لن انهار

الفصل السادس والعشرون. .

مكتب فهمى  ....

صرخ مراد به بشدة قائلاً :-
_ لا انتَ زودتها اووى يعنى انا استحملت انى اكدب على صديق عمري وانى العب بمشاعر بنت طيبة واكيد دلوقتى بتلوم نفسها. .. وعايزنى فوق كل دا اقتل. .. ..

رد عليه فهمى بلا اهتمام قائلاً:-
_ والله كلو بحسابه ومحدش ضربك على ايدك. .

_ فعلا محدش ضربنى على ايدى بس انا كنت مضطر اعمل كدا. .. وانت استغليت حاجتى للفلوس ...

_ خليك فاكر ان انت اللى قبلت بكدا. ..

_ وانا هصلح اللى عملتوا

_ قصدك ايه؟ !

_ والله يا فهمى بيه دى حاجة ترجعلى انا وانت صفر على الشمال فيها. ... وياريت مش اشوفك فى حياتى تانى..
وخليك فاكر أن رهف دى خط أحمر ..

_ لا راجل وفاكر أنها ممكن تحبك بعد ما تعرف انك كنت بتشتغلها؟ !

_ يمكن فعلا مش تحبنى بس انا متأكد انى حبى ليها أكبر من اى كذب. .. مع السلامه يا فهمى. .. بيه. ..

خرج مراد من الغرفة وهو يلعن تلك الساعة التى عرفه بها...

                         ****

كان فارس يعانى من دوار شديد. . حاول كبح انفعلاته ولكن الحرارة أصبحت تسرى بعروقه. ... فطلب من العامل ان يحضر له قهوة. ...

سمع فارس صوت طرقات على الباب فأردف قائلاً:-
_ ادخل. ..

دلف رجل بالخميسن من عمره قائلا:-
_ اتفضل يا بشمهندش فارس. ..

_ شكرا يا عم سيد حط القهوة واتفضل..

فعل ما قاله له وخرج من المكتب بهدوء ... أخرج من جيبه هاتفه الصغير  متصلا ًبأحدهم قائلا:-
_ كل حاجة تمام يا بيه. .. حطيت الدوا فى القهوة بتاعته. ...

أردف فهمى بابتسامة خبيثة قائلا:-
_ اى حاجة يطلبها حتى تحط فيها الدوا. .. فاهم. ..

_ أمرك يا بيه. ..
 
                      ****

دلفت حنين الى غرفة رهف قائلة :-
_ يلا يا رهف هنتأخر. .. اكيد هو هيمشى من الجامعة الساعة بقت 2:30

_ خلصت أهو. ...

...............

كانت رهف تجول بنظرها فى بهو الجامعة وهى تقول:-
_ بص يا حنين انتى روحى المدرجات واسألى عليه وانا هروح مكتبه. ..

_ تمام. ..

اتجهت رهف بسرعة نحو غرفة مراد وهى تدعى بداخلها أن تجده هناك. .. ولكن كان حظها أسوء مما تتوقع فلقد وجدت المكتب فارغ تمامًا. ..

أخرجت هاتفها لتتصل بحنين قائلة :-
_ الو حنين. .. المكتب فاضى خالص. .

_ أهدى يا رهف هنلقيه أن شاء الله. .. انا لسه بدور فى المدرجات ولو لقيته هرن عليكى استنينى انتى فى الجنينة..