النظرة الأولى

بارت 11 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت الحادي عشر**

ضغطت على نفسي وكتبت هل بارت البسيط
اعوضكم باچر انشاءالله💕
>>>>>>>>>>>>>>>>
جزء ثاني (11)

نزعت الحجاب لان ماكو بس بنات.. اريد اروح للحمام بس استحي شلون.. بقيت احوص

شاهيناز... من ودعت ذو الفقار الصبح مبچيت حتى ميبقة يفكر بية طول الطريق وينسة نفسة.. اعرف يبقة بالة يمي.. بس چلبت بي مينطيني گلبي اعوفة.. وهو خلة يمي مصرف وگلي اذا تحتاجين شي دزيليا برسالة واني اجيبة الچ..

ووصاني مالچ دخل بأي وحدة تعيل بيچ.. انتظريني من ارجع اني اصرف اذا وحدة مضوجتچ.. ولتاخذين بكلام امي احترميهة وشتگلچ نفذي بس اذا سمعتچ كلام موحلو طنشي اني احسابي وياهة من ارجع..'طيبة_الربيعي'

علاقتة بأمة تختلف كلياً عن علاقتة ابيبيتة.. ماشوف اكو توافق او تقارب قوي بيناتهم.. عكس بيبي.. چان ميتحمل يوم اذا ميشوفهة.. وميگدر ساعة يخليهة زعلانة عليه..

الله يرحمچ يا بيبي.. وينچ وتشوفين عمتي شتگولي.. بيبي لو موجودة متخلي احد يفك حلگة وياية بحچاية..

فرحت بجية اهلي.. عساس الولد يروحون يجيبوهم بس ابوية استحى گال طريق طويل واني بية حيل ماكو داعي تتعنون مناك لهنا..

عمي وابوية بقو سنة واحد يريد يقنع اللاخ.. بس بابا مقبل وگال والله لو احتاج ماتردد واگوللكم بس عندي سيارة توب والطريق اني متعود عليه..

بابا هم يسافر هواية.. ومرات ياخذ ماما وياه فمتعودين ثنينهم.. بس ياويلي على خواتي الكيوت.. خاصة مريم تبقة تبچي من الطريق متتحمل تگعد وقت طويل..

من اجوي حسيت براحة وبالامان الي اخذة ذو الفقار وياه.. شفت عمتي مستقبلت امي مثل كل مرة.. وحسيت ماما ضاجت وتفاجئت بردة فعلهة من سلمت عليهة وبوستهة.. عمتي مبوستهة بس سلمت وهلا بيكم..'طيبة_الربيعي'

همزين عمتة ام امل موجودة والا ماما چان زعلت من عمتي.. واني مابية مشاكل وهل سوالف المالهة داعي.. يعني عمتي محملتني ذنب مو ذنبي..

اني لو عدوي مافكر اقتلة شلون اقتل الانسانة الاحتوتني ومسحت دموعي من بچيت وطبطبت على ظهري من شافتني مهمومة.. يعني چانت تسد من الحنين لأهلي..

شفت بسمة تحوص.. عبالك ممرتاحة بگعدتهة

شاهيناز بصوت ناصي: ها بسمة شبيچ، ضجتي؟

بسمة: لا بس محصورة
ضحكت: من يوم يومچ محصورة
بسمة: اي شسوي كلسع اشرب سوائل شي طبيعي انحصر