#النظرة_الاولى
#طيبة_الربيعي
___\البارت الحادي والعشرون🔥🔥\___
ماعرف اذا يصير نگعد وحدنة واستحيت اسأل فعفت الموضوع.. محضرين غدة بابا عزمة عالغدة فأمي سوت الاكل الگتلهة يحبة برياني يموت عليه ويحب السمچ الشوي وبعد سوينة تمن احمر لان سمچ بدون تمن احمر مابي طعم.. ودجاج وكلشي الميز مال مطبخ انترس اكل..
ام شاهيناز: لبسي شي مستور وحلو
شاهيناز: ممم يعني شألبس
ام شاهيناز: شوفي ملابسچ عندچ خير من الله، افضل لو تلبسين ثوب
شاهيناز: ماشي هسه اشوف
رحت الغرفتي فتحت الكنتور وبقيت ابحث واگلب.. حرت بين ثوبين واحد اردان وردي فااتح عبالك بصلي وبي خرطة من الخصر ومشجر سمائي فاتح وجوزي.. واللاخ ارداناتة اطول من النص يعني يغطن عكسي وفضفاضة ويجي عالجسم مخصر مورد بورود ازبرية وبي اوراق شجر خضرة..'طيبة_الربيعي'
رحت لمريم للغرفة لگيتهة تبچي.. وگع گلب رحت گعدت يمهة
شاهيناز بخوف: هاي شكو شصاير
مسحت دموعهة: ماكو شي هيچ ضايجة
جريت نفس: حيدر مو
هزت براسهة اي ورجعت بچت.. حضنتهة ومسدت علة شعرهة
شاهيناز: الله كريم بس يهدأ ووضعة يصير تمام يتصل بيچ لتخافين
بعدت من حضني ومسحت دموعهة الي تجري مثل الشلال
مريم: ماعتقد
فتحت فونهة وانطتنياه
مريم: هاچ شوفي شگد خابرتة وشگد توسلت بي وميجاوب
شفت الرسائل كووووومة مينعدن قليل اذا اگول اكثر من ميتين.. كلهن شايفهن بالڤايبر وعالواتساب بس مراد عليهة.. حتة مسجات عالرصيد دازة وماكو.. كلش انقهرت.. باوعتلهة تشهگ وشفتهة ترجف'طيبة_الربيعي'
شاهيناز: خلي شغلتي تمرئ علة خير ونشوفلكم حل، هو مخاصمني اني هيمنة بلكت جيلان تگدر تحچي وياه
مريم: تعبت شاهيناز مشتاقتلة اعرف غلطت بس تندمت لان موثقت بي، عبالك انعميت ونسيت كل كلمة حلوة گالهة الية
شاهيناز: تسرعتي انتي مريم تحملي نتيجة غلطتچ، بس حيدر گلبة طيب لابد يجي يوم ويحن ويجيچ، لتتختلين وتبچين ليحسون
مريم: شسوي مقهورة الليل مانامة اخاف خسرتة للأبد
شاهيناز: ششش ابد لتگولين هيچ حيدر يحبچ بس ينرادلة وقت ينسة وانتي لازم تنطي مهلة خلي يرتاح يفكر عدل وعود لكل حادثٍ حديث، هسه اني اجيتچ علمود اخذ رأيچ
مريم: بشنو
گمت شوفتهة اول ثوب وانوب الثاني
شاهيناز: ياهوة احلة هذا لو هذا
مريم: ممممم ثنينهن حلوات يعني من يجي ذو الفقار
ابتسمت: اي
ابتسمت: والله ثنينهن حلوات بس اشوف هذا المورد احلة
شاهيناز: اي اني هم گلت هيچ
مريم: وشعرچ شلون حتسوي
شاهيناز: ماعرف فكرت ضفيرة هندية بس عريضة
مريم: اني اعرف اسويهة اسويلچ؟؟
شاهيناز: علواه يلة علمود ابدل
گامت: واخلي خصلة خفيييفة نازلة صفح علمود يطلع احلة
ابتسمت: اوكي
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
