انقذتني روح

البارت السادس

💛انقذتني روح 💛انين الليل #
البارت السادس
/////////////////////////
هدى
حجي رزاق هو جيرانه من زمان وصديق ابوي الله يرحمه وچنت من انا زغيرة اروح ويه ابوي هو مسوي دجه
ابابهم ابوي من يجي من الشغل بالليل يسير علي ويبقون يسولفون وانا العب ويه بناته بس من خلصت صف
السادس الابتدائي انا تلقائيا ما صرت اطلع الاي مكان ولا اروح البيت أحد إلا يأخذني
ابوي او اخواني او امي يشترولي حاجياتي 
من اتوفه ابوي اجه الحجي هو وزوجته وبناته اولده وطلب يشوفني
بحضور إخوتي
ورحت وسلمت علي هو بس شافني صار يبجي بصوت مسموع على والدي وباوعلي وكلي

،،،،،،ابنيتي هدى اريدج تعتبريني مثل الوالد لان هو اخوي الي ما جابته امي كضينه عمرنا سووه بس
هو سبقني وراح الرحمة اللهالبركه باخوانج وانا هم موجود والي يثكل عليهم يخف عليه بإذن الله
ومثل ما كريم وعدنان اخوانج ولدي تلاثتهم اخوانج وحزام ظهرج
انا من سمعت هيج ما جاوبته دموعي وشهكتي هنه الي جاوبن مقدار الحزن والفراغ الي صار وره وفاةةابوي
رحت يم امي وعمتي وزوجته واخواني تشكرو  منه وفعلا طلع عد كلمته
*************************************
لذلك بيوم الحادث امي راحت ونخته أن يوصلني البيت عمتي بالبصره  وانطته العنوان ورقم تلفون عمتي
وكلتله بالله وبيك حجي اوصته يتصل بعمتي بس يطلعون من الحله

امي رجعت وخلتني عدهم وما تدري شنو راح يصير  وانا ارجف
من الخوف والخجل والألم الي سببه الي الضرب
راح المرته وكعدها اجت الحجيه مفزوعه ومستغربه وهي يحجي وياها بهمس ما يريد احد يسمع من اجت
الحجيه وشافتني شمسوين بيه حضنتني وكالت
- الله لا ينطيهم شمسوين بيج ليش خاله والله لو مو يتهمونج لو اشوف بعيني ما اصدك شنو اليوم يعرفونج
وراحت ورجعت جايبتلي  شال لأن امي بس خلت عباءتها على رأسي من الخوف انطتني مرت الحجي الشال و كلتلي
هاج خاله البسي الله لا ينطيهم  شمسوين بيج شو حتى طلعه ما تطلعين اكول الله لا يوفقهم ما يهون عليه
اهنا شفت الحجي شاور مرته راحت دخلت للغرفه  ورجعت وكالت
،، يالله يمه بس خلي عباتج على وجهج
ابد لا تنزيلها ولزمتني من ايدي وطلعت شفت سياره تكسي جوه البيت واكفه ركبت بيها وانا ارجف من الخجل
والخوف وبيني وبين نفسي اكول ياريتني ميته ولا هذا الشي صاير بيه
الحجي كعد بالصدر وره ما فتح الباب وسداوانا والحجيه كعدنا وره
وطلعت بينا السياره وانا اقرا ايات وابجي بسكته واكول
= ياربي عديها واستر عليه لاينفضح اسم ابوي بكبره وانت تدري ببه ياربي انا بريئه
بقيت مدنكه ما اباوع وين رحنا الى ان وصلنا للخارجي عرفت احنا رايحين للبصرة الي عمري ما شايفتها
وصارت السيارة تمشي بسرعه وأسمع التلفون رن
الحجي //الو بابا حمودي
،اي والله اشتهينا  نروح انا وامك للزيارة وما حبينه نكعدكم من النوم
،يومين ونرجع
،،سالم ديرو بالكم

وظليت مغطيه وجهي وانا مدنكه وابجي استحي ارفع راسي خاف تصير عيني بعين الحجي الي ما اعرف شيكول
عني بكلبه إلى ان حسيت السياره فترت ونزل الحجي والسايق للمطعم
من نزلوا الحجيه كالت يمه بس اروح للحمام تردين ترحين وياي
انا هزيت  راسي لا
راحت الحجيه دقايق ورجعت واجه الحجي وجاب بطلين ماي انطاهن للحجيه  وانوب جاب صينيه بيها اكل وجاي
حاولت وياي الحجيه انا ما قبلت اي شي اكل بدون ما احجي شربت ماي هي  كالت