النظرة الأولى

بارت 15 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت الخامس عشر**

>>>>>>>>>>>>>>>
جزء ثاني (15)

بسمة: انتي اكيد تشاقين
شاهيناز: هو اني بوووضع منااسب للشقة، منتظرة ذو الفقار يجي ويشوفلنة حل وية هاي المصيبة، ادعي متوصل السالفة لبابا والله ينجن
بسمة: منو شاف والله مچان اكو احد
شاهيناز: لچ انتي فد وحدة غبييية، يعني بيت شكبرة شعرضة ومتروس بشر شلون متريدين احد يشووووف
بسمة بخوف: شنو نطلبهة من ابوهة واذا طلب اني مراح اوافق
شاهيناز: بعدچ متعرفين عيالي انتي، عمي من يگول حچاية تتنفذ، اني الراح اوگع بيهة
بسمة: متوگعين بيهة انتي مالچ دخل، يجون يطلبون اني ارفض وهذا هو بعد شكو مكبريهة
شاهيناز: داگلچ عمي گلب الدنيا كلنة گمنة انطگطگ من عياطة وحتة المادرة درة، خليتي ذني يشمتن بية شدعي عليچ بسمة شلون تحطيني بهيچ موقف شلون'طيبة_الربيعي'
دمعن عيوني: اسفة شاهي والنبي مو بقصد، اني بس فتت اخلي الوصلة واطلع بس غبية بقيت متصنمة، وهو الي تمادة وياية
شاهيناز: سكتي الولد مالة دخل وحقة بألي سواه، لچ تتقارشين وية ابن العمارة، لچ ذولة دمهم حامي وميرفعون راسهم عالمرة، تجين انتي تفوتين الغرفتة ومتريدي يلمسچ وانتي حلووة

خليتهة تفش حرگة گلبهة بية براحتهة.. غلطانة ومتندمة على التصرف الطايش الي تصرفتة..

شلون مصيبة ووگعت على راسي.. ورطني هذا الولد اني ورطت حالي وياه غببببببييييةةةة..

بلكت ذو الفقار يقنعهم.. ولو هو هم مثلهم رزاق ماخذ اطباعة.. واخاف لا صدگ غبائي يأثر على شاهيناز.. شلون بية شسويتي بسمة..

خابرت جيلان زعلانة مني.. بس مالي غيرهة احس نفسي غرگت واحتاج احد يطلعني من البحر الي رميت نفسي بي..

بس گتلهة ابوه عرف لعبت بية خلقة وگالت اجي واعلمچ راح تخربين بيتهة الشاااهي.. طبگتة بوجهي.. اجيت اكحلهة عميتهة شبي حظي عوج وياية فجاةً مو چان حلووو..'طيبة_الربيعي'

لعد شگد اكو ناس حقيرة بهذا البيت تروح توصل كلشي تشوفة وتسمعة.. المفروض يسترون مو يفضحون.. الله يعينچ يا شاهي وين عايشة.. واني مستحيل اتعايش وية هيچ بشر غير يومية عركة ومكافش من الروس..

منا اني متحلفة للأماية وچنتهة القبيحة ام سنون العوج..

اجتي جيلان گاعدة على اعصابهة متريد ماما تحس.. واني لازگة يم امي اخاف ابقة وحدي وياهة.. مريم بغرفتهة منعزلة.. اوف ياربي شبيهة حظوظنة اني وخواتي ليش المصايب صارت ترگع فوگ روسنة..

جيلان تخزر بية.. اني ادنگ اتهرب من نظراتهة..

جاية وحدهة جهالهة مو وياهة معناتهة السالفة حامية وبيهة كتلة معدلة..