#النظرة_الاولى
#طيبة_الربيعي
___\البارت الرابع\___
ذو الفقار: هلو
بقت ايدي بأيدة ويا فرحتي من بقة متمسك بيهة مثل مااني متمسكة.. بس گلت كافي عيب شداسوي اني.. ياربي شسوة بية هذا الولد.. جريت ايدي مبتسمة واحسهة صارت كلهة مي من العرگ
شاهيناز: اني بنت عم حيدر جاية زيارة هنا، ذيچ المرة مصارت فرصة اسلم عليك اسفة
بعد نظرة مني ودنگ: لا خوية عادي
خوية؟ بعينك شنو هاي! طلعت خالة ام حيدر سلمت عليه وهو كذلك.. اباوعلة شلون رزن حتة بكلامة وبمشيتة
ام حيدر: لچ خالة صعدي شجاچ صفنتي
شاهيناز: اي اي خالة هياني حصعد
صعدت ورة خالتي استحيت اصعد وراه شسويت اني هسه شيگول علية الولد.. وشنو خوية اني مو اختك چان استحيت علة دمك..
عيونة ابد مأجتي علية ومركز بالطريق حتة خالة من تحچي وياه نظرة ليگدام ويحچي بصوتة الخشن الخلة گلبي يرجف رجف.. وگفني علة تك رجل هل ولد مداعرف تصرفاتي نابعة من شنو وليش..
وصلنة گبال السوگ وسلم علة خالة وباوعلي بس بسرعة وخر نظرة من باوعتلة.. ليش😭 دبقة شوية هسه منو يگول بعد راح اگدر اشوفك اني..
دخلنة للسوگ شفت حيدر معصب ويباوع لمريم الي چانت تخزرة بنظراتهة.. شبيهم ذولة الضراير..'طيبة_الربيعي'
حيدر... خابرني ابوية گلي شاهيناز گعدت ضايجة وتريد تجي هية وامك عيب من عمك يوصلهن بتكسي واني سيارتي عند عثمان.. اني ماگدر اعوف المحل بس ذو الفقار هم بالسوگ يم صاحبة ابو الذهب البالفرع الثاني
حيدر: لحظة يابة هسه اخابر ذو الفقار هو هنا
ابو حيدر: عيب بابا شنو الولد يشتغل عدنة
حيدر: مابيناتنة هيچ احنة بابا عادي، هسه اشوفة وارجع اخابرك
سديتة من ابوية واتصلت بذو الفقار
حيدر: الو
ذو الفقار: الوو
حيدر: هاا بعدك هنا
ذو الفقار: اي ليش
حيدر: الاهل يردون يجون واني ماگدر اعوف المحل يمي بيت عمي، تگدر تمر عليهم بلا زحمة
ذو الفقار: من عيني صدگ چذب
حيدر: زحمتك بس والله مشغول وسيارة ابوي يم عثمان
ذو الفقار: شجرالك يخوي انة اجيبهم بعيني، يلة راح اسدة
حيدر: ماقصرت حبيبي تسلم
سديتة وباوعت لامهة
حيدر: خالة شاهي گعدت وراح يجيبهم صاحبي هية وامي
ام شاهيناز: ياا خالة ليش ازحم الولد خليهة هسه احنة مضل شي ونرجع
حيدر: لا وين ترجعون بعد وكت خل البنات يشوفن شيردن من السوگ ترة كلهم جماعتي بس گليلهم من طرف حيدر
ام شاهيناز: حبيبي متقصر ربي يحفظك انشاءالله
حيدر: الله يسلمچ خالة'طيبة_الربيعي'
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
