النظرة الأولى

بارت 24 (الجزء الثاني)

#النظرة_الاولى2
#طيبة_الربيعي
**الجزء الثاني .. البارت الرابع والعشرون**

بعد هل بارت الأحداث راح تاخذ غير مجرى💔
>>>>>>>>>>>>>
جزء ثاني (24)

چنت احچي بحرگة دم ايديناتي وشفايفي يرجفن وية كل كلمة تطلع مني

تقرب لزم ايدي: شاهيتي علة كيفچ بوية منيلچ هذا الحچي انة شوكت مرخصچ گدام احد والخلقچ كلة چذب

دفعتة بعصبية: كااافي كااافي، كاافي تچذب علية شايفني زعطوطة وانخدع بكلامك بعد!!! گبل چنت طااايشة وغبيييية من اجيت گتلك احبك هسه لااا، كافي اذل بنفسي وادوس على كرامتي علمودك، مو حب هذا مذلةةة

ذو الفقار... الصار لا بالحسبان ولا عالخاطر.. انة لو ماحبهة وشايفهة رخيصة مازوجهة وادخلهة بيني وبين هلي.. ماعوف شغلي خارج العراق واگابلهة واگعد..'طيبة_الربيعي'

ماطلع من البيت واعزل عن هلي لخاطر مايسمعنهة نسوانة حچي.. ماوگف بوجه الوالدة لخاطرهة..

شاهيناز انسانة راقية طيبة رقيقة ترفة الوحيدة الگدرت اطلع ذو الفقار البداخل.. انة داخلي يختلف عن الگشرة الصلبة الاحتمي بيهة.. من انة يمهة اخذ راحتي بكلشي مايحتاج البس قناع القوة گبالهة لين اعرف هية شنو واعرف بيهة لو يخوني العالم اجمع هية ماتخون ولا تعوفني وحدي بالشدايد..

تعرف شلون تتعامل وياي حتة من اتعصب ماخاف ترد بوجهي لو تستعمل نفس الأسلوب الأستعملة وياهة بوكت عصبيتي.. بالنهاية انة رجال الترافة يمهة مو يمي..

انة عفت بنت الشيخ معناتهة حاربت عشيرة كاملة لخاطرهة ولهسة ابوهة مخاصمنة واهل ميساء كل ما يروح اخوي يسمعونة حچي.. بس يردهم مايسكت.. وهل فترة مايمر عليهم ولا ياخذهة لمرتة لخاطر مايتگاوم وياهم احنة ولد شيوخ بس ماندور طلايب وفصول..'طيبة_الربيعي'

ابوي رجال مسالم وكلنة طلعنة علي.. كلنة نشتغل محد بينة گاعد بالبيت مثل النسوان.. اصغرنة طالب جامعة ومفتحلة محل مال تصليح اجهزة يشتغل بي بالعطل لين مايلحگ يومية الهندسة مو سهلة..

واليحب بينة مايعوف اليحبة لو للموت.. هاي ميساء لسانهة طويل من زمان مو هسه وادري بيهة خربت امل مادري بأمل صايرة ذيلهة..

وچم مرة يوصلني حچي واسمع حچي ميساء تعيل بشاهيناز.. ماريد احچي لأخوي واكبر الموضوع اگول نسوان بيناتهن بس مرتي فاهية ومامتعلمة الوكاحة مثلهن..

بس مطمن بيداء وياهة ساكت وماحچي.. بس من شفت الوالدة ذابة الصوچ براس شاهيناز بخصوص وفاة حبوبتي حاچيتهة وتلاسنت وياهة كذا مرة..