انقذتني روح

البارت الثاني والعشرون

البارت الثاني والعشرون
انقذتني رووح #بقلمي انيين الليل #
/////////////////////////////

وصلت هدى هي واخوانها البيت اهلها هذا البيت الي طلعت منه خايفه ومضروبه ومدمايه وذليله
وهي جانت تشوف بكل ركن بي جنه لان عايشه بجال أبوها وامها واخوانها ومن طلعت منه بذيج الليله المشؤومه ما جان يجي ابالها انو راح ترجع مرة ثانيه لان رجعتها يعني موتها بس هي رجعت وراسها مرفوع بعد ما رب العالمين طلع براءتها وصلت للباب وفتح عدنان باب الصاله هي حست انو رجليها خدرن ما كدرت تتحرك وبس دموع تصب عيونها اتذكرت من جان أبوها يدخل ويصيح باسمها ويسئلها و اتذكرت شلون اخوتها جرمو بيها وضربوها بقت واكفه وساكته بس كسر هاي السكته صوت عدنان وهو يصيح

يمه يمه تعاي شوفي منو اجه

وطلعت حياة وشافت هدى ظلت واكفه وبس نفسها يصعد وينزل عبالك جانت تركض اهنا شافتها هدى وكامت تصرخ حيل وراحتلها ركض أمها كعدت على حيلها بالكاع وراحت هدى حضنت أمها واتبوس بيها والأم ساكته بس تلهث بعدين اجه عدنان وشبكهم اهنا امه نحبت حيل وطلعت عبرتها وتحاضنت ويه بتها
وهيج فترة هاي تبوسها بايديها وهاي تشمها وهدى تبجي اهنا حياة انتبهت كلتلها بتعب

ارفعي راسج هداوي الله طلع الحق ونصرج يا بعد امج وطوايفها
زغيرونه واتحملتي ضيم وهضم وانا اتحملت غلط ومسبه صرت خدامه لوحده ما تسوى
وحرموا مريم توصل لهنا ولج يمه شبعت ضيم

وكامت امها تبجي وياها ادنه عدنان وهو مقهور وشاور امه

يمه اسكتي الخاطر كريم خطيه

هدى باوعت شافت كريم كاعد ع الدرج وضام وجهه برأسه ويناشغ عبالك جاهل
يعني هيج اكو صلفات يهضمن الزلم
كامت علي هدى وحظنته وهي تكله

--الله عليك خويه البجي مو الك أرفع رأسك يا بعد أختك

لهنا اجه صوت ما يخلو من البشاشه والفرح

-أنطوني مجال خلي نشوف هداوي ونتعرف عليها

واجت بنيه حلوة وبشوشه وحضنت هدى وكالتها
--انا ميسون مرت عدنان
واهنا هدى حضنتها وتباوسن وشافت بيدها وليد عمرة أكثر من سنه ونص
عرفته هدى شالته وتكله
--يا بعد كلبي هوبي عمه مشتاقتلك
اهنا كريم گلها
-يغديلج فدوة هو وأمه ابن الجلبه
الام// ابشرج ما يريد ابنه كريم تخبل يكول مو ابني
كريم// والله لو ما أخاف منج يمه جا اخذته ذبيته بدار الايتام واليسالني اكول مات
الام//فنك تسويها خاب غير اشتكي عليك واذبك بالسجن
هدى —لا خويه ليش تسوي هيج امه غلطت هو شنو ذنبه إيهاب هذا ابنك باوعله نفس دورة وجهك
ونفس عيونك لا خويه لا استغفر ربك
الام //جا والعصبيه والخبال كريم من يعصب يطك رأسه بالحايط ويملش شعره ويعض بشفايفه
وهذا نفس الشي وازود
كريم بابتسامه //ها يمه يعني انا مخبل
الام //واكبر مخبل