#النظرة_الاولى2
#طيبة_الربيعي
**الجزء الثاني .. البارت العاشر**
لتستعجلوني القصة طووووويلة واحدااثهة كووومة
لهذا السبب سويتهة جزئين
اليحب ينتظر اهلاً وسهلاً بي
والي ميحب خلي ينتظر لحد متخلص ويتابعهة
هذا البارت مال باچر نزلتة اليوم
لان بوووكرا مراح اگدر انشر عندي دراسة فووول
ادعولي☹️💕
ورجاءاً لحد يخمط خواطري بدون ميذكر اسمي🤣🤣
ترة ينكسر الهارت مالتي☹️
الي يدخل علمي ميبقة صاحي (اسألو مجرب متورط)
<<<<<<<<<<<<<<<
جزء ثاني (10)
لا تُكسر بجفائك مجاديف قاربي لطالما كان سعيي لوصولك من خلالها💔
مريم... سمعت بسمة وماما يبسبسن.. چنت هستوني گاعدة من النوم تعبانة من الشغل.. اشتغل بروضة.. من ارجع اكون مسطورة ودايخة من هوسة الجهال.. بس رغم هوستهم احبهم..
گمت احس الروضة مكاني الوحيد للهروب من الواقع المؤلم الي دااعيشة.. حيدر يشوف رسائلي وميرد.. من اخابر ميرفعة..
ماعرف ليش يشوفهن اذا ميريد يحچي وياية..'طيبة_الربيعي'
چنت متوقعة كلشي بس انو يسويهة رسمي ويخطب غيري ابد متوقعتهة..
داريد اروح للمطبخ اشرب مي واكلي لگمة بعدني مواصلة سمعت ماما تگول البسمة
ام شاهيناز: ابد لجيبين طاري لأختچ ولا لأبوچ
بسمة: بس اول تالي بابا راح يعرف من عمو قابل يخطب لأبنة بدون علمة
ام شاهيناز: ميخالف، خليني مرتاحة من وجع الراس يكفي ذيچ اختچ راح يطيح حظهة، خلي هاي عاقلة هسه
بسمة: بس ماما لازم اسوي شي مريم اذا عرفت تنكسر
ام شاهيناز: لتخليهة تعرف لعد
بسمة: شلون هية اول تالي راح تعرف اذا من مني من اي واحد ثاني، هاي اذا هو مناوي يحرگ گلبهة ويصدهة بهل صدمة
ام شاهيناز: خلي يولي الف من يتمناهة لبنتي شنو ماكو زلم، هو لو يحبهة صدگ مو يختفي شهرين وميسأل عن احوالهة، وهسه فوگ ما يرجع المي المجاريهة فتح علة نفسة باب مصيرة معروف ذاك هوة
عرفت المقصود حيدر.. دخلت اباوع بالوجوه اريد اصدگ اني بعلم مو بحلم..'طيبة_الربيعي'
بسمة... مادري شلون مريم سمعتنة.. شلون منتبهنة ومسمعنة اصوات خطواتهة وهية جاية.. دخلت تباوع بوجهي وبوجه ماما.. ثانية هنا وثانية هناك
مريم: حيدر راح يخطب؟
ام شاهيناز: لا ماما چنة نتناقش علة غير ناس مو يمكم القصة
مريم: ماما لتضمين علية، بسمة شنو الموضوع منو گال حيدر حيخطب
معرفت شأرد عليهة
مريم بعصبية: مووو احچي جااوبونييي
ام شاهيناز: خيولي ماما الف من يتمناچ شنو هو فد نمونة والله ازوجچ الأحسن منة
حسيتهة شوية وتنهار: شدتحچووون ماما شنو خيولي، يعني مكفااه شهرين هو مبتعد ومتجااهلني تمااماً، منو خبركم فهميييني
بسمة: عثمان گلي، مريم كافي لتنزلين من نفسچ اتركي الميريدني ماريدة علويش تحرگين بأعصابچ وهو ذاك ممهتم وراح يتزوج عن قريب
بچت وصارت حمرة: سهلة عليچ من تحچين هيچ بسمة مضايگة لوعة الحب خاصة لأنسان ميستاهل مثل حيدر
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
