Scenarios Of Us

pang anim lang?

Una..

Unang beses Kang Nakita

Sa hagdan, akoy pababa

Nasilayan ang iyong ganda

Gandang kaiba sa iba

Napako ang mga paa

Natulala, napanganga

Sa isang banda

Naisip na baka ikaw na..

Pangalawa..

Nagdalawang isip bigla

Parang kahibangan ito

Ni hindi pa nga sigurado

Sa sarili nangangamba

Paghanga lang ba

O pag ibig na nga

Pangatlo..

Pangatlong hakbang

Mula saiyong anino

Sa gitna ng ating pasilyo

Nadako ang tingin

Sa buhok mong itim

Malayang hinahangin

Muling napatanong

Ito bay paghanga

O simula ng pagpapakatanga

Pang apat..

Pang apat na mesa

Mula sa bintana

Dito sa kantina

Tanawa na tanaw kita

Di lang nagpapahalata

Oo nga pala..

Ngalan koy sa B nagmumula

Ikaw kaya?

Pang lima..

Panglimang beses na

Ng pagsulyap saiyo

Buti may dalang libro

Para paraan din to

Syempre nakakahiya

Para kong stalker mo

Ano bang meron sayo?

Sa baitang na ika walo

Nakuha mong atensyon ko..

Pang anim..

Anim na buwan na

Ng huli kang makita

Di na alintana

Di ka na naiisip

Pagkat di ka na nahahagip