#النظرة_الاولى2
#طيبة_الربيعي
**الجزء الثاني .. البارت الخامس والعشرون**
>>>>>>>>>>>>
جزء ثاني (25)
ابو واخوتة يحاچو وهو ولا يمهم يباوع علية وصاير نار يأشر بيدة ويصيح علية
ذو الفقار: ويااااچ جاااوبينييييي
عمي صاح عليه: ولك انة انطيتهة الحق توگف بوجهي تريد!!!
ذو الفقار: يابة انتة خلييتهة تششييييخ عليي لاا تگللهة هيچ لخاااطر الكعبةةة
كاظم: مو كلشي بالصياح ذو الفقار اكو شي اسمة تفاهم، اخذ مرتك وروحو تفاهمو بالغرفة وحدكم ماتسوة تتعاركون
ام امل: عمة عوفهة خلهة ترتاح يم اهلهة شتريد منهة باليهة بلووة يا يوم كاسرة احچايتك هية
بسمة واگفة يمي ولازمتني
بسمة: شاهيناز لخاطري اتركي الروحة هسه
شاهيناز: عمو تاخذني هسه مالي گعدة هنا بعد، شوفة حتة تفاهم ماعندة
ذو الفقار: وچ انة ماعندي تفاااهم!
ابو ذو الفقار: خلهة كافي اگلك، انة اوديهة وانة اردهة بيدي ارتاحو انتم الثنين لا تزيدون النار حطب بهاي تصرفاتكم ثنينكم كبار وواعين مو مزعطة'طيبة_الربيعي'
گعد عالقنفة يفرك بوجهة وصاير نار.. لعد النار البگلبي شنو؟ لا شيء امام غضبك..
بسمة... مسمعت كلامة اخذت بكلام عمو وراحت صعدت تحضر.. غلط الدتسوي شاهي يعني انطتهن مرادهن.. صح خانسات ثنيناتهن وميساء مو هنا بس حيوصلهة الخبر وراح تشمت بيهة..
ماگدر احچي وياهة بعد صارلي يومين احچي اريد ماكو.. حتة جيلان خابرتهة گتلهة متوصل شي لأهلي.. حتة جيلان رأيهة من رأيي تگول لتطلع خلي تعاقبة بس مو اتركة وتخليهن يفرحن بروحتهة ويشمتن بيهة..
بيداء حچت رادت هم ماكو فايدة.. حتة نهلة خطية مقصرت وحچت وية ذو الفقار علمود شاهي تروح ترتاح ذاكة همينة الله يهدي ميعرف يتفاهم هسه رج البيت بعياطة..'طيبة_الربيعي'
وهذا العندي هم گالب خلقتة هل يومين وبليل بس يأفأف..
رحت للغرفة اني همينة احضر اروح وياهة وين تاركتني وحدي هنا..
طلعت جنطتي وبديت اخلي كم غرض
دخل رزاق تفاجئ
رزاق: خير انشاءالله شعندچ
الدمعة بعيوني هاي ثاني مرة اشوف أختي بهذا الحال مداتحمل قهرهة
بسمة: اروح وية اختي غير
رزاق: شمالچ انتي هم؟ صدگ تحچين؟؟
بسمة: لعد شنو باقية هنا
رزاق: انتي صايبچ شي بدماغچ لو شنو فهميني؟ غير انة رجلچ هنا وبعدچ عروس وين رايحة
بسمة: الله يخليك خليني اروح وياهة
رزاق: ستري علينة وگعدي لا تخلينهة تروح وماترد ضلي هنا لا تحسسينهة راضية علة تصرفهة ترة كبرت الموضوع
بسمة بشبه عصبية: شنو كبرت الموضوع اخوك هانهة لأختي ورغم كل هذا اني ادافعلة گدامهة، بس هو غلطااان والغلط ماكلة من ساسة الراسة حقهة تروح ومترجع محد يلومهة بهذا القرار
رزاق: بسمة واحنة شلنة دخل بيهم؟ ترة اخوي هم مدمر مثلهة صارلة يومين ماشايف النوم بعينة، گعدي وسكتي ماكو روحة
بسمة: شنو يعني ماكو روحة تجبرني ابقة؟؟
رزاق: ماجبرچ علة شي وهل ايام تخلص معاملتچ مال جامعة لازم تجين وياي لخاطر نخلصهة لا تهدمين كلشي وتروحين
بسمة: ارجع اذا اختي رجعت قابل راح اطير'طيبة_الربيعي'
رزاق بجدية: شنو؟ اذا ردت اختچ تردين؟
بسمة: اي
رزاق بعصبية: مو العب وياچ انة تروحين وتردين بكيفچ، اشتري روحچ وانسي هذا الموضوع مامرتبطة بأختچ انتي اذا اطلعين من هذا البيت استعمل وياچ غير اسلوب والقرءان الكريم يا بسمة اذا ماجرين عدل وياي اعلمچ الله حق
أنت تقرأ
النظرة الأولى
Roman d'amourحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
