#النظرة_الاولى2
#طيبة_الربيعي
**الجزء الثاني .. البارت الثامن💔**
<<<<<<<<<<<<<<<
جزء ثاني (8)
شاهيناز: اني اروح وياك لأي مكان تريد، بس ليش؟ مو هنا بيتنة؟
ذو الفقار: والشغل اعوفة؟ شلون اعوفچ وحدچ بالبيت واروح
شاهيناز: بيت عمو وبيت بيبي موجودين مراح ابقة وحدي
ذو الفقار: وانة يومية اعيد واسقل بالموضوع، انسي تباتين عند احد انة بطلاع الروح خليتچ البارحة گلت خل ترتاح انة ضغطت عليهة هواي
شاهيناز: تمام مو الة ابات، بيبي لو اي احد يجي يمي
ذو الفقار: وتضل المرة يومية تجيچ ماعدهة شغلة وعملة
شاهيناز: بكيفك، والمحل؟ اكيد متغير رأيك
ذو الفقار: شاهيناز الة تشتغلين يعني
استغربت: شلون لعد، يعني متخليني اشتغل؟
ذو الفقار: هناك مايصير، لو هنا ميخالف حتة المحل جاي يسوونة شوية ويخلص، بس موت حبوبتي غير كلشي
گمت گعدت يمة: شنو يعني ذو الفقار انتة وعدتني واني صارلي كومة گاعدة بالبيت ومنتظرة
ذو الفقار: وانة ماخلفت بوعدي بس الظروف تغيرت، لو اليمنة مو همج اخليچ تشتغلين انة مو ضد المرة تشتغل، وگتلچ انة هنا بيهة مجال بس هناك صعب
شاهيناز: واحنة شعلينة بالناس همة يشتغلون لو اني
ذو الفقار: افتهميني شاهيناز، ماگدر اخليچ تشتغلين هناك والرايح والجاي فاك حلگة عليچ، شنو مگرن واعوف مرتي تشتغل بين الزلم
شاهيناز: ليش تفكر هيچ
ذو الفقار: مافكر هيچ هذا مجتمعنة، اذا ماتريدين نبقة هنا بس ماگدر اشتغل اضل مگابلچ وگاعد'طيبة_الربيعي'
شاهيناز: انطيتك حلين بس متقبل بيهن شسوي بعد
ذو الفقار: لچ بابا انتي لاتخبليني، اي شاب ماريدة يحتك بيچ حتة لو من لحمچ ودمچ، انتي الية وبس شوكت تفتهمين گليلي
شاهيناز: ماعرف شلون تفكر
عگد حواجبة: ماعاجبچ تفكيري؟ تريدين واحد شادلة گرون ويسويچ فرجة للزلم؟؟
شاهيناز: مو هيچ مو هذا قصدي، خليني افكر ذو الفقار
ذو الفقار: فكري براحتچ
متركني اليوم كلة.. اعرفة يحبني.. واني احبة ومستحيل ارفضلة طلب.. رغم اني احب شغلي واتمنة ارجع اشتغل وية عمو بالمتحف بس اني اختاريت ذو الفقار.. واليريد شي يعوف شي..
ماما تگول اليريد الحلو يصبر علة مرة.. اني اريدة واصبر وياه شسوي.. هو هم حقة يريدني بس الة بس مو هيچ..
اليوم الوراه وداني لبيت بيبي وراد يروح مخلو چلبو بي.. بيبيتي تموت عليه تگول چنة جدچ الله يرحمة حتة الشخصية عبالك هو.. حطت عينهة علة رجلي بيبي ههههه..'طيبة_الربيعي'
رجعنة للبيت بليل.. الصبح مراح للشغل علمود ميعوفني وحدي.. چان اليوم حلو لان خلصنا سوية.. لا هوة يريد يتركني ولا اني..
المغرب صلينة وهو گعد بالاستقبال يصلح الحاسبة مال صديقة جابهة الة.. هو يعرف يصلح الكترونيات خبرة بهل شي متعلم من كاظم اخو الچبير..
أنت تقرأ
النظرة الأولى
Romanceحب يولد بين فتاة ذات اصلٌ كردي وشاب من عرقٌ عربي عراقي. هي من وادٍ وهو من واد والطريق كما هو طويل يكون متعب وشاق. فما هي نهايته إن كانت الأفكار في المجتمع العربي ترفض مبادرة الفتاة وتؤيد المساواة والعدل ما بين المراة والرجل في الوقت ذاته؟ شاهيناز أن...
