انقذتني روح

البارت الواحد و العشرون

انقذتني رووح
البارت الحادي والعشرون
بقلم #انيين الليل #
بعد ما غير فراس قميصه ونزل راح للمضافه وهناك شاور ابوه وغسان كله رايدينكم استأذن الشيخ واولاده من الضيوف وبقى بالمضاقه ابو عصام واولاده وأبو مشتاق وناس هواي موجودين و يسولفون ويه كريم وعدنان دخل حجي قاسم او وراه غسان او وسام او فراس صاح الحجي بعصبيه

شنو ام غسان ما تدرين عدنا خطار وناس رايحه وناس راده كل ساع
مودين علينه
الحجيه باستغراب //انا ما وديت احد شني ما أدري عدكم خطار
هدى --عمي انا وديت عليكم من قبل ساعه بيد وسام شنو ماكاالكم
الشيخ //لا والله بويه ها شرايده
هدى وكفت وكلتله --ولو عدكم خطار بس اتحملوني هلدقيقه عمي انا للموت ما انسى فضلكم علي انتم حضنتوني وانقذتو حياتي واتحملتو هواي حجي من اهلي وانا لو أعيش عمري كله خدامه الكم ما اوافيكم انتم ناس أصحاب مروءه وانا مثل ما كتلكم لو أقدم روحي ما اوافيكم حقكم
انت ما حسستني انو انت شيخ والك مكانتك كنت اشوف بوجهك الحكمه الي فقدتها بموتة ابوي والحجيه لو امي هم ما سوت الي سوته وغسان وفراس إخوتي والنعم منهم والبنات أخواتي الي ما جابتهن امي بس ياعمي لازم

اهنا فراس قاطعها //اكلج خويه هدى شو كلنا جبتي طارينا تحمدين
بينه بس وسام شنو تحمدينه ابيناتكم فالوكت كله واسطات
الشيخ //أنجب فريس اسكت كملي بابا
اي عمي والله شاهد علي احبكم وأموت عليكم وافديكم بروحي بس لازم
ودارت على وسام --لازم يا وسام توفي بوعدك وانت لزمت شاربك كدام ابوك واخوتك
وسام بتوتر ::شنو هدى يا وعد ؟
هدى --وسام نسيت لمن وعدتني بس تطلع براءتي تعوفني واريد
توفي بوعدك لان الرجال كلمه وانت يا وسام رجال
وسام بعصبيه :: ولج هدى شجاي تحجين
--هذا الي تسمعه
الشيخ// لا بابا عيب انا مااقبل انتي بتنا شلون نعوفج
هدى --0عمي وسام لزم شاربه وانا ما اريد أبقى عنده وانت تعرف ليش
الشيخ //استهدي بالرحمن وكل الي تردي يصير بابا هذا بيتج وانتي بتنا ومن حجت نغم تولي شفتي طردها وهسه هي عد اهلها واناي البديه
عمي -انتم على عيني وعلى راسي بس وسام ما اعاتبه على شي
ولا اريد منه شي بس عندي عتب زغير ويا واريد احجي كدام الكل
اريد اعاتبه مو لان تحديت نغم بكرامتي
لان ادري بنفسي انا بريئه وربي ما راح يعوفني انا اريد اعوف
وسام لان وسام كل هاي
الفترة يشك بيه وانا ما استاهل واحد يشك بيه
ومنين من زوجي الي كان شاهد عل عفتي وشرفي

الشيخ //طبعا بويه ايشك بيج من مكسراته ال بغداد بالبصرة شنو ما ندري بي
دار عليها وسام وهو صاك أسنانه وعيونه كلها شر :: كافي هدى انتي
هسه متوترة

--ابد ولا فد يوم أعصابي هاديه مثل هسه وسام أريدك تعوفني هذا آخر كلام
وسام ::شنو من شفتي اخوانج طلع السانج مو تعرفيني اكسرج ومحد يوكف بوجهي
--ادري بيك كل شي تسوي بس انا خلاص انت ما تريدني واخذتني الخاطر عمتي وهسه اجه الوكت الي لازم ترتاح بي مني