النظرة الأولى

12

#النظرة_الاولى
#طيبة_الربيعي
___\البارت الثاني عشر\___

ذو الفقار... من يوم الشفت هاي البنية وفكري كلة بيهة وبجرأتهة.. اول مرة من صارت عيني بعينهة عبالك ما شايفة رجال تفاجئت بس بنفس الوكت منظرهة انطبع بعگلي.. بس لبسهة معجبني سافرة الى درجة..

خاصة المرة الثانية من طلعت وسلمت علية.. لابسة جينس ضيگ وي بدي گصير يعني مامتسترة وشعرهة حالتة.. شگد شايف سافرات واشكال الوان ولا وحدة بيهن جذبتني مثل هاي.. هاي بس حطت ايدهة بأيدي عبالك كهرباء وسارت بجسمي كلة..'طيبة_الربيعي'

فرت عگلي فر من رديت للديوانية يحاچوني وانة ولا يمهم.. بس بنفس الوكت لمت روحي چي نظرتلهة اكثر من مرة وهي عرض صاحبي واخوي حيدر.. زحمة احط عيني علة عرضة.. بس ماعجبني شلون راضي ابنت عمة تطلع هيچ مفرعة وخلگ الله كلهة تشوفهة..

انة اعرف بيهم اكراد واطباعهم مو مثل اطباعنة بس الاعرفة ام حيدر من طرفهة ماشاءالله محتشمين اليشوف نسوانهم يگول سادة.. امة عربية و الاعرفة مرة عمة هم وشفتهة من طلعت وياهم.. محجبة ولبسهة محتشم..

بس استغربت البنات مامتحشمات وماحبيت هاي السالفة.. لهيت روحي بالشغل وبالسفر لخاطر ماذكرهة.. مرات اشم ايدي واتخايل ريحتهة بيهة.. شجرالك يا ذو الفقار اصحة علة زمانك والله عيب علة شاربك تفكر بيهة..

وبيوم بليل دگ علية رقم مجهول ماعرفت منو ورديت گلت خاف واحد من الولد چي اعرف سوالفهم.. بس محد جاوب حتة صوت ماكو.. وضل يدگ طلع روحي وعرفت مو من جماعتي لين بيوم انة بالعمارة يم اهلي وگاعد بالمضيف ولد عمامي وخوالي يمنة يتعللون.. هم دگ رقم مجهول.. باوعت عليهم ولا واحد بيهم شايل جهازة وملتهين بالحچي..

رديت هم ماكو جواب.. ابن خالي مؤيد سألني گتلة واحد زعطوط وسديتة

مؤيد: خاف المحروسة
ذو الفقار: لا يخوي ماتسويهة
مؤيد: وشعرفك ماتسويهة'طيبة_الربيعي'
ذو الفقار: تؤ، ماتسويهة تخاف مني بوية تعرفني الگفهة

واستمرت هل ازعاجات لحد ما بيوم هم دگ وتأكدت صاحبة هل رقم بنية.. فتحت اغنية وخلتني اسرح بخيالي وابحوش بدماغي منية تسمع لشيرين.. ياهي ماخايفة علة نفسهة وتتصل بذو الفقار ال.....

ارزل اصيح ماكو فايدة.. والاغنية انطبعت براسي ضليت حاير ياهي هاي.. بس الله سهلهة علية.. بيوم دگ جهازي الثاني وهذا رقمي العائلي مايعرف بي غير عائلتي وچم واحد من الولد مو كلهم.. بس بسرعة انسد الخط..

ماهتميت ونسيت الموضوع.. بس ورة يومين بالضبط هم رجع الرقم المجهول دگ علية بس علة رقمي العام.. طخت ابالي فكرة.. ردت اتأكد اذا هذا نفسة الرقم الاتصل علية علة رقمي العائلي لان هم متصل علية مجهول..