لن انهار

الفصل السابع عشر :- ( عقاب )

   وقد يجمعُ الله كسير قلب بكسر مثلهُ فتلئما و يكتملا   _جلال الدين الرومي _

كانت سلوى تطبخ وهى شاردة الذهن بما حدث اليوم بالشركة وكيف ستكون ردة فعل فهمى لما حدث. .. فهى تعلم أنها قد جرحته بالماضي وهو أيضا لن يترك فرصة حتى يعوض ألم قلبه منها...

عندما دخل عمرو ووجدها على تلك الحالة سألها :-
_ مالك يا سلوى؟ !

فزعت سلوى من صوته واردفت قائلة:-
_ ولا حاجة كنت سرحانة شويه. ..  غير هدومك والعشا هيكون جاهز. ...

_ طيب. .. وخرج من المطبخ

_ يارب استرها انا مش حمل مشاكل اكتر من كدا. .... قالت سلوى بتوسل

                        ****

صباحاً.......
استيقظ فارس على صوت فريدة وهى تكلم نفسها. ......

_ ازاى يعنى يكون بيحب حنين ومش يقولى .... والله بس لما اشوفك وضربت الأرض بقدمها بقوة. ...

ضحك فارس قائلاً:-
_ بتكلمى نفسك؟!

نظرت إليه بغضب قائلة :-
_ لا. .. بكلم البيبى. ...

_ والله البيبي تعب منك. .. وبعدين انتى بتاكلى شيبسى ليه. ..

اردفت فريدة :-
_ البيبي عايز يأكل شيبسى ......

نظر اليها بغضب وأردف قائلاً:-
_ انتى زعلانة من محمد ليه بقا. ..

اندفعت به قائلة بغضب :-
_ كلب البحر مش قالى انو هو بيحب حنين. ...

_ ويقولك ليه؟!

_ ازاى يعنى مش يقولى هو انا مش أخته. ..

_ أخته وكل حاجة بس هما الاتنين بيحبوا بعض انتى مالك؟! ما انا كمان أخو حنين ومش قالتلى حاجة؟!

_  محمد غير. .. محمد بيحكلى على كل حاجة .... وعشان كدا بقا انا عمرى ما هكلموا. ..

_ طيب. ... طيب  ..

_ بس تعرف حاجة حنين بجد كويسة وتستاهل محمد يلا ربنا يهانى سعيد بسعيدة. ..

رفع فارس حاجبة بتهكم قائلا:-
_ سبحان الله. ...

_ فى ايه؟ !

_ فريدة ممكن أسألك سؤال؟

_ قول. ..

_ احنا ايه؟!

_ مش فهمة ....

_ قصدي انا وانتى ايه علاقتنا. ..

تركت فريدة ما بيدها واردفت بجمود:-
_ بص يا فارس مش عشان انا بتكلم معاك عادى. .. يبقا انا نسيت اللى انتَ عملتوا فيا. .. لو انتَ بتفكر كدا فأحب اقولك انك غلطان. ... لأنى عمرى ما هسامحك على اللى انتَ عملتوا وخليك فاكر انك فى يوم قولتلى انتِ وابنك هتكونوا خادمين عندى. ... فلو انا بحاول أتعامل طبيعى دا بس عشان ابنى. .. واشك اصلا انك هتكمل بهدلة فيا بعد الولادة. ..