انقذتني روح

البارت السادس عشر

انقذتني رووح
البارت السادس عشر
بقلم انيين الليل
////////////
هدى
اجه وسام وكلي صبيلي استكان جاي صبيتله شرب وبعدها  باوعلي يعني تعالي وراي انا سويت روحي ما اشوفه
شنو مو رحت وطردني وفعلا بقيت طلعت للصاله واجه قاسم يمي ولان ادري بزينب يم غسان
انا ويا صرنا نلعب غميضه بالصاله ونركض ونتختل بعدها قاسم كلي //عمه غنيلي
ضحكت = ما اعرف
: عفيه عمه
شلته وكمت ادندن بأغنية چان بابا دائما يغنيها الناظم الغزالي واتعمدت اغنيها لان اعرف راح ينزل ويسمعني
ياخشوف التمر مرجيه
ابن كم فزز الدورية
ابن كم صابني ورماني
وسهام وصله بالحشا مرميه
ياخشوف التجي من الحله
واحباب كلبي تجي من الحله
يمه كتلني الحلو شكله
لابس محابس  ذهب وترجيه
ياخشوف التجي من البصرة
واحباب كلبي تجي من البصرة
يمه كتلني الحلو بخصره
لاب،،،،
وما احس إلا الكمشه بشعري باوعت لكيت وسام صاك أسنانه كلي

:: امشي اصعدي كدامي بسرعه سليمه مراد
،،،،، انا متالمه من الكمشه بس جاوبت بدلال = مو قاسم خطيه
........بعصبيه ونتر ::ما عليج بقاسم امشي كدامي كلت

صعد كدامي وانا نزلت قاسم وكتله = روح يم عمه نجلاء
صعدت ورا لكيت الباب مفتوح دخلت لكيته ورة الباب سدا بايده وانوب حصرني عه الحايط وما احس إلا راشدي
فر راسي كال
:: هاي لان من اشرتلج وما صعدتي
وراشدي ثاني كال :: هاي لان حضرتج تغنين وصوتج طالع وما حاسبه الأحد حساب
انا ساكته باوعتله ما نزلت عيني بس احس ريكي صار عبالك حديده ضربني راشدي كال
:: هاي علمود تنزلين عينج وما تخلينها بعيني من احجي وياج ادب سزز

انا اهنا حسيت بكسرة بكل روحي لزمت ايده وظليت اضرب بخدي كتله
= وهذا لان وكلتني وهذا لان لبستني وهذا لان سترت علي وهذا
،،،،فقدت كمت ابجي
وسام ::وبعد شعندج طلعي لا تضمين بكلبج
انا سكتت وظليت كاعده بالكاع وابجي بس دموع
هو طلع وطبك الباب حيل ورا
انا من طلع ظليت شويه كاعده وابجي وراها اتمددت عه الجربايه نمت ما حسيت بروحي بالليل كعدت لكيت
وسام جاي ونايم جوة بالكاع وداير وجهه باوعت للساعه اكبالي لكيتها بالتسعه حيل شكد نمت
نزلت من الچربايه دنكت علي كتله
= وسام كوم نام على فراشك
هو ما جاوبني رغم هو كاعد انا لحيت علي
هو ما دار وجهه علي كلي ::ارجعي نامي ع الجربايه
جاوبته = انا مكاني الكاع مو الجربايه
دار عليه وكعد على حيله واجه يمي لزم اديه حيل كلي ::شتردين مني كولي
انا بالقدره دموعي ما ينزلن = ما ريد شي
اتدني علي واتقرب ::بس انا اريد
كام يتحسس جسمي وبدأ يتقرب أكثر انا راسا دفعته كتله = اريد أنام
انقهرت  على روحي وعزت عليه نفسي الي رخصوها اخواني من شكو بيه هو باوعلي ورجع اتمدد بالكاع وكلي
:: روحي نامي 
وفعلا رجعت اتمددت وما كدرت أنام بقيت اتگلب واشوفه هو يدخن ويباوع للسكف بقيت گاعده  للفجر ياالله غفيت
الصبح سمعت باب الغرفه انفتح نزل وسام انا هم گعدت اخذت حمام وبدلت ونزلت لكيته كاعد بغرفة امه هو والحجي
انا سلمت ورحت للمطبخ واخذتلهم الريوك وسام حتى ما سابح باقي بملابسه مال النوم جبت الريوك
الشيخ باوعلي // تعاي بابا اتريكي ويانه
انا اترددت كالتلي الحجيه// روحي اكعدي بصف رجلج
اشو بس اجيت اكعد هو كام كال ::الحمد لله
الحجيه// هذا شبي
الشيخ //ما بي شي يستعدل ياالله بابا اتريكي