#النظرة_الاولى
#طيبة_الربيعي
___\البارت السابع\___
من رجعنة گبل لغرفتي سديت الباب ونزعت ملابسي ونمت.. بالعادة مااخلي مكياج بس بالمناسبات لهذا السبب ماتأخر عالنومة.. حسيت بشي ثگيلة علة بطني..
فتحت عيني جيلان خالة ابنهة داريان علية
جيلان: گعد خالتك التمبل
گمت حضنتهة: هلووو شوكت اجيتي
اخذت داريان لحضني'طيبة_الربيعي'
جيلان: مصارلي هواية سألت عليچ گالو من رجعنة الي هسه نايمة
شاهيناز: ليش بيش الساعة
جيلان: بتلاثة
گعدت يمي.. اباوع لداريان حبيبي شگد مشتاقتلة.. عمرة سبعة اشهر يجنن فدوة
بوستة: حبيب خالتك يووومة فدوة
جيلان: شلونكم شسويتو مسويتو هناك تونستو
جريت نفس وذبيتة: اووف ونسة ولا اروع، فاتتچ
جيلان: غير حظي گعدني يم سروان، لو ما تعاركت وياه ميخليني اجي
شاهيناز: ميخالف چان انتظرتي واجيتو سوة
جيلان: ماريد اريد اخذ راحتي طگيت، ايييي ترة منسيت الجنن اختي من اول نظرة
ابتسمت
جيلان: الله عليچ احچي مو فتيتي الگلبي
شاهيناز: شفتة اباب بيت عمو چان جاي علة حيدر وعساس احنة نروح للسوگ بس طلعت صار گدام عيني، مادري جيلان اول مرة احس بهل شعور، بالعادة الولد ميأثرون علية انتي وحدچ تعرفين شكم واحد تقدملي ورفضت ان كان علاقة او زواج'طيبة_الربيعي'
جيلان: اعرف متشوفيني مستغربة، هذا يجوز اعجاب من اول نظرة بس مو حب
شاهيناز: ماعرف جيلان يمكن حبيتة
جيلان: الحب يجي بالعشرة حبيبتي، هسه اني سروان من تزوجنة يلة عرفت معنى الحب شنو بالعشرة، عاشرتة وعرفت اطباعك الزينة والشينة وعرفت شلون اتصرف وياه وشلون اعيش وياه على الحلوة والمرة، الحب ميجي بهل سرعة
شاهيناز: بس داحس بألم بصدري لان اجينة، اريد ابقة هناك واشوفة كل يوم
جيلان: زين هو شلون شكلة حلو
شاهيناز: شخصية جوجو شخصية مو جمال والا شكلة عادي، مو احلة من الي قبلة
جيلان: مممم والله باينتچ وگعتي وگعة مامنهة گومة
وتضحك علية واني اضحك وياهة لان فعلاً وگعت وگعة مامنهة گومة
جيلان: بس حاولي تنسي لان هو وين وانتي وين يجوز مزوج على علاقة خاطب شي
شاهيناز: لا عفية لتقلقيني منا اني بالي مشوش شلون اخلي يحس بية
جيلان: اي غير تخلين كل الاحتمالات گبالچ يا عيني، زين معرفتي شي من حيدر جريتي لسانة؟
شاهيناز: لا لچ هو اني فضحت نفسي گدامة، اني من شفتة بقيت صافنة عليه وكلهم تفاجئو، وحيدر زاعلني ومن حچيت وياه گلي حرجتيني بس الله ستر وعرفت اطلع نفسي'طيبة_الربيعي'
جيلان: عزة لچ هاي واصلة لمرحلة انتي
شاهيناز: فوگ متتصورين، داگلچ گلبي مقبوض لان خايفة بعد مااشوفة
جيلان: ممم ماعرف شگولچ، من ننزل اني وسروان تعالي ويانة وبلكت تشوفي
فرحت: شوكت تنزلون
جيلان: مادري من يخلص شغل وياخذ اجازة ننزل
شاهيناز: انشاءالله
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
