النظرة الأولى

بارت 3 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت الثالث**
<<<<<<<<<<<<<<<
جزء ثاني (3)

مريم... اول انسان افتح عيني عليه وگلبي ينبضلة هو حيدر.. من اني صغيرة متعذبة بهذا الحب بس محد يحس بية لان اني كتومة وميبين علية ابد..

اشوفة يخاف علة شاهيناز ويهتم بيهة.. وياويلة الي يسويلهة شي لو يندگ بيهة.. يكتلة.. چنت اني عبارة عن صمت.. بس اراقب واتعذب من الداخل.. كبرنة واني كل ما اكبر يزيد حقدي.. مو عليهم.. علة علاقتهم القوية..

محد يدخل بيناتهم لان همة ممنطين مجال لأحد.. من اشوفة يشاقة وياهة ويصير تقارب بينهم اضوج وحتة ابچي بس مو يمهم اروح وحدي..

صرت اكره انزل لبغداد واروح لبيت عمو رغم المفروض افرح من اشوفة.. بس صار العكس.. گمت اكرهة واگعد يم عدوي وماگعد يمة..
'طيبة_الربيعي'

بس بدو يحسون علية.. وصرت ماعرف شلون اكتم بعد.. او همة صارو اذكياء وكشفوني.. خاصةً من شاهيناز تحچيلي عليه تگلي ليش هيچ وياه اضوج منهة ادافعلة..

چنت شاكة بيناتهم علاقة.. بس من اعترفلي حيدر اني مو بس انصدمت خفت كل ضني يلعب علية.. بس تفاجئت بشاهيناز هية الي نظمت اللقاء بالسطح.. وبسمة وياهة..

رغم هذا چان بداخلي شك ورعب منة.. عبالي يلعب علية لو بينة وبين شاهيناز شي ضدي او عندهم مصلحة وياية.. بس تأكدت بعدين بمرور الوقت.. لكن الغيرة لعبت دور قوي وخلتني اشك همة بعلاقة..

چنة فرحانين اني وياه راح نتزوج لان چنت ميتة علة ما اصير يمة وبحضنة.. حيدر حنين بشكل هاية حنيتة تجاهي هسه يلة ظهرت.. چان كلة لشاهيناز حتة لگمتة يطلعهة من حلگة ويخليهة بحلگهة..

بس اكتشفت بمرور الوقت هو يحبني الية وعلاقتة بشاهيناز علاقة اخوية.. لكن بلحظة طيش وغباء مني بخرت كل احلامي الي حلمتهة وياه وحتة واقعي وياه محيتة..

اني حافظة رمز الموبيل مال شاهي.. اذا مشتغل عالبصمة يشتغل عالرمز.. چنت اشوف ختلاتهة الغريبة.. واحنة بالعادة منضم شي علة بعض.. سألت بسمة مقبلت تگولي شي گالت ماكو شي انتي يتهيئلچ..'طيبة_الربيعي'

بس وحق الله چنت اشوفهة تتختل من تحچي بالفون.. ومن تجيهة رسالة تركض طياري للغرفة مالتهة.. وصارت متخلي موبيلهة برة الغرفة كلة ضامتة..

وبيوم سمعتهة تحچي بس مقطع ماسمع زين.. بس كلامهة مو وية بنية لان حسيت اكو خجل بحچيهة..

اني مشكيت بحيدر وبيهة.. بس شكيت عندهة شي ومگايلتلي واني صار عندي فضول اعرف شنو..