လေပြေခေါ်တဲ့ မိုးရေစက်[completed]

Ep (2)

ရေချိုးခန်းထဲက ရေသံကြားနေရသည်။ Sehunနိုးနေပြီ ထင်တယ် ။ အဲ့ကလေးက မနက်နိုးတာနဲ့ ဆောင်းတွင်းဖြစ်ဖြစ် နွေပဲဖြစ်ဖြစ် ရေအရင်ချိုးတတ်တဲ့ အကျင့်လေးရှိတယ်လေ ။ သူက မသိမသာနဲ့ အတော်လေး အသန့်ကြိုက်တတ်တဲ့ကောင်လေး...

"Suho Hyung ထတော့လေ ကျွန်တော်တောင်ရေချိုးပြီးပြီ ထတော့...''

"Omm.... ခဏပဲ ခဏပဲထပ်မှေးချင်သေးလို့''

"အောဟောလ်... ဒီကလေးက စကားနားမထောင်ဘူးပဲ ''

"လူကြီးကိုများ ဘာကလေးလဲ?''

ပြောပြောဆိုဆိုနဲ့ sehunလက်ကိုဆွဲချကာ သူ့ရင်ခွင်ထဲ ကျွန်တော်ဝင်ခိုနေလိုက်သည်။ လက်ကလည်း sehunခါးကိုဖက်ထားပြီး ခွပါခွထားလိုက်သေးသည်။ ဟင့် ဒီကလေးကိုဒီလိုအပြစ်ပေးရမယ် ။

"ဟာဗျာ Hyung! ညစ်ပတ်တယ် ရေလည်းမချိုး မျက်နှာလည်းမသစ်ရသေးဘဲနဲ့ နံတယ် နံတယ်''

"Imm နံရင် ပိုတောင် ကပ်ထားရမယ်''

"တော်ပါ တော်ပါ ညစ်ပတ်အိုးကြီး အော့....''

အန်ချင်တဲ့ပုံလေးကိုလုပ်ပြနေတယ်ထင်ပါ့ ။ သူ့ရင်ခွင်ထဲကနေ ကျွန်တော်ပုံဖော်လ့ိုရနေသည်။

"Hun ya... ခဏလေးပါ ဒီတိုင်းခဏလေး.. နော်?''

Sehun ငြိမ်ကျသွားသည်။ hyungလည်းပင်ပန်းနေမှာ သူနားလည်သည်။ ခုတလောအခွေသစ်ထွက်တာနဲ့ အကုန်လုံးပင်ပန်းနေကြတာ မှန်ပေမဲ့ hyungက ပိုဒဏ်ခံရတယ်မဟုတ်လား... အင်းပါ သူနားပါစေ ဒီလိုလေးနေရတာ သူအဆင်ပြေတယ်ဆိုရင်ပေါ့ ။

3min.... 4min....5min

ကျွန်တော် ခုနောက်ပိုင်း Sehunကိုတွယ်တာလွန်းနေသည်ကို သတိထားမိနေသည်။ traineeကာလအပြင် debutခဲ့တာ ၅နှစ်တာကာလအကျော်တောင် ရောက်လာပြီမို့ သံယောဇဉ်တွေကပိုခိုင်မာလာတာလား ပိုရင်းနှီးချင်လာတာလားမသိပေမဲ့ တခါတလေ ရင်တွေတုန်နေတတ်တာကြီးကတော့ အဆင်မပြေဘူးရယ် ။ အခုလို သူ့ကိုယ်သင်းနံ့ရတဲ့အခါမျိုး.... Blueberryအနံ့ပြေပြေလေး....
ကျွန်တော် ဒီအနေအထားကနေ ခွာတော့မှဖြစ်တော့မည်။ ဒီနေ့ scheduleတွေကအပြည့်မလား တော်နေကြာ ဟိုအရင်တုန်းကလို တနေကုန်ရင်တွေတုန်ပြီး စင်ပေါ်မှာကကွက်တွေမှားကုန်မှဖြင့် ဝါရင့် traineeသမားကြီး ကိုယ်ကျိုးနည်းကချည်ရဲ့ ။