انقذتني روح

البارت الثالث والعشرون

البارت الثالث والعشرون
انقذتني رووح
بقلم انيين الليل
////////////////////////////////////////
هدى
بقيت كاعده بيت اهلي مرة احضن امي ومرة اطلع ملابس ابوي ابقى أشم بيهن وميسون حبوبه تشتغل وتحب تسولف وتشاقي وجانت كلش نادرة ولا جنها محاميه وكريم جان من يجي من الدوام يكعد بالديوانيه ما يروح ال بيته جانت الكابه كاتلته لان هو يحب تهاني وكنت انا اغسل ملابسه واكويهن واخذله الاكل وهو دائما الكا مدد وادينه على عيونه وساعات من كاعد يأكل جنت اشوف بعيونه دموع انا اخلي واكوم ما احجي ويا
بالليل أنام بغرفة امي كرهت غرفتي وما دخلتها وحتى ملابس لبست من ميسون لان من اجيت كل شي ما جبت وياي بس ذهبي الي خلته الي عمتي روح
بالليل ما أنام ابد أظل أفكر بوسام وبيت الشيخ اكول

هسه شكد شافوني قليلة أصل عفت ابنهم
بس لا هو الي كلي ترحين وما تبقين وهو الي وصى فراس يكل لاخوتي ياخذوني
يعني هو الي ما يريدني ولج هدى انجبي مو رمى روحه مو خله المسدس بكلبه
بس همه ليش ولا اتصلوا وين حبهم الي
ياحب هذا همه يحبون ابنهم ونغم اجت عدهم اكيد هسه كاعده يم وسام  وهمه فرحانيين بيها
لا ما فرحانيين ما يحبونها
چانوا هدى قبل ما تصرين عليهم وتعوفين زوجج وتجين شنو يعني لو باقيه على ما طالع ومتاسفه منه
بعد ما يفيد الي سويتي خرب صورتج گدامهم
وانوب اشتاق الدعاء وعلاوي وبس اتذكرهم أظل ابجي لان حسيت نفسي مسئوله عنهم

وهاي شغلي ليليه الصبح التهي ويه ايهاب وبالبيت علمود ما أتذكر والعصر انا وميسون نسولف ونسوي بالعشا
ونلعب ايهاب
ذاك اليوم عدنان جان اهنا وكريم بالشغل ورة الظهر ميسون كالت العدنان
ميسون //عدنان اريد اروح للسوك انا وهدى نشتري ملابس خلينه فلوس
(شكد مؤدبه ومرتبه بكلامها ما كلتله انطيني كلتله خلينه )
شال عدنان وأنطاها كلها هاج عمي اشترن كلشي يعجبجن بس ما اريد تأخير
هدى تطكطك أصابعها //عدنان حبيبي
عدنان //ما طول حبيبي اكو شي
ميسون //عمري مناك اروح انا وهدى بس تتعرف على ماما لان خابرتني كالت حيبي هدى وتعالي اتعشوا
عدنا فدوه حياتي نروح ونتعشى بسرعه ونرجع
عدنان چتف ادي //اي ومنو يرجعكم
ميسون وهي ترمش بعيونها //اكو غير حبيبي وتاج راسي عدنان
عدنان //دي الله بابا كومن بدلن واذبجن بطريقي وبالليل اجي اخذجن ترة ما كو بيته بره
بس اوكفي ميسون شنو امي تبقى ابحدها
اني //يمه ما علي شي هوبي يمي ونباوع ع التلفزيون

كمنا بد لنا ولبست عباية راس فوك الفستان والحجاب ميسون من شافت هيج لبست عبايه اسلاميه طبعا انا ماخلي مكياج رحنا للسوك واشتريت ملابس دشاديش وتراكات وتنورة وقميص عجبني وحذاء واشتريت داخليات وعطور ورة ما خلصنا اشتريت الإيهاب سيارة زغيره ع الباتري وقاط كابوي وميسون اشترت الأمي شحاطه وعطور وهي همينه اشترت بس انا بطبيعة حالي أحترم الخصوصيه فما باوعت وكفت بعيد خلصنا ورحنا على بيت اهل ميسون مو بيت فيلا ما شاء الله يخبل تلكتنه أمها مرة جبيرة أكبر من امي بهواي وذاك الترحيب همه صحيح كانو بالديوانيه بس منتقلين للحله  إجت ابنيه أكبر من ميسون حامل عرفتني عليها كالت زوجة اخوي سلام مدير عدنان طبعا رحبت بينا ومباوس وكعدني ورة شويه إجت مرة يجي عمرها أربعين شويه ازغر بس ما شاء الله حلوة وما مبين عليها عرفتني ميسون انو هاي خالتها سهيلة وهي معلمه وارمله صار 5 سنوات ما عدها أطفال وكاعده عدهم يم أختها انا ما ادري ليش بذيج اللحظه تذكرت عمي ابو عصام ورة شويه اندك الباب إجت ابنيه بكد ميسون عرفتني كالت هاي مرت جعفر اخوي يشتغل مدرس عدها 3 أطفال وعازله فوك بس درجها وبابها
مستقل ما شاء الله ناس اريحيين ما عدهم عقد