انقذتني روح

البارت التاسع

*انقذتني روح*بقلم ::انين الليل::
البارت التاسع
//////////////////////////////////////
💚القدر دائما هو من يختار
💚لكن في بعض الاحيان نحن من يختار القدر
💚حتى وأن كان رغما عنا
💚لطفا ياقدري فأنا لم اختارك
💚تلطف بي قليلا
💚فجراحي قد ملئت نفسي حزنا وخيبات
💚ولا اعلم ماذا في جعبة مستقبلي
###أنين الليل###
بعد ان كمل وسام كلامه صعد علمود ينام لكن هو ما  كدر
حس بروحه مقهور مقهور من كل شي حتى من روحه چان يريد يكسر كل شي كدامه وافكاره عباره عن مزيج من
حزن وخجل لان حس بنفسه انو هو استقوى على انسانه ضعيفه ما تملك اتدافع عن نفسها انساته اقرب ما تكون ضايعه
وما عدها اي سبيل اخر ومكان تلتجئ اله بس بيت ابو
صار يتنفس بقوه وهو مخلي ايده على مطز تواليت ويباوع النفسه اكو تحفيه  على شكل ولد وابنيه جايبتها اله نغم شالها  وكسرها وضم ايده وضربه  للمطز مرة واثنين  وكسره جان يريد يطلع قهرته بأي شي كدامه
ايده انجرحت بالكزاز وهو يباوع للدم شلون يطلع منها كعد ع الجربايه وخله ادينه اثنينهن على جنب راسه بين الجهتين
وصار يحاجي نفسه بصوت مسموع

: ليش هيج حجي سويت بيه ليش فرضت عليه شي انا رافضه
:: بس ليش خليتني أظلم بت الناس وياي
:: ليش خليتني احجي ويه هدى هيج كلام واخشن خاطر عمتي ام عصام الي ربتني مثل ما ربت ابنها
عضت شفته // اووف انا شكد حقير (هز راسه ) لا ليش حقير اي وسام انت حقير كسرت خاطر البنيه
:: مو بيدي مو بيدي انا موبس كسرت خاطرها وقهرت عمك ابو عصام وعمتك الي تحبك اكثر من ابنها
:: اويلي عليك وسام چان تكدر اتصر على موقفك وترفض ما تعقد عليها لو هاي  نغم شراح تسوي من تسمع
شنو عذرك وانت عقدت على وحده قبل لا تعقد عليها شلون راح اتقنعها هاي مخبله ما تقتنع
جر نفس :: وهاي المسكينه الي ما اعرف شنو صاير بيها والله من شفت دموعها طاحن على دشداشتها
وهي مدنكه كسرت خاطري ردت اكوم واحضنها
هز راسه ::لا لا وسام  لا منو يكول هي بريئه ومنو  يكول انو اذا انا حضنتهاا شكم واحد قبلي لا انا مالي نفس بيها 
خليها ابيت عمتها كافي سترت عليها  وانا سنه واطلكها

بعدين صفن  واتمدد  على جربايته وهو حتى ما همه ايده المجروحه وهو يحاجي نفسه لان ما كدر ينام وحجى
::استغفر الله اي هسه غير تروح صورتها من كدام عيني إذا انا ما أريدها ليش أفكر بيها

ويجي الجواب لأن هي مرتك ،،
،طبعا هو جاوب نفسه وسمع نقاله يرن باوع لكاها  نغم جاي تتصل  ماجاوبها ظل يفكر ويتكلب جان كل ما يغمض
عيونه يشوفها شلون كاعده ذليله  ومدنكه من الخجل ودموعها هنه شنو من دموع عبالك حنفية وهو يشوف شلون
جانت ترتجف مثل السعفه وجهه ازرك ومبينه مورمه من كثر الضرب ظل متمدد ما يدري يمته وشلون غفه ونام
***************************************

هدى
اليوم تقريبا الساعه 7 الصبح اجه عمي أبو عصام واخذني انا وعمتي ام عصام ورجعنه البيتهم وطول الدرب
وهمه ساكتين طبعا  جاسم هو الي يسوق بسيارته  وعمتي كاعده يمه وانا ورة  بقيت اباوع للطريق وافكر
بالدنيا شگد زغيره وانا الي عمري ما تخيلت اجي اهنا ولا بالحلم بس من اتذكر شلون حجى وياي وسام
البارحه اكره نفسي ياريت كاتليني اخواني ولا صرت بذاك الموقف والذله بعدين قررت انو لازم اتعايش
ويه الوضع الي صار صار بعد من رابع المستحيلات يتغير الا بقدرة قادر لازم ابدي من جديد واعيش
على كد ما مكتوبلي