انقذتني روح

البارت السابع عشر

انقذتني روح
.,انين الليل.
البارت السابع عشر
/////////////////:/::
الساعه اربعه  العصر وسام خابر ابو كله طلعت وظل الحجي كل ساع يحجي ويا لان يخاف علي من الطريق
صبيت عشا واتعشينا ولميت المواعين ورحت يم نجلاء ودعاء اشوفهن خاف محتاجات شي گعدنا نسولف ع المدرسه
والبنات وبعدها صرت اسولف على رجال جان يمنه وزوجته توفت وكبرو اولاده وبناته واتزوجو وعافو بقى
وحيد وتعب وتمرض باخر حياته طبعا انا امهد الموضوع عمي ابو عصام
،،دعاء// شنو هدى اشو بس تسولفين على الناس الي تموت زوجاتهم
جاوبتها = اي دعاوي واقع حال يعني هسه اشكد اتبهذلتو من اتوفت
عمتي الله يرحمها
،دعاء //شني هدى ضجتو من عدنا بعد ولا اجي واصلا لو ما عمي گال تعالو فلا نجي
،نجلاء //دعيوة انجبي وافتهمي شلون تحجين مو تسوينها ام بي سي دراما
انا جاوبتها = شنو هالحجي هذا بس انتي فاهمه وخلي نكون صريحين زاهد السنه سادس وانتي وعلاوي خامس
يرادلكم عنايه بعد مده انتي وعلي سادس بعدها  كليه يعني ما تكدرين دراسه وبيت وما تعرفين
تديرين البيت ابحدج لازم انفكر بعقلنه مو بعواطفنا يعني انتي تكدرين تتحملين هم البيت ومسؤوليته ابحدج
وطلبات ابوج واخوتج
،دعاء العبره خانكتها // اي أبطل وأظل لازمه بيت امي
= اسكتي دعيوة اياني واياج اسمع منج هالحجي عمتي جانت أمنية حياتها تكملين وتشوفج داخله كليه زينه وانتي
ام حلك تكولين أبطل
،نجلاء باوعتلي //شوفي شلون صرتي تحجين مثلي (وحجت ويه دعاء)
ولج دعيوة مال كتله انتي طماطه إذا كليتي لازم نتصل بالاطفاء لان عبالنه احترگتو وتعاي اگلج حتى لو بطلتي وينج
او وين الشغل
،،،دعاء  تحجيى بقهر // يعني تردين ابوي يتزوج شنو شاكيلكم ذاك اليوم امي اتوفت شبساع لحك ينساها
نجلاء //لا والله لا شاكي ولا ابد بس انتم لازم تحسون بي
.دعاء //الله كريم
.نجلاء //تره للعلم عمي إذا راد يتزوج محد يلزمه لا انتي ولا اخوتج
بس احنه انا وهدى كلنالج علمود أنشوفلله وحده بت حلال مو وحده
يجيبها ما دري منين نجي نسئل على دعاء نلكاها تجدي يم الاشاره

ضحكنه وعفتهن ورحت كعدت بالصاله اجه الشيخ من الديوان قريب الساعه عشره ونص شافني انا
وكفت كلي// استريحي بابا
وطلع النقال وخابر
ها بويه
ها خوش الحمد لله على سلامتك ظل بالي جي ليل وأخاف عليك
وانت من أهل الخير
الشيخ باوعلي وحجى،،، وسام وصل
انا جاوبته  = الحمد لله على سلامته
الشيخ //الله يسلمج ليش كاعده الهسه
دنگت ما جاوبته هو هز راسه وگلي // الله كريم ادري بيج تفكرين بالحله الج ام واخوان
واهنا  هم الج اب وام واخوان وزوج
غوركت عيوني ودنكت باوعتله كعد يمي //لاتبجيين بابا هدى كل شده والها حلال
اتحسرت وسالته  = عمي ليش هيج تعاملني
الشيخ //شنو قصدج
= قصدي اي وحده تطلع عليها حجايه حتى لو تنستر تبقى منبوذه بس انت اتعاملني وكانه انا ما ..
الشيخ رفع ايده وقاطعني
- - بابا هدى المره والرجال بس الله يدري بيهم وتصير وياما راحن بريئات وياما انسترن مذنبات لكن كل واحد الله
منطي عقل ومنطي حواسءوانا من شفتج عرفت انتي بنيه ذهبه قليل امثالج واتاكدت من كلام اخوي
لكن الي اكدلي اكثر من قسمتي بيوم الزياره
ما اجذب عليج جربتج وبعدني اجربج مو يكولون التجربه خير برهان