النظرة الأولى

بارت 12 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت الثاني عشر**

>>>>>>>>>>>>>>>>
جزء ثاني (12)

بسمة: لا والله شنو حرام الواحد يفوت للحمام، هو انتة حطيت عينك وحسدتني، عيون لو ليزر متگووولي شنوو

رزاق: خاب دگومي، لسانچ متبري منچ انتي، كلساع حمام بيچ سكر لخاطر الكعبة

وشد الوصلة زين وگام: رجعي لهلچ يلة

گمت.. لزمت حديدة الدرج: اروح وكت مااني اريد ولوين مااني اريد مو تجي حضرتك تلقي بأوامرك علية

ودرت اريد اصعد.. دست على رجلية من الغباء مدري شجاااهي فهييييت

بسمة: اااي
رزاق: انتبهي، شگد ثولة يا الله
درت عليه رافعة حاجبي: كلمن يرى الناس بعين طبعة

تغيرت ملامحة.. صار يخوف'طيبة_الربيعي'

رزاق: ولچ انتي شنو، ماتنردين!
بسمة: دروح روح

ودرت اصعد على كيف علمود مادوس عالجرح.. بس شنوو يموووووت.. مدري شدست على بسمار مدري شنو.. شجابة لهنا.. على حظي.. مدري هذا التمساح شور بية

رزاق: اندمچ والخلقچ
بسمة: عشنة وشفنة

وصعدت هو راح بعد.. شتندم دعرف ابتسم بالأول.. عبالك عايش بالأجبار..

دخلت على كيف حتة محد يحس.. بابا نايم يم الزلم.. واحنة بغرفة شاهي وويانة بنت بيداء مقبلت تروح غفت بحضن شاهي..'طيبة_الربيعي'

بقيت الليل كلة افكر بالصار.. شلون لفلي رجلي وشلون باوع بعيوني.. بس ليش شايف نفسة.. دائما اشوفة يريد يمشي كلمتة بأي طريقة.. متسلط..

الصبح گعدت تريگنة كلنة سوية بس الجهال نايمين.. رشا گالت عمامي رزاق وعبد الرحمن بعدهم نايمين ويطولون بالگعدة..

ينام للظهاري المدلل.. اريد اخبث عليه بس عيب وهمة ماعندهم هيچ سوالف.. اشوفهم بيناتهم احترام قوي ومشفت شقاهم بين بعض ثگيل..

وبعدين اني مو من عندهم وبيهم.. بس هذا اريد اخبث عليه شلون مااادري..

اني من امشي اعرج الكل سألني شصار وليش هيچ.. گتلهم الصار دست على شي عالدرج.. رحت شفتة بسمار.. نهلة شالتة

نهلة: ذولي الجهال شياطين يلعبون بكلشي

وعصبت عليهم گالت محد يفتح الخانة ويطلع شي بكيفة.. نص يضحك ونص مهتم كمل لعب.. هههههههه صدگ شياطين ميسمعون الكلام..