انقذتني روح

البارت الثالث عشر

اشلون يعني ابو العرييف
امجد //يعني لا تنطيها وجه ولا تروحلها يم الكليه
وفي //اي والله امجيد هم شويه يفكر
امجد //هاا شكلولك علي غبي
وفي //مكرم الغبي بس عمي شمالكم نفط وشخاط

هاي مقطع من الروايه الي جاي أنشرها --كسرتني امراه--أملى تعجبكم
💝💝💝💝💝💝💝💝💝💝💝💝💝💝💝💝💝
انقذتني روح بقلم أنين الليل
البارت الثالث عشر
**************❤❤❤********❤❤❤
وصلنه للبصره نزلت انا ودعاء والولد واجت ويانه نجلاء بيومها كلش تعبانين مجرد ما وصلنه العصر رحنه نمنا
ما كعدنا إلا فايت وكت تقريبا بالعشره بالليل انا كمت سويت عشا بسيط وندهتهم وكعدنا اتعشينا وظلينه كاعدين
للساعه بالثنتين الفجر واقتت المنبه لان وراهم دوام الصبح محد قبل يروح ما بيهم حييل يعني غابو انا كعدت
وسبحت وسويتلهم ريوك لكيت عمي جاسم طالع من الصبح يمكن رايح الدوامه وبعدين نظفت البيت وبديت احضر
للغدا همه الشباب كعدو قريب الساعه تسعه واتريكو وصارن البنات يساعدني كملنه صبينا الغدا واتغدينا واجه عمو
جاسم نجلاء حطتله غدا اكل وشرب جاي وطلع گال // رايح البيت ابو غسان
واحنه بقينا گاعدات نسولف دعاء كلش مقهوره وحزينه وانا نفس الشي نجلاء چانت تحاول تسولف بمواضيع تحاول
بيها ننسى احزانه نجلاء چانت حبابه ودمها خفيف وشكلها محبوب رغم مو كلش حلوه يعني جمالها عادي
وجهها حنطي وعيونها كبار  وطويله وجسمها شويه مليان شعرها كيرلي اذا ما اتمشطه چان يصير مشكله
دمها خفيف والي يسمع ملامها ايحبها لكن هيه السانها طويل بس بالحق  وهذا الشي بعدين عرفته
انا ما اعرف عن وسام شي بس لمن اجه وحجى وياي بيوم العقد ولمن طلعنا من المستشفى اهنا يممممه😱😱😱
حسيت بحنيته ولمن أكلت رزايل من عنده من رحنه الاربعينيه احس هذا إنسان متناقض مرة عصبي ومرة حنين
دووم من اصفن وابقى ابحدي افكر بوسام وبنفس الوقت اعرف انو انا بعد چم شهر راح اتطلك وارجع الاهلي واحتمال
ليش احتمال اكيد مريم وعدنان راح يقتصون مني لكن انا لازم نا انسى وصية عمتي لمن اتكلي
ابد لاترجعين ولا توافقين ايطلگج اله تخلينه يتزوجج شرعا اذا انتي نظيفه وما عندج شي
وطبعا كلامها كله صحيح لان انا  هسه بنظر الناس مو خوش انسانه واحتمال شكوكهم تخليهم ايفكرون انو انا
عندي شي فلازم اطبق وصية عمتي واخلي الكل يعرف انو انا بريئه وما مسويه اي شي اخجل منه بس تبقى المشكله
شلون وشلون اخلي وسام يعرف انا بريئه
/////////////////////////////////
ورة الاربعينيه ب اربع ايام اجه حجي قاسم البيت ابو عصام وسلم علينه وراح هوه وابو عصام گعدو بالديوان
والحجي خابر وسام
وسام :: الوو ها حجي
الشيخ //اكلك بويه خابرني حجي صالح يكول ام كريم جايبينها ولدها للبصرة تعبانه شويه كلبها يوجعها وانا
هسه أبيت عمك جاسم شتكول اكل الهدى لو تجي انت تحچي وياها
وسام :: ها حجي هي بيا مستشفى
الشيخ //مستشفى ال،،،ها شتكول انا اجيك وناخذ البنيه تشوف امها ترة الدنيا يابويه موت وحياة
وسام :: هسه جاي بابا لا تكولون الهدى اي شي
الشيخ // خوش تعال بس لا تتاخر
ثلث ساعه واجه وسام قريب المغرب ودخل للبيت فتحله علي الباب انا چنت بالمطبخ اريد اسوي عشا
دخل للمطبخ انا حسيت بي لان سمعته يسال بعلي ::  وين هدى
علي // بالمطبخ
هو اجه اتقرب عليه وانا بقيت دايره وجهي صرت احس احس بانفاسه گلي
:: هدى عوفي الي بيدج وروحي بدلي خلي نطلع
انا باوعتله باستغراب = نطلع وين !؟ اريد اسوي عشا
كلي بهدوء ::لاحكه ع العشا روحي بدلي
جاوبته = وسام خوفتني شصاير
:: ما صاير شي هدى بصراحه امج تعبانه واريد اخذج تشوفيها هي بالمستشفى قبل شويه جايبيها
انا ما عرفت شسوي بس ظليت ادك على وجهي وابجي حيل
هو نتر بيه :: يا الله إذا تردين اتشوفينها بسرعه لو ماكو اروح ابحدي واخليج