انقذتني روح

البارت الرابع عشر

انقذتني رووح
بقلم #أنين الليل،،،،،

أهكذا البرئ تتكالب عليه الذئاب
ويبقى وحيدا هو واحزانه
ياترى هل هناك خيط أمل
في إنقاذ الفقراء
ام أنهم يبقون دائما في آخر المطاف

💛💚💙❤💛💚💙❤💛💚💙❤💛💚💙❤💛❤💛💚💙❤💛💙❤
هدى
نمت على القنفه الصبح حسيت بحركه بالغرفه فتحت عيوني لكيت وسام حاط علي بطانيه بس من فتحت عيني
حسيت برأسي يفتر وجسمي مفلش واحس كلبي مكطوع من الجوع باوعت للغرفه حسيت بوسام جاي يغسل بالحمام
انا بقيت كاعده ع القنفه حتى الخاولي بعده على شعري من البارحه طلع باوعلي كلي
وسام ،،،::غسلي وسويلي ريوك انا احب البيض عيون

طبعا بدون ما يصبح ولا يباوع الوجهي

كمت كوه امشي غسلت ونزلت للمطبخ خدرت الجاي چان كلشي موجود ومرتب وفتحت الثلاجه وطلعت بيض
وسويته عيون واجه وراي كعد على الكرسي كلي الصمون بالمجمده انا بدون ما اباوعله طلعته وحميته بالاوفن
وطلعت كيمر وزيتون وخليتهن ع الطاوله وصبيتله جاي وطلعت لزم أيدي وكلي
:: اكعدي تريكي انتي من البارحه ما ما كله شي
انا بكلبي حجيت = اكلت كتله من اديك عساها الكسر
كعدت بدون ما احجي صبيت كوب جاي واتريكنا واحنه ساكتين واحد ما يباوع للثاني بعدها وسام كلي
:: صبيلي چاي
صبيتله بالكوب شرب ومن كمل جر نفس :: اسمعيني اغسلي المواعين وصعدي بدلي انريد نروح لأهلي
هناك ابوي وامي واخوتي لازم تعرفين انتي فتره وكل شي راح يرجع نفس ما كان اقصد (صار يتنفس بقوه )
فتره ونلگالج حل واتصور كلامي مفهوم وياج اتصور انا من اول ساعه وصلتي بيها ويه عمتج الله يرحمها فهمتج
انو كل الي اسوي وياج الخاطر ما اكسر كلمة ابوي والخاطر ام عصام
ولو ما ابوي جايبج اهنا ولو ما عمتج اتوفت او وضعج ابيت عمي ما اله داعي انا ما چنت ... لكن ابوي وانتي
هم ما قصرتي هذا الشي الي جبرني
اتقرب الج احنه هسه راح نروح اريدج تسمعين الكلام وتگعدين باحترامج والي صار بيناتنا تنسينه مفهوم كلامي

ضميت شفايفي وهزيت راسي هو وگف وكلي :: وما يحتاج اگلج شنو يصير بالغرفه ممنوع يطلع لو خطوه بره
ومثل ما گتلج انتي وابوي الي جبرتيني عليج
حسيت بكلامه عبالك سچاچين وتگطع بجسمي هو صعد قبلي وانا بقيت بالمطبخ مستغربه من كلامه وتصرفاته
گعدت وانا احچي =. كلامه صحيح الرجال ما چذب عليه من اول يوم فهمني وضعي
غسلت المواعين ورتبت المطبخ سمعته نزل وهو يدندن وگعد بالصاله
صعدت مشطت شعري ولبست شال وجواريب وفستان اسود طويل وعباية رأس وطلعت ما خليت مكياج لان
بالاساس ما عندي فوجهي بقى مورم على مزورك
ركبت يمه ورحنه البيت اهله الي ما اندله ولا شايفته السياره تمشي واحنه ساكتين وصلنه قريب
الساعه عشره الصبح خلاني بالسيارة ونزل فتح باب الكراج جان عنده مفتاح دخلنه هو فتح لي باب الصاله
و بإشارة من عيونه يعني ادخلي  انا دخلت قبله اول مرة اشوف بيت الشيخ ما شاء الله قصر چبير  وبي
صالتين كبار وغرف جوه انا دخلت وانا خجلانه حتى ما رفعت راسي والظاهر هوه ما مخابرهم ومبلغهم بجيتنا
الحجي و الحجيه كاعدين بالصاله من شافوني وگفو ولاكتني مرت غسان زينب باوستني وهي متعجبه من منظر
وجهي ورحت للشيخ بست ايده وهو باسني برأسي وكلي بمراره وهو يباوع الوجهي
هله بيج بابا هلا وألف هلا
و الحجيه شافتني باوستني وحجت وياي
الحجيه ،،،،//هلا بيج يمه هذا بيتج وانا امج وأبو غسان ابوج والله معزة --بروح-- عمت عيني
جا كلبت المنطقه هلاهل وانت اوسيم (باوعت الوسام ) عود ليش ما خابرت وگلت احنه جايين
وسام باستهزاء :: وعلى شنو اخابر وليش
طلع التلفون وابتعد شويه وصار يحچي ما اعرف على ايش
اتقرب منه الشيخ وشاوره او وسام هز راسه ورجع يحچي
:: انت حضرلي اثنين بالمواصفات الي كتلك عليهن شويه واجيك ما اتاخر
وكلي بنتر ::انا طالع ومن ارجع الكاج محضرتلي ملابسي اريد أسافر