#النظرة_الاولى2
#طيبة_الربيعي
**الجزء الثاني .. البارت الحادي والثلاثون🔥🔥🔥❤️**
صباح الخير💕
البارحة چنت مريضة ومالي واهس اكتب وهذا البارت گوة كتبتة
بارتين دمجتهن سوة تعويضاً عن البارحة
قرائة ممتعة
>>>>>>>>>>>>>>>>>
جزء ثاني (31)
بسمة... تأكدت انو فعلاً گاطع علاقتة بيهة لان موبيلة دائما يمي ويخليني اشوف كلشي بي.. شگد يزحفلة بالفيس وبالانستا بس هو ميرد حتة الرسائل ميشوفهن.. بس اني گمت اشوف وحدة وحدة وانطيهة حضر
بسمة: حضرتك ليش خال صورررك اكيد يزحفن
ضحك: غير اخبل وعلي شسوي جمال رباني
ضحكت: باع الثقةة'طيبة_الربيعي'
جرني لصدرة: ماعاجب حضرة جنابچ بسيمة
مديت ايديانتي على لحيتة: بلي، عاجبني ونص
رزاق: ااااخ بوية الحگ علة وليدك النچرررر
خربت ضحك
رزاق: بسمتي
بسمة: حبيبي
رزاق: اگرط هل لسان هاذ هسه؟
ابتسمت بخجل: ترة ابطل
رزاق: لا بوية غير نديح
ضحكت: شردت تگول
رزاق: اعرفچ تخافين لا اخون، بس هلي ماربوني عالخيانة ولا علموني اغدر الساكن ابگلبي، انتي صغيرتي وبعدچ طفلة بعيوني لا عبالچ تسعطعش يعني چبيرة تراني اكبر منچ واعرف منچ بهواي، ماگلچ ماراهقت بحياتي ولا اصير سيد براسچ الحرام مارحتلة حتة هاي الچنت وياهة انة عقدت عليهة وبعدين طلگتهة لخاطر مامشي بالحرام
ضجت.. كلامة حلو بس من يوصل لهيچ امور اغار وانقهر مو بيدي
ابتعدت من حضنة: چنت تگدر تتزوج
رزاق: وانة ماتزوج ياهي الچانت انتظرت اشوفلي وحدة بنت اوادم مو تجيبهة امي ماعرف شي عنهة غير اليحچوليا، وانة صح ماعرفچ زين اول ماخذتچ بس الله شاهد هاذ الگلب مانبض لوحدة غيرچ ولا عطب مثل ما عطب من الغيرة عليچ'طيبة_الربيعي'
ابتسمت واباوع لعيونة شلون يلمعن
مد ايدة علة شعري واخذ خصلة يلعب بيهة
خلاني احلق فوگ بكلامة هذا
رزاق: والزواج مو لعب اخوتي كلهم ماخذين علة حب مادري وراثة يمكن چي ابوي ماخذ امي علة حب، هسه انة مابدلچ بكنوز الدنيا چي اعرف معدنچ شنو الكتاب مبين من عنوانة، وانة ماغلطت من اختاريتچ طلعتي نعم الزوجة، ادري بيچ ماتعرفين اطبخين ومامتعودة عالمسؤولية بس مرتاح چي اشوفچ تحاولين مو مثل ذني النسوان المخمخمات عبالهن انوثة من يتعايرن مايعرفن يطبخن لو يسون حاجة
فعلاً اني رغم ماعرف بس احاول.. لكن الي فاجئني انتباهة على هل اشياء البسيطة.. ولا متوقعة يراقبني هلگد
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
