انقذتني روح

البارت الثامن

****انقذتني روح ****
بقلم ::انين الليل ::
البارت الثامن
كريم وعدنان كاعدين ما يعرفون شيسوون محتارين ويسالون منو حوالي الساعه بالهدعش الظهر وحياة
بالغرفه ما تحجي وياهم خاله المصلايه ولازمه السبحه بيدها وهي تستغفر وتدعي بالستر
چان حالهم ما يسر لاعدو ولا صديق
كريم باوع العدنان وكله
،،،لازم ننطي خبر العمك ابو مهدي ونخلي يجيب اولاده
وينطي خبر الشيخنا علمود ندور على هاي العايقه وبس نلزمها لو ما تكون نذبحها
عدنان ،!،،منزل رأسه ويحجي بحركه :أي لازم ننطي خبر هي فضيحه فضيحه
وانا هم أقدم على استقاله احسن الي شكبرها علي ضابط تحقيقات وأخته شارده ما اعرف ويامن

عدنان كام يعظ باصابعه وما يدري شيسوي (ترة حقه العرض غالي )
بهاي الأثناء اتصل ابو مهدي على كريم وكله/ جاييلكم
كريم ظل ايغم بروحه ويحجي بصوت عالي
- اي جاي ابو مهدي علمود يشوف فضيحتنا السوتها أختنا امداني
ما كتلتها راسا كله منك عدنان سمعت كلامك وتاليها خوش
عدنان :ردت اتأكد لاتنسى هدى عمرنا ما شفنا عليها شي
كريم بعصبيه //اسكت عدنان اسكت احنا شمدرينا اشو بشغلنا وأبوك
  كبر راسها علينا لو نحجي وياها نص كلمه يكوم يعيط عبالك خدم عدها وعد امها
اهنا حياة سمعت واجت //ومنو موت ابو غيرك انت ومرتك
عدنان اتفاجا //شتكولين شنو هالحچي هذا
حياة //اي اساله هذا المسوي روحت بس هوه وبس شسوى نسيت كريم تسيت من ابوك دخل ولگاك تكتل بهدى
من وره مرتك وصاح عليك وانت ما قصرت عتيت ايده ودفعته وطيحته بالگاع
كريم ايهز براسه //. ايي فري فضيحة بتج عليه انا ومرتي بس ما گلتي ليش ضربتها مو جانت طالعه المصطفى
بدون حجاب وتسولف ويا
حياة //انت شفتها لو مرتك كلتلك
كريم //اي ذبيها برأس مرتي ذبيها يجوز مرتي هي مشردتها واحنه ما ندري
عدنان :شنو هالحجي هذا كريم وكت قال وقلت هسه كافي يمعود
كريم مثل الي اتذكر حاچى عدنان // اكلك عدنان احنا ليش ما فكرنا بمصطفى ايجوز هو الي اله علاقه بهدى
حياة اتقربت منه وهيه ترجف // أنجب انوب تردون تلبسون الولد اليتيم فضيحه ياما تخافون من الله حسبي
الله ونعم الوكيل عليكم
عدنان //كريم شبيك مصطفى فقير وربى عدنا وشايل البيت بالعيشه ومشهودله بالأمانة وبعدين يمه بدل ما تتحسبين علينه
اتحسبي على بتج هسه وين وعدمن
حياة // كافي عدنان كافي بتي اخذتوها وكتلتوها وجاي اتردون عليه
كريم //. ايي انبرد عليج لان نخاف منج علوا كاتلينها علوا چان احنه بخير بس ا...
قاطعهم جرس الباب اندك همه توتروا واحد يباوع للثاني راح عدنان فتح الباب وكريم ايباوع الامه ويتوعدها بنظراته
سمع عدنان وهو ايگله // هلا عمي اتفضل
وصوت حجي صالح ايگول //. ياالله السلام عليكم
عدنان // عليكم السلام اتفضل عمي
دخل الحجي وشاف كريم حمحم وگله //. السلام عليكم
كريم بتوتر وگف ورد // عليكم السلام
گعد الحجي  كريم گله // الله بالخير
حجي صالح // الله بالخير
حجي صالح شافهم مو على بعضهم حس اكو شي سألهم // خير عمي شبيكم
كريم باوع العدنان الي چان كاعد ع القنفه ويهز برجله // حجي بعد انت عمنا ولازم تعرف شنو صاير احنه چنا
نريد نتصل بيك بس انت سبقتنا واجيت
،،،أبو مهدي هز راسه /: أي عمي اجيتكم لان قبل شويه اتصل بيه شيخ قاسم أبو غسان حمى عمتكم ام عصام
،كريم بلع ريكه /،خير شرايد الحجي عمتنا بيها شي
،،،،،أبو مهدي /، والله عمي ما كلي بس كال عده شغله بالحله ونريد نمر نسلم ع الولد يمكن ها يمكن انا حسيت بيهم
عدهم نيه ي يخطبون اختكم الله يستر عليها
،!،،،،،،كريم وعدنان واحد يباوع الثاني ما يعرفون شيحجون الحجي گلله // كريم عدنان شصاير
كريم سولفله كل الي صار والحجي اتغير وجهه وكال بعصبيه // الله يطيح حظكم شنو ولكم مو زلم ما عدكم
عمام عشيره تتصرفون من رايكم
كريم /:عمي ردت اكتلها بس عدنان كال خلي نعرف غريمنا وتا...
قاطعه الحجي باستهزاء /،وهسه عرفتو غريمكم بالخير عليكم خوش فضحتونا والله حاتم خوش مربي زلم
بالخير علينه وهذا الجبير (ياشر على كريم ) يريد يحجي العشيرته خاف محد يدري يريد يذبحها علمود
ألما يدري يدري ولكم شلون تتصرفون من كيفكم
عدنان // يعني حجي من تدري شتسويلها هذا انا انطيتها فرصه وگتلها بس احچيلي منو. هذا تالي شردت
   كريم // ماكو غيرها امها شردتها
حجي صالح // كافي كافي وهسه شنو الحصلتو (على صوته ) وانتي ام كريم عود الجبيرة هم ما تفتهمين
طلعت حياة وهي تبجي/،خويه الله يخليك ياهو يخليني احجي ياهو منطيني مجال انوب تهموني انا ادري بيها ،
  وهالگدامك ايگلولي انا مهزمتها
حجي صالح بعصبيه ،،//اي خويه مو همه فهايم يعرفون يتصرفون وهسه ولكم أختكم وين راحت
كريم //وين يعني راحت ويه صا...
ابو مهدي قاطعه //أنجب لا تكمل يا ناقص فرحان بهاي الكلمه ولك اليريد الستر يستر لو شيشوف بس منين
اجيب اليفتهم
گعد ودنك وهو ساكت بعدها كال // هسه تسكتون خلي نشوف الناس المن جايين شعدهم وتالي نتصرف
من تروح الوادم لا تبينون اكو شي هسه اخابر ع الولد يجون وانتي ام كريم حضري چاي
خابر الحجي على اولاده وربع ساعه اجو همه اربع شباب مؤدبين يحترمون أبوهم
وراح كريم على مرته وأمه وكلهن يحضرن ماي وجاي