انقذتني روح

البارت الرابع

انقذتني رووح
البارت الرابع #انين الليل #
من رجعنا من الدفنه انا وامي وعمتي لكينه بيتنا مليان نسوان خالاتي والجوارين وعيال عماتي شكد ناس اجت
ام مصطفى هي وبناتها لزمن المطبخ وجانت تبجي  وتكول: ابو كربم خويه رحت من فكري وفكر جهالي
ام مسلم ام السمج  بالوسطه تلطم مكابله امي وعمتي وهي تكول
هذا اخوي وحزام ظهري
اما عمتي فتلطم وتصيح
احاا ياخوي يبن امي
لعيبي وطاح من صمي
وبعدين تلطم وهي تبجي وتكول
ثاري الاخو ياناس ماضي صوابه
انا بدون شعور بالوسطه والطم على ابوي مكابله عمتي وامي وعمه كل ساع وكالت
ياحاتم ياخويه فراكك كتلني
الموقف جان كلش صعب وانا بعدني ما مستوعبه حتى من يخلون الغدا ما اكل امي تگل العمتي
ام عصام روحي الهدى خليها تاكل
من تجيني عمه اگللها—ما اكل اتاني ابوي هسه يجي ونتغدا سووا
عمتي تبقى تبچي وتگلي
الراح ما يرجع بعد لو مو نگطع الاكل ونتاني
وصارت تبچي وابچي وياها وهي تگلي
اكلي عمه الخاطر امج من تشوفج تاكلين تاكل
شكد نسوان اجن احنه ما نعرفهن بسءابوي الله يرحمه جان يقدم الهن مساعده ارامل و حالاتهم ضغيفه
احنا خلصناها بجي ولطم بنفس الليله الساعه هدعش بالليل تهاني حست بألم ولاده أخذها كريم وراحت عمتي
وياها للمستشفى الصبح رجعت عمتي هي وكريم وكالت عمتي //تهاني جابت ولد وراح تبقى
يم اهلها على ما تخلص الفاتحة

ومرت تلث ايام الفاتحه امي مسكت عده وانوب صارت السابعه وسوينه ختمه للرجال والنساء ومثوبه كبيره لروح
والدي ابو عصام خلص الثالث واجه اخو الشيخ اولد عمه واولاد اخو واجت مرت اخو ومرت ابن عمه وكل من
راح  ابو عصام اجه العمتي وكللها
رووح اخوي ابو غسان  يريد يسلم عليج
هي لبست عبايتها او وكفت اباب الصاله انا بوكتها  طلعت من باب غرفة امي شايله ابن مريم اريد اودي الامه للمطبخ
شفت زلم واكفين ويه عمتي انا راسا رديت للغرفه
واسمع الرجال يكلها /:ام عصام ابو كريم ما يتعوض بس انا اخوج
وحزام ظهرج وعد عيناج انا او ولدي بالتطلبينه
عمتي /:عساك سالم وغانم خويه ما قصرت طال عمرك ويخلي الولد
واحد من الواگفين //انتي مو بس مرت عمنا انتي امنا الي ربيتينا
الاخر //شدي حيلج عمه كلنه على هالطريق
وصارت عمتي تبچي وهمه ودعوها وراحوا
وبقت عمتي ورة ما خلصنه السابعه تقريبا الكل راحو بيوتهم بقت بس عمتي روح  من كفت الناس بقيت
انا ومريم نعزل بالبيت وامي وعمه  يستقبلن النسوان الي تجي ورة الفاتحه وامي كالت العمتي
رووح خيه اخذي البنات باجر وروحي على تهاني
عمتي كالتلها /:لا ما نروح هسه شنو نروح نبارك رايح النه طير دجاج
امي /:مي خالف ام عصام الخاطر كريم
عمه //شبيج حياة احنه الحزينات لاانروح ولانرجع عود مريم من يجي رجلها تمر عليها مناك

بالليل جنا كاعدين عمتي سئلت كريم

عمه روح //يمه يمته تجيب مرتك للبيت
كريم//عمه من اروح الدوام وارجع أمر بيها و اجيبها فد أسبوع
عمه /:اكلك انت سميت ابنك حاتم على اسم ابوك مو،،،
كريم بتردد //عمه هي تهاني رادت تسمي بس انا بالشغل كله يسموني ابو ايهاب
،عمه /:ها يعني سميته إيهاب بيها الخير (حچتها باستهزاء )،،عود ،عدنان من يتزوج يسمي حاتم اذا مرته قبلت
مااريد اسم اخوي يضيع من البيت
امي صارت تبچي وتگلها //رووح محد يعوض الراح لو ميه
طبعا الكل ما مصدك انو هو الي سما إيهاب بس احنه نعرف ماكو أحد يعوض ال مات لو منو يكون