انقذتني روح

البارت العاشر

انقذتني رووح
البارت العاشر
#انيين الليل #
/$/://$//:///$//:///$////:///$//://:/
هدى
من اجه عمي ابو عصام سالني // شلونها عمتج
انا جاوبته =. حييل مصخنه وما الها خلگ
اتغدت
هزيت راسي = لا سويتلها شوربه گوه شربت الها شويه
زين بابا بلا زحمه صبيلي غدا وجيبي للغرفه بلكي تاكل شويه
رحت صبيتله غدا وانطيت الصينيه الدعاء ومن كمل جابتها للمطبخ صرت إغسل بالمواعين  اجه ابو عصام
باوعلي وكلي // هداوي بابا انا اشويه ارتاح وبعد ساعه راح أخذ عمتج للطبيب
انتي امشي ويانه لان هي ما تكدر تمشي وخاف تتخربط عاد وحده وياهة
جاوبته بدون ما اباوع الوجهه = صار عمي
راح ابو عصام ودخل للغرفه وانا كملت  المطبخ ورتبته ورحت سبحت وبدلت بوقتها لبست فستان اسود طويل
وخليت شال على شعري لفيته عدل وجواريب وحذاء مو كلش عالي طلع عمي ابو عصام كلي سويلي جاي وجيبيلي
انا وعمتج سويت جاي وصبيت كوبين واخذته الهم دكيت الباب ودخلت شفت عمتي حرارتها كلش عاليه انطيتها الجاي
باوعتلي  كالت // ما اريد ما اشتهي
ابتسمت بوجهها = عمه حبيبتي اشربي شويه زين على راسج
اخذت الكوب وشربت شويه وطلع عمي ابو عصام وانا بقيت يمها ساعدتهاباللبس وبعدين طلعنه لبست عباتي
على رأسي هاي اول مرة من اجيت من مزرعة اهل وسام قبل اربع شهور اليوم طلعت ويه عمتي
  الي اشرت بايدها على- دعاء وعلي - اجوهه حنتهم اوصتهم يديرون بالهم على نفسهم
وطلعنه انا فتحت باب السياره علمود عمتي تصعد يمي  عمتي
فتحت الباب الامامي وصعدت بالصدر يم زوجها وانا صعدت ورة
وعمتي بس تباوع الزوجها وكانها ما  شايفته من زمان
او تريد تكله شي انا ما مرتاحة وأتساءل بيني وبين نفسي =  شبيها عمتي

سمعت أبو عصام يكلها، ،،،//ها روح منا وغاد ديري بالج على روحج تره احنه كبرنه
روح بتعب ،//جاسم انت الكبرت انا بعدني زغيرة بت امس (وابتسمت )
ابو عصام ضحك ،//،يازغيرة هي فلاونزا خلتج تنامين بالفراش وما بيج توكفين على حيلج يرادلي اجدد تعرفين
الواحد لازم يفكر بنفسه
عمتي /:شلك بوجع الراس انت بس انا وشيبت انوب تجيبلك وحده تموتك
ابو عصام /:ها رووح تكولين ما اغار شو بس جبت طاري المره صحيتي
عمتي /:اذا ما اغار عليك عليمن اغار
ابو عصام /؛والله ما ابدل اضفرج بمية مره (وجه الكلام الي ) شتكولين عمي هداوي
انا ما جاوبت وعمتي كالت/: عفت الدنيا كلها وسالت هدى ما تشوفها راح تحجي وياك بعد ما تسكت هي ماي
ما تشرب كدامك
ضحكنا وهمه واحد يباوع للثاني بس بهاي الأثناء صار،!،،،،،

ما احس إلا السيارة انحرفت وراحت على الجهه الأخرى وانكلبت
ما ادري دعمتنا  سيارة لخ فتحت عيني وانا بالمستشفى احس بكل شي عبالي أحلم اتذكرت
هاي حقيقه  اي انا بالسياره ويه عمي وعمتي ويمكن انگلبت فزيت من مكاني ما انتبهت النفسي
ولا المغذي  الي خالينه الأيدي بوكتها كل شي اتذكرت نهضت شافتني وحده من الممرضات كتلها بخوف
بس بتعب = امي عمتي وين 
جاوبتني // أهدي على كيفج ما بيها شي
انا سحبته للمغذي كتلها وانا ااشر = وينها اريد اشوفها
وطلعت ما منتبهه على شكلي ولا على ايدي الي اوتت من المغذي وانملت دم صرت امشي شفت ناس اي ذوله
أعرفهم شيخ قاسم او وسام وغسان وياهم اهواي زلم شفتهم واگفيين اباب غرفه والشيخ كان يبجي اوسام او غسان
واكفين وانا ما منتبهه للناس  ركضت فتحت باب الغرفه شفت مرة نايمه على السديه ومغطينها بعبايه  سوده
راسا كشفت وجهه شفتها حبيبة عمري روح جانت نايمه صرت انده بيها عرفتها ما نايمه لكن اغالط بنفسي
واكول بلكي عدله صرت احجي وياها