Popo's Kiss (Published under PHR)

Part 23

"I'M SORRY," hinging-paumanhin ni Migo sa ginawa nito kay Karly. Naroon sila sa playground na nasa loob ng subdivision. Nakaupo sila sa swing sa isang bahagi ng palaruan. "I know hindi ko dapat ginawa iyon sa'yo. I was really a jerk for doing that to you. I really am—"

"It's okay. Naiintindihan ko. 'Wag mo nang—"

"I saw her,"

Napalingon siya rito. "Her?"

"A woman in my past. Akala ko hindi ko na siya makikita pang muli. But then I saw her at the party." Malungkot na ngumiti ito. "Alam kong nakita niya rin ako. Pero nagmamadali siyang lumayo. And when she started to walk away, para akong sinipa sa dibdib. Minsan ko na siyang pinakawalan noon and I realized I just can't let that same thing happen again. I just can't..."

Siya naman ang malungkot na napangiti. Pareho pala sila ni Migo. Ang pagkakataon nga naman.

"Naisip ko rin na hindi talaga siguro tayo ang dapat magkatuluyan. Because I still have feelings for that woman and you have feelings for that Popo guy," anito saka bumaling sa kanya na may mapanudyong ngiti sa mga labi. Mukhang nasaksihan nito ang ginawa niya kanina. Nakakahiya! Parang may ideya na siya kung sino ang nagsabi rito tungkol kay 'Popo'.

Si Rica...na marahil ay tuwang-tuwa sa sinapit ko.

"Do you love him?"

"Y-yes..." nahihiyang pag-amin niya. She didn't know why, but she find it awkward telling him that she loved another man after what happened at the party.

Tumango-tango ito. "That's good. Kahit masakit ang panga ko ngayon dahil sa suntok niya, naniniwala akong mabuting tao si Stephen."

Natigilan siya. "You know him? Are...are you a fan?" nagtatakang tanong niya na ikinatawa nang malakas ni Migo.

"Actually, no. Hindi ko alam na nagkaroon pala siya ng banda at sumikat iyon. Nalaman ko lang iyon nang makauwi na ako galing States six months ago dahil sa mga kwento ng pinsan niyang si Muffin."

"Kilala mo rin si Muffin? Paano?"

"Bata pa lang kami magkakakilala na kami. Our families were so close to each other. Magkatabi lang ang mga bahay namin kung saan kami lumaki. We even went to the same elementary school. But in different high schools. Hindi lang kami naging close because we had a different circle of friends back then. But our dads were the best of friends. You know Juan Stefano Altemiraño of Altemiraño Empire? He's Stephen's dad."

Juan Stefano Altemiraño. Altemiraño Empire. Stephen's dad...

Pakiramdam niya ay nawalan siya ng lakas sa mga nalaman niya. Paano nangyari iyon? Si Stephen pala ay anak ng isa sa mga tinitingalang tao sa mundo ng pagnenegosyo. Ang akala niyang isang simpleng lalaki na sumikat dahil sa banda nito, mayroong isang simpleng pamilya, may isang simpleng tirahan ngunit kinailangang makitira sa kanya, ay hindi pala isang simpleng tao lang. Bakit hindi man lang niya nalaman iyon?

Matagal din silang tumira sa iisang bubong ngunit ni minsan ay hindi nito nabanggit ang tungkol doon. Ang akala niya ay malapit na sila sa isa't isa pero ni hindi nito maibahagi sa kanya ang ibang parte ng pagkatao nito. Ang akala niya...

Puro ka kasi akala! Hindi niya sinabi sa'yo, ibig sabihin hindi ka importante sa kanya. Sino ka ba? Ikaw lang naman ang babaeng nagpatira sa kanya sa bahay mo. Nagkaroon lang ng spice ang pagtira niya sa bahay mo dahil ginawa mo siyang pet mo. Huwag ka nang umasa na may nararamdaman din siya para sa'yo. Kasi kung mayroon talaga, sana sinabi na niya noon pa. Kaya huwag kang tanga...

Natawa siya nang pagak. Yeah, ang tanga ko, hanggang sa ang pagtawa niya ay nauwi na rin sa pag-iyak. Nag-aalalang nilapitan siya ni Migo saka niyakap. "H-hey..."

Masakit pala talaga kapag na-realize mong nagmukha kang tanga. She thought she was in love with Stephen...Cruz? Altemiraño?

Lalo siyang napaiyak sa masakit na katotohanan: hindi pala niya kilala ang taong minahal niya.