#النظرة_الاولى
#طيبة_الربيعي
___\البارت السادس\___
چنت مثل المراهقة رجعني هل انسان خمس سنين ليورة.. ابحوش بافكاري عن حل لان احس گلبي كل ما يتقدم الوكت يأذيني اكثر واكثر..
گمت للاستقبال گاعدين يشربون چاي وياكلون كعك ميسر جابة من برة.. گعدت يم مرة عمي
شاهيناز: خالة عادي اسويلكم تحلاية قبل لا نروح حتة تتذكروني بيهة
ام حيدر: سوي خالة ذاكة المطبخ كلشي موجود
ام شاهيناز: مو تحرگي ماما
شاهيناز: لا لا ماحرگة عندي الرسبت
ام حيدر: شنو المواد التحتاجيهة خلي واحد من الولد يروح يجيبلچ
شاهيناز: بس مواد الكيكة العادية وكريمة وككاو
ام حيدر: كلة موجود
شاهيناز: ماشي
دخلت للغرفة قفلت فوني وضميتة.. طلعت اشرت الحيدر يجي.. عافهم واجاني
حيدر: ها چنچ فارة شعندچ
شاهيناز: فدوة محتاجة فونك
حيدر باستغراب: ليش
شاهيناز: عندك نت مو؟؟
حيدر: اي بس ليش'طيبة_الربيعي'
شاهيناز: فدوة فوني طفة واريد اسويلكم كيكة قبل لا نروح تتذكروني بيهة، والرسبت اطلعة بالنت احتاج اي فون اذا بيهة مجال تنطيني موبيلك
حيدر: هااا راح يعطب المطبخ اليوم، مو خوش سالفة
شاهيناز: لا لتخاف دائما اسويهة واريدكم تضوگوهة وتنطوني رأيكم
طلع فونة: هاچ، بس لدخلين عالبرامج واي واحد يدز يخابر معليچ
اخذتة: شكراً حبي مانسالكياهة
رجع هو واني رحت للمطبخ.. طلعت المواد وايدية يرجفن.. رحت عالبحث وطلعت الرسبت علمود ليشك بية.. سامحني ياربي ماگدر اروح وماعندي شي اتواصل من خلالة وياه..
طلعت الارقام وكلسع اباوع عالباب لا احد يطب ويكشفني.. بحثت عن اسم ذو الفقار.. اكو ثنين ياربي ياهوة بيهممم.. ثووول وين اكتبة هسه ااااني..
دورت علة قلم الحمدلله لگيت.. كتبت الرقمين علة ايدي ونزلت الردان.. اوووووه الحمدلله.. گلبي يدگ يدگ.. سويت الكيكة بس احس بنغزة تسعر بگلبي.. ماريد ارجع لكردستان روحي سكنت هنا..
سويت الكيكة وخليتهة بالفرن ورحت للاستقبال انطيتة الفون
شاهيناز: شكرا حيدور
حيدر: علة شنو يابة هو جهاز شمطيچ اني'طيبة_الربيعي'
ابو شاهيناز: شسوين بي بابا
شاهيناز: فوني طفة واستعاريت فونة علمود اطلع رسبت الكيكة، سويتلكم كيكة🙄
ابو حيدر: عاشت ايدچ عمو زحمناچ
شاهيناز: لا عمو اني حبيت اسويلكم قبل لا نروح علمود تاكلوهة محروگة وتتذكروني بالخير هههه
ضحك: كلشي من ايدچ مقبول
شوية وانسحبت للغرفة شغلت فوني وخليتة عالشحن عود ممشحون.. لچ شنو انتي شاهي خلي الشيطان يتعلم منچ.. خزنت الارقام بفوني وكتبت عليهن حيدر علمود محد يشك هيهي..
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
