة: چنة نسولف ماما منتبهنة
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
