انقذتني روح

البارت السابع

انقذتني رووح ،،،أنين الليل ،،،
البارت السابع

وسام من سمع كلام أبوه فز من مكانه وهو يكول باستغراب
::حجي انت تدري انا خاطب نغم وجاي أجهز الزواجي شلون أعقد على وحده وانا خاطب وحده وبعد جم يوم اتزوجها

،،الشيخ باوع الوسام وخزره وكال //على كيفك بابا شنو قابل غركت المراكب فزيت وشنو الزلمه ما يتعيب،
ياخذ وحده واثنين والشرع محلل اربعه
،،وسام //حجي ما طول الشرع محلل اربعه خلي يأخذها غسان
وليش خو يأخذها فراس خالي مختلي
،الشيخ //بالنسبه الغسان انا ما أقبل ياخذ على زينب لان ماكو مثلها
خلقه وأخلاق ،أخوك يسوي بيها افلاك وهي محترمه نفسها وساكته ومتحمله
وفراس بعده ما يتزوج هسه وهو بالاساس باعد نفسه عن سوالف العشاير وانته بعد ابوك ابو الشغل
وابو الديوان وذراعي اليمين وانت الشايل حمولي ،سبع ومعدل وزلمة ديوان حتى الناس عبالهم انت الجبير

،،جاسم //والله أبو غسان لو عصام اهنا ما افوتها للبنيه

،،وسام باوع العمه //يأبه عمي افهموني الله يخليكم ما اكدر أخذها
تدرون بيه احب نغم ورايدها وكلكم تدرون ما اخذها او ،،،،

اهنا سكت وسام أبو خزرة عرف شيريد يحجي ظل بس عاظ على شفته
باوع الشيخ على جاسم //أبو عصام اشويه من رخصتك اريد احجي ويه وسام ابحدنه
جاسم // تدلل
طلع جاسم وبقى الشيخ وابنه
،الشيخ بعصبيه // ولك أوسيم إلى متى تبقى هيج ما تعرف تحچي من تصير عصبي وانا ادري ليش لأن
سوالفك مكسرة
،،وسام //بويه مو هيج بس تدري بيه نفسي ما تطيعني
الشيخ // بشنو ما تطيعك فهمني
وسام // شفهمك حجي انا ماشي بكل درب واعرف كلش زين البنيه إذا طلعت عليها حجايه صعبه تنسي
الشيخ //وسام البنيه ما بيها شي بهالركبه (واشر على ركبته)
وسام = انا خاطب او ...
الشيخ قاطعه // وشنو واذا خاطب مو عجبه انت زلمه معدل والخاطبها تعرف بيك ابوك شيخ والكل شي متعرضين
  يجوز اليوم من يجون علينه الشيوخ واحل المشكله يطوني مره شني اگللهم مشكورين نغم ما تقبل
وسام // يابه مو هذا قصدي
الشيخ //. انا اعرف قصدك اذا احنه مو گدها عليش بانيلنه مضيف والناس اتعنالنه خو نگعد ونسكت اسمعني بويه
مو بس الشيوخ لا كل زلمه لازم تكونله وگفات ومو بكيف النسوان لا ياابني عادات وتقاليد والكلفات اتطيح على اهلها
واحنه انحلها والما عاجبها بكيفها
وسام /:بويه انت بس تريدني ابطل من نغم ولا جن ابوها كرايبك
،،الشيخ // لا افه عليك شنو تبطل بنات الناس مو لعبه لا ما اقبل هيج تحچي جاي اگلك حرمه استجارت بينه
قليله بحقنه ما نجيرها
وسام // شنو ما نجيرها لا حجي يمنا تبقى معززه مكرمه وانحلها ويه اهلها
الشيخ // بابا ما تنحل اذا ما تتزوج البنيه ومو عبالك ما اريدك تاخذ نغم لا ادري من حقك انت هم تريد
تفرح بعرسك بس فرحتك زائله يوم يومين شهر لكن ما تقبل عليه انطي دخيلتي هاي مو مروتنا
بابا انا أريدك تأخذها سنه واتطلكها وانا اشوف الها ابن الحلال الي يستر عليها خطيه،البنيه يتيمه واستجارت
بينه وأبوها خير وخوش إنسان وانا ياوليدي أحلف دونها شريفه ومحد ماسها والله يدري بيها والخاطر مرت
عمك شلون تقبل ينكسر خاطرها و ام عصام بتنه مو غريبه وهي ربتك وياما شالتك وتعبت عليك
وانت من ضمن الوكفو وكتلها عد عيناج شني ولك تريد تزغرني كدام إخوتي وأولاد عمي