انقذتني رووح
بقلم أنين الليل
البارت الثاني عشر
🌷🌷🌷🌷🌷🌷🌷🌷🌷🌷🌷
هدى
بعد ان كملنه ختمة الاربعينيه والعزيمة كفينا المواعين انا والبنات قررو الساعه 12 ونص الليل يتوجهون للنجف
انا مسويه معجنات وفطائر وكباب واخذنا صمون هاي للصبح وترامز جاي وعصائر وخير من الله
وعمي قاسم ابو غسان ما قبل نطبخ غدا كال هو يسوي مثوبه هناك
واجت السياره كانت كوستر ورحنا كلنه إجت سميه أخت وسام هي وعيالها وانا الحجيه ونجلاء وزينب واخوانها
وبيت عمهم الثاني وحتى الفلاح الي بالمزرعه هو وزوجته و اقاربهم طبعا انا كعدت يم دعاء ونجلاء بالكوستر
وغسان أخذ سيارته صعدت وياه الحجيه وإخوان زينب وحجي قاسم صعد ويه وسام هو وأبو مشتاق
وفراس هو وابن عمه رياض وأمه وزوجته (هذوله بعدين عرفتهم )
عمي جاسم ابو عصام صعد ويانه هو وزاهد علمود يكون قريب من علي ودعاء خطيه جان كلش مقهور وحزين
وهو يشوف علي شلون يبچي وزاهد يگله // كافي علاوي انت رجال والرجال ما يبچي
علي يگله //شو انت تگلي لا تبچي وانت وابوي جاي تبچون
احنا اهنا كلنه صرنا نبچي وام مشتاق صارت تنعى هي ومرت الفلاح واحنا الطريق كله واحنا نبچي
بعدين اكثر الي بالسياره ناموا
انا بصراحه ما نمت بالسيارة لانو انا بالأساس أخاف من الحوادث عبالك إذا اجه القدر راح امنعه جا منعت قدر
عمتي بس هاي انا ما اعرف انام بالسياره كل الي بالسيارة نامو بقى عمي جاسم والسايق وانا اشوف عمي جاسم
من أول ما حركت السيارة كام يبجي ويمسح دموعه ،،،،،،،لاتكولون انانيه بس حسدت عمتي من شفت شكد يحبها
چان يباوع من الجامه مالت السياره ويصفن وبعدين تنزل دموعه اسأل نفسي اكول
= شنو يتذكر ضحكتها لو قوة شخصيتها لو من جانو شباب اول ايام زواجهم ،،،،،،😯😯😯😯
=. الله يرحمج ياعمتي شگد ناس تحبچ
شفت السياره وكفت قريب الساعه 3 ونص والسيارات الويانه هم اتوقفوا شفت وسام نزل وهو يتمغط مبين
علي التعب
والكل نزل يم استراحه الي غسل والي صلى انا اتأخرت ياالله نزلت لان كاعده بالاخير ودعاء نايمه بين ما كعدتها
ونزلت ويه علي وانا اتاخرت لبست عباتي عدل ونزلت لكيت ماكو أحد بقيت واكفه ما اعرف وين اروح شفت
واحد اجه علي ما اعرفه كلي
،،،،،،،،أختي محتاجه مساعده ،،،،،،
بعدني ما مجاوبته اسمع واحد بعصبيه
:: لا ما محتاجه انت شعليك، ،،،،
باوعت شفته وسام انا ويه روحي = هم زين ما جاوبته للولد ،،،،،،
،،،،الولد ،،،،//آسف خويه أعتذر بس شفتها تباوع ابحدها ومحد يمها كت خاف محت....
ما خلا للولد يكمل جاوبه بنترة وهو رافع ايده :: لا ما تباوع مشكور عدك شي
الولد وركب سيارته وراح
وهذا وسام بقى بس يغلط :: هذا الحقير جاي يزحف ناس تعبانه انعل ابو ال،، ها لان ال،،هلهيج هيج
وغلط ما أذكره مشهورين بي العراقيين من ايعصبون بعدين باوعلي وخزرني،
وسام حاجاني بعصبيه ونتر :: اكلج وانتي شعدج اهنا ابحدج واكفه
جاوبته = ما عندي شي بس جانت دعا ...
طبعا ما خلاني اكمل كلي بعصبية وهو اياشر بايده :: ذنيج الحمامات اشو يالله كدامي فوتي غسلي بلا حچي زايد
أنت تقرأ
انقذتني روح
ChickLitهي قصه حقيقيه من واقع الجنوب العراقي حدثت في وقت قريب تتحدث عن التقاليد الموجوده في مجتمعنا بعد ان تتهم بنت لا تتجاوز الثامنه عشر من عمرها تتهم لأغلى شي تملكه الفتاة إلا وهو شرفها ولكن القدر يتدخل لانقاذها اتمنى أن تنال اعجابكم القصه باللهجه العر...
