#النظرة_الاولى
#طيبة_الربيعي
___\البارت التاسع عشر🔥🔥\___
مساء الحب اسفة عالتأخير✍🏻❣️
________________________
شاهيناز: ليش
ذو الفقار: عرفت انة مارايدهة
شاهيناز: يعني تعوفك بهل سهولة
ذو الفقار: هسه ماعلينة منهة خلينة بموضوعنة
شاهيناز: حيدر شلون ذو الفقار فهمني
ذو الفقار: هو شلون عرف غير افتهم
شاهيناز: اوووه سالفة عويصة
ذو الفقار: شنية
شاهيناز: حيدر واختي مريم على علاقة ومن خطبهة رفضتة كلنة تعجبنة بس اثاري شايفة رسائلي اني وياك وعبالهة حيدر لان مسجلة اسمك حيدر اني
ذو الفقار: وليش مسجلتة حيدر؟
شاهيناز: مو كلهم يعرفون علاقتي بحيدر حلوة وقوية فمحد راح يشك من يشوف اسمة
ذو الفقار: هااا هنا السالفة، علاقة قوية مو
شاهيناز: اخوية ليروح بالك بعيد'طيبة_الربيعي'
ذو الفقار: هم عوزهة يروح بعيد، مو خوش سالفة ماتعجبني
شاهيناز: لعد انتة من ضميت علية برأيك تصرفك حلو؟
ذو الفقار: شلون انة اضل اعيد واصقل گتلچ ماردت اخسرچ وحرت شلون اردهة تعرفين شنو يعني اخطب بنت الشيخ الهدالياهة وافصخ الخطوبة؟ العشيرتين تخاصمو بسببي
سكتت
ذو الفقار: المهم يجون باچر لاتفشليني، انتي تريديني لو لا شاهيناز احچي الصراحة
شاهيناز: شلون ماريدك بس خايفة حيدر يعترض لو يحچي
ذو الفقار: مادري بس ماضن يحچي لو يريد چان حچة من هو حامي
شاهيناز: واذا اعترض شلون
ذو الفقار: ابوچ يمشي بحچاية حيدر؟
شاهيناز: لا
ذو الفقار: چا هاي هية ماضن يعارض
شاهيناز: زين شراح تگولة لابوي اذا سألك وين شفتهة شتعرف عنهة
ذو الفقار: هههه اگلة اعشگهة وتعشگني
ابتسمت: اي حتة يشنقنة ثنينة
ذو الفقار: ابوي يدبرهة ماعليچ
شاهيناز: يعني ابوك موافق علية؟
ذو الفقار: الصراحة انة بالگواة قنعتة ضليت الح عليه ولو ما عزيز عليه مايرضة بس ابوي حنين ويريد سعادتنة، اخوي الثاني ماخذ علة حب وحدة دكتورة وياه ومحد عارض منطينة الحرية بالاختيار بس صعب سافرة
شاهيناز: لعد شلون وافق علية واني سافرة
ذو الفقار: گال اذا تتحجب اي بس اذا لا تنساهة، شاهيناز محد يدري بيچ سافرة بس ابوي وامي وحبوبتي لا اخوتي ولا اختي يعني من اخطبچ هاي هية تتحجبين
شاهيناز: اتحجب مو مشكلة بس شوية شوية مو كلة مرة وحدة
ذو الفقار: هههه شبيچ اليسمعچ يگول راح احبسچ
شاهيناز: ياريت تحبسني يمك محد ويانة
ذو الفقار: هاا انتي گدهة
ضحكت: اي'طيبة_الربيعي'
ذو الفقار: چا الله كريم اذكرچ بهاي الحچاية
شاهيناز: مممم عندي سؤال
ذو الفقار: سألي
شاهيناز: شوكت بديت تحبني
ذو الفقار: يا معزوزة العين انة انعجبت بيچ اول مرة شفتچ بس حاولت اجاهل هل اعجاب لخاطر مايكبر ويصير حب لين چنت مفكر من سابع المستحيلات انة ازوج سافرة بس من عرفت بيچ انتي التتصلين علية فرحت ماگلچ ضجت ابد بس ضجت چي حيدر صاحبي وماردت اسويهة من ورة ظهرة بعدها صار الي صار لا انة الاگدر اعوفچ ولا انة الاگدر اخذ راحتي وياچ
شاهيناز: يعني مو بس اني انعجبت بيك، اعجاب متبادل صح؟
ذو الفقار: اي صح، تدرين ابد ماچنت متوقع احبچ وافكر بالزواج من ناحيتچ
شاهيناز: لعد شنو الي خلاك تفكر
ذو الفقار: عرفتچ علة نياتچ وتأكدت انة اول واحد بحياتچ من خابرتني اختچ وعرفت بيچ مريضة وخاصة من شفتچ مريضة قفلت لو انتي لو مازوج
شاهيناز: ممممم چان ازوجت هاية العوبة
ضحك: ترة حلوة البنية
شاهيناز: ذو الفقاااار
ذو الفقار: هااا
شاهيناز: شبيييييك
ذو الفقار: ههههههه بية انتي
أنت تقرأ
النظرة الأولى
Любовные романыحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
