انقذتني روح

البارت الخامس

انقذتني رووح
البارت الخامس
انيين الليل #
🌹🌷🌹🌷🌹🌷🌹🌷🌹🌷🌹🌷🌹
هدى
بدت المدارس ومن اول يوم داومت وچنت ما اضيع لحظه من وكتي كله دراسه حتى مرات اروح للدوام وانا ما نايمه
ومرات اروح بدون امل ومرات لا من اكون مسيطره ع الماده اگضيها نوم
امي اكثر شغل البيت عليها انا عليه انظف البيت كل تلث تيام لان احنه ما عدنا احد ممكن ايوصخ بالبيت ومرات اغسل المواعين وتهاني تنزل اتسوي عشا واكثر الاحيان تخدر بس جاي ويقتصر عشانه على اجبان
ومن يجي كريم يجيب عشا من المطعم
اما عدنان فچان دائما باجازته يگعد يم امي وياخذنه نزور ابوي ومن ايشوفني اشتغل بالبيت ما يقبل ويسمع بكريم
هدى شكم مره بمره فهمتج لا تسويين اي شي بالبيت جاي اشوف امي وتهاني ما مقصرات
امي // اي يمه عدنان تهاني ما مقصره بس انت تعرف هدى ما تعرف تگعد
يمه بس هالكم شهر واذا انتي فارضه على هدى اله تشتغل انا من اجي اشتغل ابدالها
تهاني بخبث // وليش هيج عدنان خو شوفلنه وحده اتساعدنه بالبيت
عدنان //. لا ما اشوف اتزوج وغصبن ما على مرتي تساعد امي اما هدى فتبقى لدراستها وبس
كريم // بعد شيلزمها كبرت راسها
امي // ياا يمه لاتسوونها مشكله شنو نمونه الشغل انا اشتغل وحتى طبخ عمال بيت كريم هم انا اطبخ واودي
عمتي رووح تمر بينه مل تلث اسابيع ابقى ليله او ليلتين وتروح ويه ابن حماها ومن نشوفها كلنه نفرح
يمكن لان من ريحة ابونه دووم من تجي تگابل صورة ابوي بغرفته وتبچي وتگله // حاتم اشتاقيت لك خويه
ونصير نبچي وياها وما تسكت وهي تشوف امي تطبخ للعمال سالت امي // حياة ليش اتطبخيين غير تهاني
تطبخ العمالها
امي // اسكتي وخليها ام عصام اول يوم فهمتها خاله اتگعدين الصبح تطبخيين للعمال كل شي موجود بالثلاجه
گعدت الساعه بثمانيه ونص لو تشوفين التخبيث خلت بطل الزيت كله تشيلين التمن بس زيت والدجاج بدمه
والچاي اسود فحم وانتي تدرين بيه ام عصام انا شگد استحي شيكولون بيت حاتم نسوانهم ما يعرفن ايطبخن
من حچيت وياها گالت طبخي ما بي شي بس انتي هيچ تحچيين لان اكل العمال من المسواگ وكريم ما دافع بي شي
عمتي رووح // ليش هو كريم شدافع وهيچ تحچي بس خباثه ما تريد اتعب نفسها
امي // وداعتج ام عصام ابدي اليوم گبل باچر يكمل البيت وتشيل وتكافيني شرها
عمتي // شبيها حياة مون تتجاسر عليج
امي هزت راسها //  لا خيه بس خاله دوبها ودوب هاي (واشرت عليه ) ما ادري شتريد من البنيه
عمتي // تغار تولي ما عليج بيها
امي هزت راسها // لا ما عليه اريد بس كون هدى تكمل السادس سلامات بعد كل شي ما عندي
عمتي // ان شالله خيه وانتي عمه بيج وما تشدين حيلج
ابتسمت // ان شالله عمه
وبقيت اقرا واداوم ومرات اساعد امي بالشغل انطوني  درجات السعي السنوي وكان معدلي 92 وهذا الشي فرحني
ومدرساتي كللي شدي حيلج أيجوز تطلعين الأولى ورجعت للبيت وانا فرحانه وحجيت الامي وعدنان

امي //صلوات على محمد وآل محمد هسه ابوج فرح وهو بكبره
انا غلبتني دموعي كام عدنان باسني بكصتي وحضنيوكال //بس هداوي يا عمري اسكتي ويالله شدي حيلج
عندج شهرين عطله استغليهن الي راح بكوم والجاي كوم ثاني
كلام عدنان كله صحيح جان يقصد الدراسه بس الكوم الثاني الي راح يصير بيه وما جنت حاسبه احسابه
،امي كالت //حتى راح اخابر مريم اكلها لاتجي هي ومزعطتها علمود تاخذين راحتج بالدراسه وابد كل شي
لا تسوين اكعدي ادرسي والتردينه يجيج الغرفتج
،
،عدنان بعصبيه//وهاي إلى متى حضرت تهاني ماتنزل وما تشتغل شنو خدم عد الخلفوها
،امي باستعطاف//اسكت يمه رحمه الابوك كلها شكم شهر ويشيلون
،عدنان //ياكلون ويمسحون ايدهم بالحايط ونگول مي خالف والبناء كله من فلوس ابوي ومن نكله ضم الك
شكم فلس افتحلك مشروع يكول منيلي كاضيها على ست الحسن هي واهلها
،امي //مي خالف  يمه هاي وصية ابوك الله يرحمه هو ياخذ القطعه ونبنيها اله وبعد ما اله بالبيت شي وانت
هم الك بكد فلوس البناء  تتزوج بيهن والباقي تضمه والبنات وانا هم خلالنه هو الله يرحمه چان الكل شي مخطط
،عدنان //بس اشوفج اتعبين يمه وهدى خطيه لازم تنتبه الدراستها
،امي //مي خالف يمه تهون ما طولكم سالمين وانت شد حيلك خلي انشوفلك بنية حلال ونزوجك
،عدنان //الله كريم خلي هداوي تنجح ويصير خير