#النظرة_الاولى
#طيبة_الربيعي
___\البارت الرابع عشر\___
بارت لعيون السهرانين.. اسفة عالتقصير داحاول اعوضكم
قرائة ممتعة🔥🔥🔥
________________________
رحنة اني وماما وخواتي نشتري فساتين للحنة وللعرس.. من رجعت من السوگ لگيت ذو الفقار دازلي رسالتين
"شوكت اطلعون باچر؟"
"وينچ؟"
وثنينهن من العصر واحنة رجعنة وية المغرب لان افترينة هواية واني بالگوة لگيت شي يعجبني.. نزعت وبدلت بملابس البيت وگعدت
دزيتلة
"اسفة چنت برة من الظهر طالعة اشتري لعرس عمو، انتة معزوم اكيد مو؟"
رد بسرعة
"ليش هيچ متأخرة يعني نقالچ مو وياچ؟"
"بلي وياية بس خالتة بالجنطة واخاف اطلعة گدامهم ليشكون"
"وليش ماگتيلي طالعة"
استغربت.. يعني مچنت اعرف هو يهتم اذا گتلة او لا.. ابتسمت
"عادي مو دائما اطلع متحچي شعجب اهتميت هسه"
اتصل علية.. بلحظتهة صرت ارجف من الخوف والتوتر.. صارلنة فترة ابد منحچي صوت بس رسائل وحچي عادي.. صح اني حاچية وياه قبل بس هسه علاقتنة تختلف.. انقطع وقطع حبل افكاري وياه
دز "ليش ماجاوبين"'طيبة_الربيعي'
خابرتة.. وية كل رنة ادعي ميشيلة بس شالة
ذو الفقار: الو
شاهيناز: الو، ها ملحگت اجاوب
ذو الفقار: ليش ماگتيلي رايحة
شاهيناز: مو انتة مسألت ممتعودة
ذو الفقار: لا تعودي، ترة ماتعجبني الفرفرة انة من اطلعين اطلعين علة شي يستاهل
شاهيناز باستغراب: شبيك عصبي
ذو الفقار: مو عصبي يتهيئلچ
شاهيناز: ماشي اسفة مرة ثانية اخبرك
ذو الفقار: زين
حبيت اغير الموضوع: مگتلي تجي لا
ذو الفقار: انشاءالله اذا الله سهل
ابتسمت: زين
ذو الفقار: والعرس شنو مختلط لا
شاهيناز: ماعتقد لان خالتي محجبة وتريد تاخذ راحتهة
ذو الفقار: ها يعني من طرف امچ محجبات
شاهيناز: اي بس طرف بابا مو كلهم
ذو الفقار: وانتي ليش ماتلبسين الحجاب
شاهيناز: ماعرف
ذو الفقار: الله كريم، وهسه شراح تسوين
شاهيناز: والله فكرت ارتب جنطتي لان بوكرا نطلع الصبح
ذو الفقار: بوكرا شني هاي
شاهيناز: هههههههه
شگد حلو من يگولهة عبالك معاجبتة الكلمة لو غريبة عليه
شاهيناز: شبيك يعني باچر
ذو الفقار: چا ماتگولين باچر ليش بوكرا
ضحكت: مرات تطفر عندي كلمات لان متابعة مسلسلات سورية
ذو الفقار: هاا من هاي، بوكرا منين طلعتيلنة بيهة بوية
شاهيناز: ههههههه بوية شبيك
ذو الفقار: ههه تقلديني حضرتچ'طيبة_الربيعي'
شاهيناز: اي تعجبني الكلمة
ذو الفقار: هااا
شاهيناز: اييي، انتة وين شدتسوي يمك صوت
ذو الفقار: جهال اخوي اقتحمو الغرفة خل اطردهم وارد اخابرچ
ضحكت: ماشي انتظرك
أنت تقرأ
النظرة الأولى
عاطفيةحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
