လေပြေခေါ်တဲ့ မိုးရေစက်[completed]

Ep (9)

လေနီကြမ်းနဲ့ မိုးသက်လေတွေ နှောင်ဖွဲ့ရစ်သိုင်းထားတဲ့ ဝမ်းနည်းစရာဒီလိုနေ့မှာ companyကစီစဉ်ထားတဲ့အတိုင်း promotionပွဲလေးလုပ်ဖြစ်ခဲ့သည် ။ ပွဲမရောက်ခင် ၁ပတ်အတောအတွင်း Aerisတွေရှေ့မှာအနေအထိုင် မပျက်အောင် Suhoအများကြီးကြိုးစားပြင်ဆင်ခဲ့ရသည် ။ မဟုတ်ရင် Sehunကိုမြင်ရုံနဲ့ ရင်ဘတ်အတွင်းနက်နက်တစ်နေရာကနေ စို့နစ်လာတတ်လို့ပါ ။

" Sehun အခုနေပဲဖြစ်ဖြစ် စင်အောက်မှာပဲနေခဲ့ပါလားကွာ မင်းကိုကြည့်ရတာအားမရှိဘူး ငါ သူဌေးကိုကြည့်ပြောပေးပါ့မယ် ''

" ရတယ် Suho hyung ကျွန်တော့်ကြောင့် ကျန်တဲ့လူတွေကိုအခက်မတွေ့စေချင်ဘူး ''

Suho ထပ်စကားနိုင်မလုချင်တော့ ။ ပြောလည်းရမှာမဟုတ်လို့သာ လွှတ်ထားရတာ Sehunမျက်နှာကအရမ်းငြိုးငယ်နေတာ ပြိုတော့မဲ့မိုးလိုပဲ ။ စင်ပေါ်မှာ performanceလုပ်တော့လည်း Sehunကိုသာ တစ်ဖွဲ့လုံးကအရိပ်တကြည့်ကြည့်နဲ့ စိတ်ပူနေရပြန်သည် ။ မိုးထဲလေထဲလာအားပေးရသည့် fanတွေအပေါ် တာဝန်ကျေရမယ်ဆိုသော အငယ်လေး ။ လတ်တလော အခြေအနေကိုအကဲခတ်တော်သည့် Aeris ။ အဲ့၂ဖက်ကြား balanceညီအောင် ပွဲထိန်းနေရသည့် ကျန်8ယောက် ။

" အခုလို မုန်တိုင်းကြားကနေ လာအားပေးတာ တကယ် တကယ် ကျေးဇူးပါကလေးတို့ ''

"Nae...!!! "

" ထီး ဒါမှမဟုတ် မိုးကာရော ပါကြရဲ့လား မိုးမိလို့တော့မဖြစ်ဘူးနော်ကလေးတို့ ကျန်းမာရေးကိုဂရုစိုက်ရမယ် ဟုတ်ပြီလား?!! "

"ဟုတ်ကဲ့ပါ!!! "

" Oppaတို့ နောက်လဆို concertရှိတာသိပြီးကြပြီလို့ထင်ပါတယ် အဲ့တော့.. လာအားပေးကြမှာမလား ? ''

" လာမှာပါ... ''

" စောင့်နေပါ့မယ်ဗျာ ''

" ကဲ နောက်ဆုံးတစ်ပုဒ်အနေနဲ့ Promise '

စင်ပတ်လည်မှာခြံရံထားတဲ့ စပီကာကနေတဆင့် မရဲတရဲထွက်လာတဲ့ တယောသံဆွေးဆွေးကြီးကို စကြားလိုက်တာနဲ့တင် ပွဲတလျှောက်လုံးမနည်းကြိုးစားထိန်းခဲ့ရတဲ့ မျက်ရည်တွေကမျက်ဝန်းထဲကနေ အလုအယက် ပြေးထွက်လာမတတ်ပါလား...။ ကလေးတွေစိတ်ပူမှာစိုးလို့ ထိန်းချုပ်နေခဲ့ပေမဲ့ ဒီသီချင်းကအရမ်းနာကျင်ဖို့ကောင်းနေတယ် Hyung ။ ( Promiseသီချင်းလေး နားထောင်ရင်း ဆက်ဖတ်ပေးပါလို့ အကြံပြုချင်ပါတယ်)